मोठी बातमी! प्रस्तावित वीज दरवाढीला न्यायालयात आव्हान, औरंगाबाद खंडपीठात याचिका दाखल

Electricity Price Hike : महावितरणचे माजी अभियंता अजित देशपांडे यांनी अॅड. गिरीश नाईक- थिगळे यांच्यामार्फत याचिका दाखल केली.

मोठी बातमी! प्रस्तावित वीज दरवाढीला न्यायालयात आव्हान, छत्रपती संभाजीनगर खंडपीठात याचिका दाखल

Electricity Price Hike : मुंबईसह राज्यातील वीज (Electricity) दरवाढीचा बॉम्ब लवकरच फुटणार आहे. वीज कंपन्यांनी सादर केलेल्या वीज दर निश्चितीच्या याचिकेवर महाराष्ट्र वीज नियामक आयोगासमोर जनसुनावणी पार पडली आहे. त्यामुळे नवे वीजदर लवकरच लागू करावे लागणार आहेत. त्या पार्श्वभूमीवर वीज आयोगाचे वीज दराचे आदेश तयार करण्याचे काम अंतिम टप्प्यात आले असून, त्याबाबत लवकरच आदेश जारी केला जाणार आहे. मात्र आता याच प्रस्तावित वीज दरवाढीला महावितरणच्या माजी अभियंत्यानेच औरंगाबाद खंडपीठात आव्हान दिले आहे. तर प्रस्तावित वीज दरवाढ रोखण्याची विनंती या याचिकेत करण्यात आली आहे.

महावितरणचे माजी अभियंता अजित देशपांडे यांनी अॅड. गिरीश नाईक- थिगळे यांच्यामार्फत याचिका दाखल केली. या याचिकेवर 10 एप्रिल रोजी प्राथमिक सुनावणी होणार आहे.  विशेष म्हणजे यात ऊर्जा विभागाचे प्रधान सचिव, एमएसईबीच्या होल्डिंग कंपनीचे अध्यक्ष (ऊर्जामंत्री), वीज नियामक आयोगाचे सचिव, महावितरणचे संचालक (वाणिज्यिक) व महावितरणच्या अध्यक्षांसह व्यवस्थापकीय संचालक यांना प्रतिवादी करण्यात आले आहे. 

काय म्हटले आहे याचिकेत? 

महाराष्ट्रातील घरगुती ग्राहकांचे वीजदर शेजाऱ्याच्या राज्यांच्या तुलनेत आधीपासूनच जास्त असतानाही येत्या 1 एप्रिलपासून वीजदरवाढ लागू करण्याचा प्रस्ताव आहे. वीजदर जास्त असल्यामुळेच महाराष्ट्रात येणारे उद्योग इतर राज्यांत असून त्याचा राज्याच्या औद्योगिक विश्वावर परिणाम होत आहेत. त्यामुळे या प्रस्तावित वीज दरवाढीला थांबवावे अशी मागणी याचिकाकर्ते यांनी केली आहे. तर कृषिपंपाच्या अश्वशक्तीचा भार शेतकऱ्यांना न कळवताच वाढवून त्यांच्या नावे कोट्यवधींची थकबाकी दाखवून शासनाची, शेतकऱ्यांची आणि सर्वसामान्य ग्राहकांचीही फसवणूक केल्याप्रकरणाची उच्च न्यायालयाच्या निवृत्त न्यायमूर्तीच्या समितीमार्फत चौकशी करावी, अशी विनंती देखील याचिकेत करण्यात आली आहे. 

अशी असणार वीज दरवाढ...

महाराष्ट्रात घरगुती ग्राहकांना 101 ते 300 युनिटसाठी (वर्षे 2023-24) 12 रुपये 17 पैसे प्रतियुनिटप्रमाणे दर आकारला जातो. प्रस्तावित दराप्रमाणे 2023-24 साठी प्रतियुनिट 15 रुपये तर 2024-25 साली हाच दर 17 रुपये आकारला जाईल. 300 ते 500 युनिटचा सध्याचा दर 16. 24 रुपये तर प्रस्तावित 20.80 रुपये तर 2025-26 साली 23.28 रुपये असेल. 500 व त्यापुढील दर 18. 18 रुपये तर प्रस्तावित दराप्रमाणे 2023-24 साली 23.44 रुपये तर 2024-25 साठी 26.25 रुपये राहील.

इतर महत्वाच्या बातम्या :