Maharashtra News LIVE Updates: राज्यात लोकसभा निवडणुकीच्या शेवटच्या टप्प्याचा प्रचार
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
धाराशिवच्या ग्राहकाने ठोकले ओला इलेक्ट्रिक बाइकच्या शोरूमला टाळे
अवघ्या सहा महिन्यात ओला कंपनीची इलेक्ट्रॉनिक दुचाकी बंद पडल्यानंतर कंपनीकडून दुरुस्तीस टाळाटाळ केली जात असल्याने संतप्त ग्राहकाने कंपनीच्या शोरूमला टाळे ठोकून निषेध केला. धाराशिव येथील वैभव विश्वनाथ पाटील व गणेश विकास लावंड यांनी ओला कंपनीची इलेक्ट्रॉनिक दुचाकी खरेदी केली. मात्र, अवघ्या सहा महिन्यातच इलेक्ट्रिक बाइक मध्ये सतत बिघाड होत असल्याने वाहन दुरुस्तीसाठी पाटील व लावंड यांनी कंपनीच्या शोरुमकडे तक्रार करून ही ओला कंपनीकडून दुरुस्त करून मिळत नसल्याने वैतागलेल्या ग्राहकाने अखेर शोरूमला टाळे ठोकले. वाहनाची दुरुस्ती करुन दिल्याशिवाय टाळे काढणार नसल्याचा इशाराही ग्राहकांनी दिला आहे
मोदी पुन्हा पंतप्रधान होणार नाहीत: संजय राऊत
मोदी पुन्हा पंतप्रधान होणार नाहीत, भाजप एकसंध आहे की नाही हे 4 जूननंतर कळेल: संजय राऊत. सविस्तर वाचा.
धुळे लोकसभा मतदार संघ निवडणूक अत्यावश्यक सेवेतील कर्मचाऱ्यांच्या टपाली मतदानास सुरुवात
धुळे लोकसभा मतदारसंघासाठी 20 मे, 2024 रोजी मतदान होणार आहे. मतदानाच्या दिवशी अत्यावश्यक सेवेत कार्यरत असलेल्या कर्मचाऱ्यांना मतदानाचा हक्क बजावता यावा, यासाठी भारत निवडणूक आयोगाच्या सूचनेनुसार जिल्हा माहिती अधिकारी कार्यालयातील तळमजला लगतची उजवीकडील खोली क्रमांक 1 (माध्यम कक्ष) जिल्हाधिकारी कार्यालय आवार, धुळे येथे ‘टपाली मतदान कक्ष (पोस्टल वोटींग सेंटर) स्थापन करण्यात आला आहे. त्याठिकाणी आज सकाळी 9.00 वाजेपासून अत्यावश्यक सेवेतील कर्मचाऱ्यांच्या टपाली मतदानास सुरुवात झाली. जिल्हाधिकारी तथा जिल्हा निवडणूक निर्णय अधिकारी अभिनव गोयल यांनी आज सकाळी या कक्षास भेट देऊन पाहणी केली.
पाणी टंचाईमुळे दुसरबीड येथील ग्रामस्थ आक्रमक
पाणीटंचाईमुळे दुसरबीड येथील नागरिकांचे हाल होत आहेत. पाणी पुरवठ्याबाबत उपाययोजना करावी, अशी मागणी काही दिवसांपूर्वी गावकऱ्यांच्या वतीने ग्रामपंचायतीकडे केली होती. मात्र त्यावर कुठलीही कारवाई झाली नसल्याने व टँकरने ही पाणीपुरवठा होत नसल्याने गावातील संतप्त नागरिकांनी व महिलांनी ग्रामपंचायतीवर हंडा मोर्चा काढत पाणी देण्याची मागणी केली. आक्रमक नागरिकांना नियंत्रित करण्यासाठी पोलिसांना ही पाचारण करण्यात आल आहे मात्र जो पर्यंत पिण्यासाठी पाणी मिळणार नाही तो पर्यंत ग्रामपंचायत कार्यालय समोर आंदोलन सुरूच ठेवणार असल्याची भूमिका गावकऱ्यांनी घेतली आहे.
वीजपुरवठा खंडित झाल्याने पाण्यासाठी वणवण
वसमत तालुक्यातील जवळा-खंदारबन या गावांमध्ये महावितरणच्या गलथान कारभारामुळे नागरिकांना पिण्याच्या पाण्यासाठी एक ते दीड किलोमीटर पायपीट करून पाणी आणावे लागत आहे. सध्या मे महिना सुरू आहे राज्यभरामध्ये भीषण पाणीटंचाई आहे असे असताना वसमत तालुक्यातील जवळा-खंदारबन या गावांमध्ये मागील दोन महिन्यापासून वीजपुरवठा सुरळीत होत नाही परिणामी गावामध्ये पाणीच मिळत नाही त्यामुळे गावातील नागरिक महिला आणि लहान मुलांना सुद्धा पाणी आणण्यासाठी भटकंती करावी लागत आहे एक ते दीड किलोमीटर पायपीट केल्यानंतर पिण्यासाठी पाणी आणता येत आहे त्यामुळे याची तत्काळ महावितरण दखल घेऊन वीजपुरवठा सुरळीत ठेवावा त्यामुळे पाण्यासाठी भटकंती करण्याची गरज पडणार नाही अशी मागणी नागरिकांनी केली आहे.
महत्त्वाच्या बातम्या
ट्रेंडिंग न्यूज
