Maharashtra Covid-19 cases Live Updates : जाणून घ्या राज्यासह देशातील कोरोनाची आकडेवारी

Maharashtra Covid-19 cases Live Updates 15 February 2022 : राज्यासह देशातील आजची कोरोना आकडेवारी अपडेट्स या लाईव्ह ब्लॉगमध्ये तुम्ही पाहू शकता.

15/02/2022 23:46:52

assam : आसाममध्ये आज 66 कोरोनाबाधित रुग्णांची नोंद

assam : आसाममध्ये आज 66 कोरोनाबाधित रुग्णांची नोंद झाली आहे. तर 453 रुग्ण कोरोनामुक्त झाले आहेत. 

15/02/2022 23:46:27

karnataka : कर्नाटकात आज 1405 कोरोनाबाधित रुग्णांची नोंद

karnataka : कर्नाटकात आज 1405 कोरोनाबाधित रुग्णांची नोंद झाली आहे. तर 5762 रुग्ण कोरोनामुक्त झाले आहेत. 

15/02/2022 20:01:08

Mumbai Corona Update : मुंबईत आज 235 कोरोनाबाधित रुग्णांची नोंद

Mumbai Corona Update : मुंबईत आज 235 कोरोनाबाधित रुग्णांची नोंद झाली आहे. कालच्या तुलनेत ही रुग्णसंख्या (Corona Updates) काहीशी अधिक आहे, कारण सोमवारी 192 नव्या बाधितांचीच नोंद झाली होती. पण आज मुंबईत एकाही रुग्णाचा मृच्यू न झाल्याने मुंबईकरांना मोठा दिलासा मिळाला आहे. मुंबई महानगरपालिकेने (Mumbai BMC) दिलेल्या माहितीनुसार, मुंबईत 235 नवे कोरोना रुग्ण आढळले आहेत. तर 446 जण कोरोनामुक्त झाले आहेत.

15/02/2022 19:17:25

राज्यात आज 2831 नव्या रुग्णांची नोंद

राज्यात आज 2831 नव्या रुग्णांची नोंद झाली आहे. तर 8395 जणांनी कोरोनावर मात केली आहे. मागील 24 तासांत 35 कोरोनाबाधित रुग्णांचा मृत्यू झाला आहे.

15/02/2022 19:11:02

Kerala : केरळात आज 11,776 कोरोनाबाधित रुग्णांची नोंद

Kerala : केरळात आज 11,776 कोरोनाबाधित रुग्णांची नोंद झाली आहे. तर 20 कोरोनाबाधित रुग्णांचा मृत्यू झाला आहे. 

15/02/2022 19:11:28

Parbhani : परभणी जिल्ह्यात गेल्या 24 तासात 12 कोरोनाबाधित रुग्णांची नोंद

Parbhani : परभणी जिल्ह्यात गेल्या 24 तासात 12 कोरोनाबाधित रुग्णांची नोंद झाली आहे. तर 36 रुग्णांनी कोरोनावर मात केली आहे. 

पार्श्वभूमी

Maharashtra Corona Update : महाराष्ट्रातील कोरोना रुग्णसंख्येचा आलेख मागील काही दिवसांपासून उतरता असून आजतर नवीन आढळलेल्यांची रुग्णसंख्या थेट दोन हजारांच्या खाली पोहोचली आहे.  आरोग्य विभागाने दिलेल्या माहितीनुसार, राज्यात सोमवारी 1 हजार 966 नव्या रुग्णांची नोंद झाली आहे. तर 12 रुग्णांचा मृत्यू झाला आहे. मागील 24 तासांत राज्यात 11 हजार 408 रुग्णांनी कोरोनावर मात केली आहे. 

राज्यात सध्या 36 हजार 447 ॲक्टिव रुग्ण आहेत.  राज्यात आजपर्यंत एकूण 76,61,077  कोरोना बाधित रुग्ण बरे होऊन घरी परतले आहेत.  यामुळे राज्यातील रुग्ण बरे होण्याचे प्रमाण (Recovery Rate) 97.66 टक्के एवढे झाले आहे. राज्यात आत 12 कोरोना रुग्णांचा मृत्यू झाला आहे. त्यामुळे राज्यातील मृत्यूदर 1.82 % एवढा झाला आहे.  याशिवाय राज्यात आज 8 नवीन ओमायक्रॉन रुग्णांची भर पडली आहे. हे आठही रुग्ण मुंबईत आढळले आहेत.

मुंबईतील रुग्णसंख्येतही घट

मागील काही दिवसांपासून मुंबईतील रुग्णसंख्येत होणारी घट आजही कायम राहिली आहे. मुंबईत सोमवारी 192 नव्या कोरोनाबाधितांची नोंद झाली आहे. मुंबई महानगरपालिकेने दिलेल्या माहितीनुसार, सोमवारी मुंबईत 192 नवे कोरोना रुग्ण आढळले आहेत. तर 350 जण कोरोनामुक्त झाले आहेत. त्यामुळे मुंबईतील रिकव्हरी रेट 98 टक्के इतका झाला आहे. नव्याने आढळलेल्या कोरोना रुग्णांमुळे मुंबईतील सक्रिय रुग्णसंख्या 2 हजार 513 इतकी झाली आहे. तर कोरोना रुग्ण दुपटीचा कालावधी 1691 दिवसांवर आला आहे. रविवारच्या तुलनेत यामध्ये तब्बल 294 दिवसांची वाढ झाली आहे.

याशिवाय मुंबईतील साप्ताहिक कोरोना रुग्णवाढीचा दर कमी होऊन 0.04% टक्के इतका झाला आहे. मुंबईत मागील 24 तासांत दोन रुग्णांचा कोरोनावर उपचार घेताना मृत्यू झाला आहे. तसंच आज नव्याने सापडलेल्या 192 रुग्णांपैकी 26 रुग्णांनाच रुग्णालयात दाखल करण्यात आल्याने पालिकेकडील 36 हजार 889 बेड्सपैकी केवळ 996 बेड वापरात आहेत.

जागतिक आरोग्य संस्थेने कोरोनाबाबत काळजी घेण्याचं आवाहन नागरिकांना केलं असून ओमायक्रॉननंतर देखील नवा व्हेरियंट येऊ शकतो अशी शक्यताही त्यांनी वर्तविली आहे. कोव्हिड 19 तांत्रिक दलाच्या की मारिया वान केरखोव यांनी सावध इशारा देताना, 'आम्ही या विषाणूबद्दल बऱ्याच गोष्टी जाणतो. पण यात अनेक बदल होत असल्याने आम्ही यावर नजर ठेवून आहोत. त्यामुळे नागरिकांनीही काळजी घेणं गरजेचं आहे.'