Maharashtra Corona Update : शनिवारी राज्यात 1272 नव्या कोरोना रुग्णांची नोंद, चार जणांचा मृत्यू
Maharashtra Corona Update : राज्यात आज 1272 कोरोनाच्या (Maharashtra Corona Update) नव्या रुग्णांची भर पडली आहे.
Maharashtra Corona Update : राज्यात आज 1272 कोरोनाच्या (Maharashtra Corona Update) नव्या रुग्णांची भर पडली आहे. तर आज दिवसभरात एकूण 1771 रुग्ण कोरोनामुक्त होऊन घरी परतले आहेत.
चार कोरोनाबाधितांचा मृत्यू -
आरोग्य विभागाच्या माहितीनुसार, शनिवारी राज्यात 1771 रुग्णांनी कोरोनावर मात केली आहे. राज्यात आजपर्यंत एकूण 78,46,694 करोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) 98.06 % एवढे झाले आहे. राज्यात आज चार करोना बाधित रुग्णाच्या मृत्यूची नोंद झालेली आहे. सध्या राज्यातील मृत्यूदर 1.82 % एवढा आहे.
सक्रीय रुग्ण किती?
राज्याच्या आरोग्य विभागाने दिलेल्या माहितीनुसार, राज्यात सध्या आठ हजार सहाशे 94 सक्रीय रुग्ण आहेत. सर्वाधिक सक्रीय रुग्ण मुंबई 3183, ठाणे 2001 आणि पुण्यात 1681 सक्रीय रुग्ण आहेत. तर जळगावमध्ये तीन, हिंगोली आणि नंदूरबारमध्ये पाच पाच सक्रीय रुग्ण आहेत.
आज सर्वाधिक रुग्ण कुठे आढळले?
राज्यात आज 1272 नव्या रुग्णांची नोंद झाली आहे. यामध्ये मुंबई 394, नवी मुंबई १०८, पुणे मनपा १६६, पिंपरी चिंचवड मनपा १०८ रुग्ण आढळले आहेत. इतर ठिकाणी आज शंभरपेक्षा कमी रुग्णाची नोंद झाली आहे. तर मालेगाव मनपा, धुळे, जळगाव, हिंगोली आणि परभणीमध्ये आज एकाही कोरोना रुग्णाची नोंद नाही.
देशात कोरोनाचे 7219 नवीन रुग्ण
देशातील कोरोना रुग्णांची संख्या (Coronavirus) पुन्हा एकदा वाढली आहे. देशात गेल्या 24 तासांत कोरोनाबाधितांच्या संख्येत 1,051 रुग्णांची वाढ झाली आहे. देशात शुक्रवारी 7219 नवे कोरोनाबाधित आढळले आहेत. त्याआधी गुरुवारी दिवसभरात 6 हजार 168 नवीन कोरोनाबाधित रुग्णांची नोंद झाली होती. देशातील कोरोना रुग्णांच्या संख्येत (Coronavirus Cases Today) सातत्याने चढउतार पाहायला मिळत आहे. सणासुदीच्या पार्श्वभूमीवर वाढती रुग्णसंख्या चिंतेच कारण आहे. देशात गेल्या 24 तासांत 9 हजार 651 रुग्ण कोरोना संसर्गातून मुक्त झाले आहेत. देशात कोरोनामुक्त होणाऱ्या रुग्णांचं प्रमाण जास्त आहे. देशातील उपचाराधीन असलेल्या कोरोना रुग्णांची संख्याही घटली आहे. सध्या देशात 56 हजार 745 सक्रिय कोरोना रुग्ण आहेत. भारतात आतापर्यंत एकूण 5 लाख 27 हजार 965 रुग्णांचा कोरोनामुळे मृत्यू झाला आहे. दरम्यान, देशात नोंद झालेल्यांपैकी सर्वाधिक रुग्ण सौम्य लक्षणे असणारे आहेत. देशव्यापी लसीकरण मोहिमेत आतापर्यंत 213 कोटींहून अधिक कोरोना प्रतिबंधात्मक लसी देण्यात आल्या आहेत.
महत्त्वाच्या बातम्या
