Maharashtra Corona LIVE Updates : नाशिकमध्ये तूर्तास लॉकडाऊन होणार नाही : पालकमंत्री छगन भुजबळ
Maharashtra Covid 19 Cases LIVE Updates | राज्यात कोरोनाची स्थिती दिवसेंदिवस गंभीर होत आहे. कोरोनाबाधित रुग्णांच्या संख्येत विक्रमी वाढ होत आहे. या पार्श्वभूमीवर राज्यात अनेक जिल्ह्यांमध्ये लॉकडाऊन लागू करण्यात आला आहे. तर काही ठिकाणी कडक निर्बंध लागू करण्यात आले आहेत
राज्यात आजपासून 45 वर्षांवरील नागरिकांना लसीकरणाला सुरूवात झाल्याच्या पहिल्याच दिवशी 3295 लसीकरण केंद्रांच्या माध्यमातून सुमारे ३ लाखांहून अधिक जणांना लस देण्यात आली. राज्यात आज आतापर्यंतचे सर्वाधिक लसीकरण झाले असून एकाच दिवशी 57 हजार जणांना लसीकरण करून पुणे जिल्हा राज्यात अग्रेसर राहीला आहे. त्यापाठोपाठ मुंबईत देखील 50 हजार जणांचे लसीकरण आज झाले.
आज अखेर महाराष्ट्राने देशभरात सर्वाधिक सुमारे 65 लाखांहून नागरिकांना लसीकरण करून पहिल्या क्रमांकात सातत्य राखले आहे. कोरोना प्रतिबंधात्मक लसीकरणात राज्य पहिल्यापासूनच अग्रसेर राहीले आहे. कोरोनाच्या वाढत्या पार्श्वभूमीवर राज्यात लसीकरणाला वेग देण्यासाठी दररोज तीन लाख नागरिकांचे लसीकरण करण्याचे उद्दीष्ट ठेवण्यात आले असून दररोज किमान पावणे तीन लाख नागरिकांना लसीकरण केले जात आहे. आज तीन लाखांहून अधिक जणांना लसीकरण करण्यात आले.
नाशिकमध्ये तूर्तास लॉकडाऊन होणार नाही असं मत पालकमंत्री छगन भुजबळ यांनी व्यक्त केलय. आज संध्याकाळी नाशिक जिल्हाधिकारी कार्यालयात कोरोना आढावा बैठक घेण्यात आली होती. या बैठकीला संपूर्ण नाशिक जिल्ह्याचं लक्ष लागलं होतं. शासकीय अधिकारी या बैठकीला उपस्थित होते. लॉकडाऊन हा मार्ग होऊ शकत नाही, गरिबांचे हाल होतील अनेक उद्योगधंदेही बसतील तसेच रोजीरोटीचा प्रश्न उभा राहील, असं मत भुजबळांनी व्यक्त करत कोरोना पूर्ण कधीच बरा होऊ शकत नाही. त्यामुळे सध्या आरोग्य यंत्रणा मजबूत करण्यावर आम्ही भर देत असल्याचंही म्हंटलय. विशेष म्हणजे कोरोना रुग्णसंख्येला नागरिकांसोबतच आमच्या अधिकाऱ्यांनीही बेफिकिरपणा दाखवला, एक महिन्यापूर्वीच अधिक जोमाने कारवाया झाल्या असता तर फरक पडला असता असं म्हणत अधिकाऱ्याना त्यांनी चांगलेच धारेवर धरल्याने हा चर्चेचा विषय ठरलाय.
सोलापूर शहरात लावण्यात आलेल्या विकेंड लॉकडाउनच्या आदेशात बदल. सर्व दुकानांसाठी आता सकाळी 7 ते संध्याकाळ 7 ऐवजी 8 वाजेपर्यंत परवानगी. तर शनिवार, रविवार बंद ऐवजी आता सर्व व्यापाऱ्यांना दुकाने सुरू ठेवता येणार. हॉटेल, रेस्टॉरंट सकाळी 7 ते 8 पर्यंत सुरू राहणार तर होम डीलव्हरी साठी 10 वाजेपर्यंत परवानगी. पालिका आयुक्त पी. शिवशंकर यांचे आदेश जारी.
Covid Vaccination : देशभरात आजपासून 45 वर्षांवरील नागरिकांच्या कोरोना लसीकरणाला सुरुवात झाली आहे. देशात कोरोनाचे रुग्णांची रोज चिंताजनक वाढ होताना दिसत आहे. त्यामुळं केंद्र सरकारनं महत्वाचा निर्णय घेतला आहे. सार्वजनिक आणि खाजगी लसीकरण केंद्रांवर एप्रिल महिन्यामध्ये राजपत्रित सुट्टीसह सर्व सुट्ट्यांच्या दिवशीही लसीकरण केले जाणार असल्याचे केंद्र सरकारकडून सांगण्यात आलं आहे. यासंदर्भात एएनआयनं माहिती दिली आहे. देशात वाढत्या कोरोनाच्या पार्श्वभूमीवर हा निर्णय घेतला गेल्याचे सूत्रांकडून कळले आहे.
'वर्क फ्रॉम होम'साठी राज्य सरकारची चाचपणी, लॉकडाऊनपेक्षा जास्तीत जास्त लोकांना घरी बसून कसं काम करता येईल यासाठी प्राधान्य, राज्य सरकार सर्व खाजगी कंपन्यांना आदेश देण्याची शक्यता , लोकं घरी राहिल्यानं रस्त्यावरची गर्दी कमी होईल , ट्रेन, बस आणि मेट्रोची गर्दी कमी करण्यासाठी वर्क फ्रॉम होम सुरु होण्याची शक्यता ,आयटी सेक्टर व इतर ऑफिसेसला सरकार वर्क फ्राॅम होमसाठी देणार आदेश
नाशिक जिल्ह्यात कोरोनाचा वाढती रुग्ण संख्या आता छोट्या शहरांमध्ये वाढू लागल्याने स्थानिक प्रशासनाची चिंता वाढलीय. कोरोनाचा संसर्गाची साखळी तोडण्यासाठी विविध उपाय योजना सुरु आहेत.आजपासून देवळा तालूक्यात दहा दिवसांचा जनता कर्फ्यु लागू करण्यात आलाय.
RTPCR चाचण्याचे दर आता 500 ते 800 रुपये. रुग्णाने लॅबमध्ये जाऊन टेस्ट केली तर 500 रुपये आकारले जाणार. लॅबने तपासणी केंद्रावरून नमुने जमा केल्यास 600 रुपये आणि रुग्णाच्या घरी जाऊन चाचणीसाठी नमुना घेतल्यास 800 रुपये आकारले जाणार. राज्य सरकारने वेळोवेळी कोरोनाच्या चाचणीच्या दरात कपात केली आहे.
नाशिक शहरात 4426 पैकी 1787 बेड्स शिल्लक असल्याच आज सकाळी महापालिका आरोग्य विभागाकडून सांगण्यात आले होते.
परभणी जिल्ह्यात कोरोनाचा संसर्ग वाढत चालला असून यामुळे जिल्हाधिकारी दीपक मुगळीकर यांनी निर्बंध आणखीन कडक केलेत . मात्र या निर्बंधांचा फटका विविध विभागांना बसतोय 22 मार्च 31 मार्च दरम्यान जिल्ह्यातील खाजगी व प्रवासी वाहतूक बंद ठेवण्याचा आदेश जिल्हाधिकारी यांनी दिला होता. त्यानंतर आज या आदेशाला पुन्हा एकदा मुदतवाढ देण्यात आली आहे. 15 एप्रिल पर्यंत जिल्ह्यातील खाजगी व सार्वजनिक वाहतूक व्यवस्था बंद ठेवण्याचे आदेश जिल्हाधिकाऱ्यांनी काढले आहेत. त्यामुळे एसटी, ट्रॅव्हल्स 15 एप्रिल पर्यंत बंद असणार आहेत . याचा फटका एसटी महामंडळाला बसतोय. परभणी जिल्ह्यातून रोज जवळपास 800 ते 900 फेऱ्या होतात .त्यातून 30 लाखांचा नफा महामंडळाला होतो मात्र मागच्या आठ दिवसात एसटी पूर्णतः बंद आहे. त्यानंतर आता परत पंधरा दिवस पुन्हा एकदा एसटी बंद असल्याने महामंडळाला याचे मोठे नुकसान सहन करावे लागणार आहे..
परभणी जिल्ह्यात कोरोनाचा संसर्ग वाढत चालला असून यामुळे जिल्हाधिकारी दीपक मुगळीकर यांनी निर्बंध आणखीन कडक केलेत. मात्र, या निर्बंधांचा फटका विविध विभागांना बसतोय 22 मार्च 31 मार्च दरम्यान जिल्ह्यातील खाजगी व प्रवासी वाहतूक बंद ठेवण्याचा आदेश जिल्हाधिकारी यांनी दिला होता. त्यानंतर आज ह्या आदेशाला पुन्हा एकदा मुदतवाढ देण्यात आली आहे. 15 एप्रिलपर्यंत जिल्ह्यातील खाजगी व सार्वजनिक वाहतूक व्यवस्था बंद ठेवण्याचे आदेश जिल्हाधिकाऱ्यांनी काढले आहेत. त्यामुळे एसटी असेल ट्रॅव्हल्स असेल या सर्व 15 एप्रिलपर्यंत बंद असणार आहेत. याचा फटका एसटी महामंडळाला बसतोय परभणी जिल्ह्यातून रोज जवळपास 800 ते 900 फेऱ्या होतात त्यातून 30 लाखांचा नफा महामंडळाला होतो. मात्र, मागच्या आठ दिवसात एसटी पूर्णतः बंद आहे. त्यानंतर आता परत पंधरा दिवस पुन्हा एकदा एसटी बंद असल्याने महामंडळाला याचे मोठे नुकसान सहन करावे लागणार आहे.
रेडिरेकनरच्या दरात कोणतेही बदल नाही. मागील वर्षीचे रेडिरेकनर दर सरकारने कायम ठेवले. कोरोनामुले राज्य सरकारने रेडिरेकनरच्या दरात बदल न करण्याचा निर्णय घेतला आहे.
अहमदनगर जिल्ह्यात दिवसेंदिवस कोरोनाचा संसर्ग वाढत चाललाय तर नगर शहरापाठोपाठ राहाता तालुका कोरोनाचा हॉटस्पॉट ठरला आहे. राहाता तालुक्यामध्ये दररोज मोठ्या संख्येने कोरोनाचे रुग्ण आढळून येताहेत. कोरोनाची ही साखळी तोडण्यासाठी 30 मार्च ते 5 एप्रिल 2021 या कालावधीत राहाता शहरासह बाजूची पिंपळस आणि साकुरी ही गाव देखील पुर्णतः लॉकडाऊन करण्यात आलीये. या सात दिवसांच्या कालावधीत वैद्यकीय सेवा वगळता सर्व व्यवहार बंद ठेवले आहेत तर राहाता साकुरी आणि पिंपळस हद्दीत असणाऱ्या पेट्रोल पंपांना देखील आता वेळेची मर्यादा घालून देण्यात आलीये. लॉकडाऊनच्या काळात या तीन गावातील पेट्रोल पंप सकाळी 6 ते 9 आणि सायंकाळी 5 ते 7 या वेळेतच सुरू राहाणार आहेत.
परभणी जिल्हाधिकाऱ्यांनी संचारबंदीचा कालावधी वाढवला आहे. जिल्ह्यात 5 एप्रिलपर्यंत संचारबंदी राहणार आहे. उद्या 1 एप्रिलपर्यंत संचारबंदी होती. आज नवीन आदेश काढुन 5 एप्रिलपर्यंत संचारबंदी वाढवली आहे. कोरोनाचा वाढता संसर्ग लक्षात घेता जिल्हाधिकारी यांचा निर्णय.
पालघर जिल्ह्यात कोविड विषाणूंचा प्रादुर्भाव रोखण्यासाठी पुनः नवीन आदेश देण्यात आले आहेत. सायंकाळी 8 ते सकाळी 7 पर्यंत जमावबंदी राहील उल्लंघन करणाऱ्याला 1000 रुपये दंड आकारण्यात येईल तर सार्वजनिक ठिकाण, बगीचे, समुद्र किनारे, उद्यान येथे सुद्धा हाच नियम लागू राहणार आहे. त्याचप्रमाणे विनामस्क फिरणाऱ्याला 500 रुपये तर सार्वजनिक ठिकाणी थुंकणाऱ्याला 1000 रुपये दंड आकारण्यात येईल. लग्न समारंभावर 15 एप्रिलपासून घातलेली बंदी उठविण्यात आली असून 50 च्या मर्यादेत ही परवानगी स्थानिक पोलीस ठाण्यातून मिळणार आहे. बाजारपेठा, बार, रेस्टॉरंट खाद्यगृह परमिट रूम सकाळी सात ते रात्री आठ वाजेपर्यंत सुरू राहतील.
परभणी- जिल्ह्यातील संचारबंदीत 5 दिवसांची वाढ ,
जिल्हाधिकाऱ्यांनी संचारबंदीचा कालावधी वाढवला ,
जिल्ह्यात 5 एप्रिल पर्यंत संचारबंदी ,
उद्या 1 एप्रिल पर्यंत होती संचारबंदी ,
आज नवीन आदेश काढून 5 एप्रिल पर्यंत संचारबंदी वाढवली ,
कोरोनाचा वाढता संसर्ग लक्षात घेता जिल्हाधिकारी यांचा निर्णय,
पालघर : पालघर जिल्ह्यात कोविड विषाणूंचा प्रादुर्भाव रोखण्यासाठी नवीन आदेश देण्यात आले आहेत. सायंकाळी 8 ते सकाळी 7 पर्यंत जमाव बंदी राहील. उल्लंघन करणाऱ्याला 1000 रुपये दंड आकारण्यात येईल, तर सार्वजनिक ठिकाण, बगीचे,समुद्र किनारे,उद्यान येथे सुद्धा हाच नियम लागू राहणार आहे. त्याच प्रमाणे विनामास्क फिरणाऱ्याला 500 रुपये तर सार्वजनिक ठिकाणी थुंकनाऱ्याला 1000 रुपये दंड आकारण्यात येईल. लग्न समारंभावर 15 एप्रिल पासून घातलेली बंदी उठविण्यात आली असून 50 च्या मर्यादेत ही परवानगी स्थानिक पोलीस ठाण्यातून मिळणार आहे. बाजारपेठा, बार , रेस्टॉरंट, खाद्यगृह, परमिट रूम सकाळी सात ते रात्री आठ वाजेपर्यंत सुरू राहतील,
गर्दी नियंत्रित करण्यासाठी 5 रुपयांची पावती हा आमचा शेवटचा उपाय नाहीतर लॉकडाऊन शिवाय पर्याय नाही. पावती फाडली जाते त्या ठिकाणी गर्दी होत असेल तर आम्ही सुधारणा करू, तशा सूचना दिल्या आहेत. दंड आकारणे हा आमचा उद्देश नाही, नागरिकांना जबाबदारीची जाणीव करून देणे हा उद्देश. पोलीस आयुक्त दीपक पांडेय यांची माहिती.
केंद्रीय आरोग्य मंत्रालयाने जाहीर केलेल्या माहितीनुसार देशात सर्वात जास्त प्रादुर्भाव असलेल्या 10 जिल्ह्यात अहमदनगर जिल्ह्याचा समावेश आहे. अहमदनगर जिल्ह्यात गेल्या 5 दिवसात सरासरी 1 हजार पेक्षा जास्त रुग्ण हे कोरोनाबधित होत आहेत. आजपर्यंत 93242 रुग्ण हे कोरोनाबधित झाल्याची नोंद करण्यात आली आहे.
कोरोनाचा वाढता संसर्ग रोखण्यासाठी जिल्हाधिकारी दीपक मुगळीकर यांनी जिल्ह्यात घालून दिलेल्या विविध निर्बंधांना 15 एप्रिल पर्यंत मुदतवाढ देण्यात आली आहे.दहावी,बारावी वगळता सर्व शाळा महाविद्यालय, आठवडी बाजार,धार्मिक स्थळ सर्व प्रकारचे आंदोलन,कोचिंग क्लासेस,व विदर्भातील वाहतुक ही 15 एप्रिल पर्यंत बंदच ठेवण्याचा निर्णय जिल्हाधिकारी यांनी घेतला असुन आज याबाबत विविध आदेश काढले आहे..
कोरोनाच्या वाढत्या प्रदूर्भावाच्या पार्श्वभूमीवर केडीएमसीने गर्दी टाळण्यासाठी 28 मार्च ते 4 एप्रिलच्या कालावधीत येणाऱ्या गुड फ्राय डे व ईस्टर संडे सणांवर निर्बंध घातले आहेत.ख्रिश्चन बांधवांनी 28 मार्च ते 4 एप्रिल या होली विकमध्ये मोठे चर्च असल्यास 50 जणांच्या तर लहान चर्च असल्यास 10 ते 15 जणांच्या उपस्थितीत प्रार्थनेचे आयोजन करावे, चर्चमध्ये मास्क व सोशल डिस्टन्सिंगचे पालन करावे ,गर्दी टाळण्यासाठी चर्च व्यस्थापकांनी ऑनलाइन प्रार्थना सभेचे आयोजन करावे असे निर्देश दिले आहेत
कोरोना रुग्णसंख्या वाढत असताना लोकडाऊनला विरोध होत .आहे त्या परिस्थितीत करोना आटोक्यात आणण्याचे दिव्य प्रशासनाला पेलावे लागणार आहे. यामुळेच केडीएमसी आयुक्तांनी यापूर्वीच नागरिक व्यापारी लोकप्रतिनिधी यांच्यावर काही प्रमाणात निर्बंध घातले आहेत आता महापालिका मुख्यालयातील आणि प्रभाग क्षेत्र कार्यालयातील गर्दी कमी करण्यासाठी नागरिकांना आवश्यक कामकाज बघता प्रवेश मर्यादित केले आहेत. माजी पालिका सदस्य व पदाधिकारी विविध संस्थांनी संघटनांचे पदाधिकारी यांनीदेखील दूरध्वनीवरून अधिकार्‍यांशी संपर्क साधावा आणि आवश्यकता भासल्यास जर मुख्यालयात किंवा प्रभाग कार्यालयात भेटीसाठी यावे असे आवाहन आयुक्तांनी केले आहे
नाशिकमध्ये आधीच कोरोना नियंत्रणात आणण्यासाठी महापालिका प्रशासन कमी पडत असल्याच समोर येत असतांनाच आता मास्क कारवाईच्या नावाखाली महापालिकेकडून चक्क लूट केली जात असल्याचा खळबळजनक प्रकार समोर आलाय विशेष म्हणजे याबाबत पोलिस ठाण्यात तक्रारही दाखल करण्यात आली आहे.
पार्श्वभूमी
राज्यात लॉकडाऊन लागणार का? आरोग्यमंत्री राजेश टोपे म्हणतात...
राज्यात कोरोना रुग्णांच्या संख्येत रोज विक्रमी वाढ होताना दिसत आहे. त्यामुळ सर्वांनाच एक प्रश्न पडला आहे तो म्हणजे राज्यात पुन्हा लॉकडाऊन लागू होणार का? राज्याचे आरोग्यमंत्री राजेश टोपे यांनी याबाबत बोलताना म्हटलं की, लॉकडाऊन सध्या कुणालाच नको आहे. पण परिस्थिती येते तेव्हा तहान लागल्यावर विहीर खोदू शकत नाही. लॉकडाऊन ऐनवेळी लावणे शक्य नाही, त्याचा अभ्यास करावा लागतो, याबाबत मुख्यमंत्री उद्धव ठाकरे आणि वरिष्ठ अधिकाऱ्यांसोबत चर्चा झाली, असं राजेश टोपे यांनी म्हटलं. राज्यात कोरोनाची संख्या वाढते, याबाबत चिंता आहे. सर्व क्षेत्राचा अभ्यास करुन लॉकडाऊनबाबत निर्णय घेतला जातो. परिस्थितीवर नजर ठेवून निर्णय होतो. निर्बंध अधिक कडक करावे लागतात. लोकांकडून प्रतिसाद मिळत नाही, जनतेचा बिनधास्तपणा कोरोना रुग्णवाढीला कारणीभूत आहे, असंही राजेश टोपे यांनी म्हटलं.
राज्यात 'इतक्या' कोरोनाबाधितांची वाढ; बरं होणाऱ्या रुग्णांपेक्षा नव्या बाधितांचा आकडा जास्तच
महाराष्ट्रात कोरोना रुग्णसंख्या काही केल्या कमी होण्याचं नाव घेत नाही आहे. दररोज हजारोंच्या संख्येनं नव्या कोरोनाबाधितांचा आकडा आरोग्य विभागाकडून प्रसिद्ध करत परिस्थिती किती गंभीर वळणावर पोहोचली आहे, याची माहिती देण्यात येते. सोमवारी महाराष्ट्राच्या आरोग्य विभागानं दिलेल्या माहितीनुसार दिवसभरात 20854 कोरोना रुग्णांनी या संसर्गावर मात केली असून, त्यांना रग्णालयातून रजा देण्यात आली. तर, दिवसभरात 31 हजार 643 नव्या कोरोनाबाधितांची नोंद करण्यात आली. राज्यात नव्यानं आढळणाऱ्य़ा कोरोना रुग्णांच्या तुलनेत बरे होणाऱ्या रुग्णांचा आकडा कमीच दिसत आहे. सध्याच्या घडीला राज्यात रुग्ण बरे होण्याचं प्रमाण 85.71 टक्क्यांवर पोहोचलं आहे. तर मृत्यूदर 1.98 टक्क्यांवर पोहोचला आहे. सोमवारी दिवसभरात कोरोनामुळं 102 जणांचा मृच्यू झाल्याची माहिती समोर आली आहे. सध्या राज्यात विविध भागांमध्ये 336584 कोरोनाबाधितांवर उपचार सुरु आहेत.
कोरोनाचा संसर्ग रोखण्यासाठी काही कडक उपाययोजना लागू करण्यावर राज्य शासनानं भर दिला आहे. या निर्बंधांची प्रभावी अंमलबजावणी करणे नाईलाजाने गरजेचे ठरत असल्याने संपूर्ण राज्यात रविवारी (दिनांक 28 मार्च 2021) रात्रीपासून जमावबंदी लावण्याच्या सूचना मुख्यमंत्री उद्धव ठाकरे यांनी दिल्या आहेत.
- - - - - - - - - Advertisement - - - - - - - - -