Maharashtra Breaking 7th July LIVE Updates: नाशकातील देवळात भीषण अपघातात एक जण ठार तर 4 जण जखमी
Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
LIVE
Background
Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
Dhule Police Bharti : पोलीस भरती परीक्षा शांततेत पार
Dhule : धुळे जिल्ह्यातील 57 जागांसाठी पोलीस भरतीच्या मैदानी चाचणीनंतर आज लेखी परीक्षा शहरातील पोलीस प्रशिक्षण केंद्रात शांततेत पार पडली, यावेळी परीक्षा केंद्रावर कडेकोट पोलीस बंदोबस्त ठेवण्यात आला होता. तसेच कोणताही अनुचित प्रकार घडू नये यासाठी परीक्षेचे चित्रीकरण करण्यात आलं आहे. तसेच परीक्षा केंद्रावर पोलीस अधीक्षक श्रीकांत धिवरे हे स्वतः लक्ष ठेऊन होते.
Yavatmal Police Bharti : पोलीस भरती परीक्षेत परिक्षार्थ्यांना पेनही पुरवले
Yavatmal : पोलीस आस्थापनेवरील रिक्त असलेल्या 45 पोलीस शिपाई पदासाठी आज सकाळी 11 ते दुपारी 12.30 या वेळात गोधणी मार्गावरील अँग्लो हिंदी हायस्कूल येथे लेखी परीक्षा घेण्यात येत आहे. कडक सुरक्षा व्यवस्थेत ही लेखी पोलीस भरती परीक्षा होत असून परीक्षेसाठी उमेदवारांना काळा बॉल पेन पोलीस दलाकडून देण्यात आला आहे. केवळ याच पेनचा लेखी परीक्षेसाठी वापर करता येणार आहे. महाराष्ट्रात या पद्धतीची ही भरती यवतमाळ जिल्ह्यात प्रथमच राबवण्यात येत असल्याचं जिल्हा पोलीस अधीक्षक डॉ. पवन बन्सोड यांनी सांगितलं.
Pune Noise Pollution : पुण्यात ध्वनी प्रदूषणाची समस्या गंभीर
Pune : पुण्यात ध्वनी प्रदूषणाची समस्या गंभीर बनत चालली आहे. दिवसेंदिवस पुण्यात लोकसंख्या वाढतेय, त्यामुळे ट्रॅफिक देखील वाढलं आहे. याच ट्रॅफिकमुळे आणि बाकी अनेक कारणांमुळे ध्वनी प्रदूषणाचा धोका वाढत आहे.याच ध्वनी प्रदूषणाचा धोका पाहून EnOTH welfare foundation आणि चितळे ENT hospital यांच्याकडून पुण्यात lets walk for loud noise protection चं आयोजन करण्यात आलं होतं. यात अनेक पुणेकरांनी सहभाग घेतला आणि ध्वनी प्रदूषणांसंदर्भात जनजागृती केली.
Baramati : संत तुकाराम महाराजांच्या पालखीचं काटेवाडीत गोल रिंगण
Baramati : आज संत तुकाराम महाराज यांच्या पालखीचं काटेवाडी इथं मेंढ्यांचं गोल रिंगण होत आहे. दरम्यान काटेवाडीत मोठ्या संख्येने वारकरी दाखल झाले आहेत. काटेवाडीत अजित पवार यांचं निवासस्थान आहे. या ठिकाणी वारकऱ्यांना स्नेहभोजनाचं आमंत्रण असतं. याचसाठी राष्ट्रवादीच्या खासदार आणि अजित पवार यांच्या पत्नी सुनेत्रा पवार यांची देखील लगबग सुरू आहे. त्यादेखील वारकऱ्यांच्या जेवणाची सोय करत आहेत. त्या देखील वारकऱ्यांची सेवा म्हणून स्वतः चपात्या लाटून जेवण बनवत आहेत.
Pune : सर परशुरामभाऊ महाविद्यालयात मुलांच्या वसतिगृहात आग; अग्निशमन दलाकडून आग आटोक्यात
Pune Fire : सकाळी 6 वाजून 44 मिनिटांनी सर परशुरामभाऊ महाविद्यालयात आग लागली असल्याची माहिती अग्निशमन दलाला मिळताच अग्निशमन वाहन रवाना करण्यात आले. मुलांच्या वसतिगृहात भिंतीच्या बाहेरील बाजूस विद्युत पुरवठयासाठी वापरण्यात येणाऱ्या सीटी मीटरने पेट घेतला होता, यादरम्यान मोठ्या प्रमाणात आवाज झाल्याने विद्यार्थ्यांमध्ये घबराट निर्माण झाली होती. परंतु, त्याचवेळी तेथील कर्मचारीवर्गाने तातडीने अग्निरोधक उपकरण (फायर एक्स्टिंग्युशर) वापरुन आग विझवण्याचा प्रयत्न करत अग्निशमन दल आणि महावितरण विभागास संपर्क केला होता. नंतर ही आग विझवण्यात यश आलं आहे.
महत्त्वाच्या बातम्या
ट्रेंडिंग न्यूज
