Maharashtra Breaking 3rd July LIVE Updates: देश-विदेशातील महत्त्वाच्या घडामोडी...
Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
LIVE
Background
Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
1. अजित पवारांच्या बैठकीला नवाब मलिकांची उपस्थिती, बैठकीला आमंत्रण आल्यामुळे मलिक उपस्थित राहिले, फडणवीस, एकनाथ शिंदेंना रूचणार का याची चर्चा
2. विधानपरिषदेच्या नऊच्या नऊ जागा निवडून आणा, मुख्यमंत्र्यांच्या आमदारांना सूचना, विधानसभेच्या तयारीला लागण्यचेही आदेश
3. लाडकी बहीण योजनेत दोन बदल, वयाच्या मर्यादेत 65 वर्षांपर्यंत वाढ, तर पाच एकरपेक्षा जास्त शेतजमीन असणाऱ्यांना योजनेचा लाभ घेता येणार, तर अर्ज भरण्यासाठी 31 ऑगस्ट पर्यंत मुदतवाढ
4. तुम्ही नकली वाघांसोबत आहात इथे असली वाघांमध्ये या, वाघनखं कधी आणणार या प्रश्नावर मुख्यमंत्री एकनाथ शिंदेंचा जयंत पाटलांना टोला
5. दीक्षाभूमीवर झालेल्या हिंसक आंदोलनाबाबत गुन्हा दाखल, वंचितचा शहर अध्यक्ष रवी शेंडेही आरोपी, इतर सामाजिक संघटनांच्या पदाधिकाऱ्यांवरही गुन्हे दाखल
6. राज्यात गायीच्या दुधाला प्रतिलीटर 30 रूपये निश्चित दर, सरकारकडून पाच रूपये अनुदानही देण्याचा निर्णय तर दूध पावडर निर्यात करणाऱ्या प्रकल्पांना 30 रूपये प्रतिकिलो अनुदान
7. पुण्यात झिकाच्या रूग्णसंख्येत वाढ, 7 रूग्ण आढळले, झिकाच्या रूग्णवाढीचे धागेदोरे शोधण्याचा प्रयत्न
8. हाथरसमधील चेंगराचेंगरीला भोलेबाबाचे सेवेकरी जबाबदार असल्याचा ठपका, लाठ्याकाठ्यांच्या जोरावर गर्दी रोखल्याची माहिती उघड, चेंगराचेंगरीत 116 भाविकांचा मृत्यू
9. दहावी आणि बारावीची पुरवणी परीक्षा 16 जुलैपासून, बारावीची पुरवणी परीक्षा 16 जुलै ते 8 ऑगस्टदरम्यान, तर दहावीची पुरवणी परीक्षा 16 जुलै ते 30 जुलै दरम्यान होणार
10. गणेशोत्सवासाठी एसटीच्या सर्व प्रकारच्या गाड्यांसाठी उद्यापासून आरक्षण, समूह, वैयक्तिक आरक्षणासह परतीचं तिकीटही काढता येणार
सुधीरभाऊ तुम्ही कार्यक्षम मंत्री, महाराष्ट्रात राहिलात त्याबद्दल आम्हाला खूप आनंद, जयंत पाटलांचा टोला
जयंत पाटील
सुधीर भाऊ तुम्ही कार्यक्षम मंत्री आहात तुम्ही महाराष्ट्रात राहिला त्याबद्दल आम्हाला खूप आनंद आहे
जयंत पाटील यांचा सुधीर मुनगंटीवार यांना मिश्किल टोला
Sangli News: दूधदर वाढीसाठी तासगाव मध्ये दुध उत्पादक संघर्ष समितीच्या वतीने धडक मोर्चा
Sangli News: तासगाव मध्ये दूध उत्पादक संघर्ष समितीच्या वतीने दूध उत्पादकांकडून धडक मोर्चा काढण्यात आला. गाई म्हैशी च्या दुधाला मिळणारा अपुरा दर, दुधात होणारी भेसळ अशा विविध समस्यां चा सामना करणार्‍या दूध उत्पादकांना न्याय मिळवून देण्यासाठी या मोर्चाचे आयोजन करण्यात आले होते . सरकारने वेळोवेळी पोकळ घोषणा करूनही सातत्याने शेतकऱ्यांच्या तोंडाला पाणी पुसण्याचा कार्यक्रम केला. सध्या गाईच्या दुधाला सांगली जिल्ह्यात 28 रुपये आणि म्हशीच्या दुधाला 48 रुपये दर देण्यात येतो. परंतु, यामध्ये उत्पादन खर्चही निघत नाही. स्वामीनाथन आयोगाच्या शिफारशीनुसार उत्पादन खर्चाच्या दीडपट हमीभाव मिळावा. शिवाय शासनाकडून जाहीर केलेल्या पाच रुपये अनुदानासाठी कागदपत्रांची जुळवाजुळव करता करता शेतकऱ्यांचे पार कंबरडे मोडले आहे. त्यामुळे, आम्हाला अनुदान देण्यापेक्षा थेट दर वाढवून द्यावा. तसेच भाकड जनावरांना महिन्याकाठी पंधराशे रुपये अनुदान मिळावे आणि मोफत विमा सुद्धा मिळावा. जर या मागण्या मान्य झाल्या नाहीत तर येणाऱ्या काळात सरकारला तीव्र स्वरूपाच्या आंदोलनाला सामोरे जावे लागेल असा इशाराही या आंदोलनाच्या माध्यमातून देण्यात आलाय.
Yavatmal News: उपमुख्यमंत्री कार्यालयातून वर्गणीसाठी नायब तहसीलदाराला फोन; महागाव पोलीस ठाण्यात गुन्हा दाखल
Yavatmal News: उपमुख्यमंत्र्यांनी ठेवलेल्या कार्यक्रमासाठी 71 हजार रुपयाची वर्गणी दिलेल्या नंबर पाठवा नाहीतर तुमच्या विरोधात असलेला प्रश्न अधिवेशनात लावण्यात येईल. याचा परस्पर निपटारा करायचा असेल तर वर्गणी पाठवा असा फोन उपमुख्यमंत्र्यांच्या कार्यालयातून पाटनकर नामक इसमाचा महागाचे नायब तहसीलदार गोदाजी राठोड यांना आला.
Akola News: अकोल्यात लाडकी बहीण योजनेच्या नोंदणीसाठी आलेल्या महिलांकडून पैसे उकळणारा तलाठी निलंबित
Akola News: अकोल्यात लाडकी बहीण योजनेच्या नोंदणीसाठी आलेल्या महिलांकडून पैसे उकळणारा तलाठी राजेश शेळकेला निलंबित करण्यात आलंय. 'एबीपी माझा'नं यासंदर्भातील वृत्त दाखविलं होतंय. अकोल्याचे जिल्हाधिकारी अजित कुंभार यांच्या आदेशाने उपविभागीय अधिकारी डॉ. शरद जावळे यांनी निलंबनाचे आदेश दिलेयेत. राजेश शेळके हे शहरातील मोठी उमरी भागाचे तलाठी आहेयेत. मोठी उमरी येथील तलाठी कार्यालयात योदनेसाठी नोंदणी सुरू असतांना हा प्रकार घडलाय. पैसे स्विकारतांनाचा व्हिडीओ व्हायरल झाला होताय. अमरावतीनंतर अकोल्यात लाडकी बहीण योजनेत पैसे घेणार्या तलाठ्यावर प्रशासनाची कारवाई केलीये. सरकारने दिलेत पैसे घेणार्यांवर कारवाईचे सक्त आदेश दिलेयेत. शेळकेच्या निलंबन आदेशात 'एबीपी माझा'च्या बातमीचा उल्लेख आहेय.
Chhatrapati Sambhaji Nagar: उपोषणकर्त्या विद्यार्थ्यांची प्रकृती खालावली
Chhatrapati Sambhaji Nagar: छत्रपती संभाजीनगरच्या समाज कल्याण कार्यालयात उपोषण करणाऱ्या विद्यार्थ्यांची प्रकृती खालावली आहे. महाज्योती फेलोशिप मिळावी या मागणीसाठी हे विद्यार्थी गेल्या तीन दिवसांपासून उपोषण करत आहेत. विशेष म्हणजे गेल्यावर्षी स्वतः देवेंद्र फडणवीस यांनी या विद्यार्थ्यांची बैठक घेत फेलोशिपचा प्रश्न सोडवणार असल्याचं आश्वासन दिले होते. मात्र, अजूनही फेलोशिपचा प्रश्न मार्गी लागला नसल्याने विद्यार्थ्यांनी संभाजीनगरच्या समाज कल्याण विभागाच्या कार्यालयासमोर उपोषण सुरू केले आहे. तर उपोषणकर्ते विद्यार्थ्यांची प्रकृती खालावल्याने चिंता व्यक्त केली जात आहे.
महत्त्वाच्या बातम्या
ट्रेंडिंग न्यूज
