Maharashtra Breaking 28th August LIVE: मालवणमध्ये तणाव, राणे-ठाकरे आमने-सामने, कार्यकर्ते भिडले
Breaking News Live Updates : राज्यातील प्रत्येक महत्त्वाच्या घडामोडीचे लाईव्ह अपडेट्स वाचा एका क्लिकवर...
LIVE
Background
निलेश आणि नारायण राणेंकडून पाहणी, त्याचवेळी आदित्य ठाकरे पोहोचले; सिंधुदुर्गातील राजकोट किल्ल्याजवळ राडा
मालवण छत्रपती शिवाजी महाराजांचा पुतळा अपघात प्रकरणी आता महाविकास आघाडीचे नेते मैदानात उतरवे आहेत. शिवसेना उद्धव ठाकरे गटाचे आमदार आदित्य ठाकरे पाहणीसाठी आले त्यावेळी आदित्य ठाकरे दाखल होताच प्रवेशद्वारावरच राडा झाल्याचे पाहायला मिळाला. शिवसेना उद्धव ठाकरे गटाचे कार्यकर्ते आणि राणे समर्थकांमध्ये मोठा राडा झाल्याचे पाहायला मिळाले. पोलिसांनी लगेच कार्यकर्त्यांना बाजूला घेतले. मात्र आक्रमक कार्यकर्त्यांमध्ये हाणामरी झाली. यावेळी आदित्य ठाकरेंच्या विरोधात जोरधार घोषणाबाजी करण्यात आली.
ठाकरेंची एन्ट्री; राणे-नाईक भिडले
Maharashtra News : मालवणमध्ये राजकोट किल्ल्यात राणे आणि ठाकरे आमने-सामने
Maharashtra News : मालवणमध्ये राजकोट किल्ल्यावर काहीसा तणाव झाल्याचं पाहायला मिळालं. मालवणमध्ये ठाकरे आणि राणे आमने-सामने आल्याचं पाहायला मिळालं. आदित्य ठाकरेंसमोर राणे समर्थकांनी घोषणाबाजी करण्यास सुरुवात केली. यावरुन भाजप आणि ठाकरे कार्यकर्त्यांमध्ये काहीसा तणाव पाहायला मिळाला.
Maharashtra News : मालवणमध्ये आज महाविकास आघाडीचं आंदोलन
Maharashtra News : मालवणमध्ये छत्रपती शिवाजी महाराजांचा पुतळा अपघात प्रकरणी आता महाविकास आघाडीचे नेते मैदानात उतरणार आहेत. मालवणमध्ये महाविकास आघाडीने मोर्चाचं आयोजन केलंय. आदित्य ठाकरे, विजय वडेट्टीवार, जयंत पाटील, अंबादास दानवे, भास्कर जाधव, विनायक राऊत हे मोर्चात सहभागी होतील. आज मालवणमध्ये भरड नाका ते मालवण तहसीलदार कार्यालय असा धडक मोर्चा काढण्यात येणार आहे. शिवाजी महाराजांच्या पुतळ्याची पंतप्रधानांच्या हस्ते उद्घाटनाची एवढी घाई का करण्यात आली. तसेच या घटनेशी संबंधित सर्व अधिकारी, कंत्राटदार व इतर यंत्रणेच्या बेजबाबदारीचा जाब या आंदोलनाच्या माध्यमातून सत्ताधाऱ्यांना विचारण्यात येणार आहे. यासह पक्षाच्यावतीने सर्व राज्यभरात या घटनेचा निषेध व्यक्त करण्यासाठी स्थानिक पातळीवर आंदोलन करण्याचे आवाहनदेखील करण्यात आले आहे.
Ahmednagar News : साखळाई योजनेसाठी शेतकऱ्यांचा रस्तारोको
Ahmednagar News : अहमदनगरच्या दौंड राज्य महामार्गावर शेतकऱ्यांनी रास्ता रोको आंदोलन केलं. नगर आणि श्रीगोंदा तालुक्यातील साखळाई उपसा सिंचन योजनेचा प्रश्न मार्गी लागावा यासाठी हा रास्ता रोको करण्यात आला होता. देवेंद्र फडणवीस यांनी दिलेला शब्द पाळावा साखळी योजनेसाठी नाशिक येथे पाणी उपलब्ध असताना अधिकाऱ्यांकडून लाल फितीत अडकलेला प्रस्ताव तात्काळ मंजूर करावा. यासाठी हे रास्ता रोको आंदोलन केले गेले. दोन्ही तालुक्यातील 35 गावांना या उपसा सिंचन योजनेचा फायदा होणार आहे. त्यामुळे या 35 गावातील शेतकऱ्यांनी या रास्ता रोको मध्ये सहभाग घेतला होता. तब्बल अडीच तास रास्ता रोको सुरू राहिल्याने वाहतुकीची कोंडी झाली होती...हा प्रश्न तातडीने मार्गी लागला नाही तर रेल रोकोसारखं उग्र आंदोलन करण्यात येईल... एवढेच नाही तर आगामी विधानसभा निवडणुकीमध्ये एकाही राजकीय नेत्याला या उपस्थित गावात फिरू देणार नाही असा इशारा आंदोलकांनी दिला आहे
महत्त्वाच्या बातम्या
ट्रेंडिंग न्यूज
