LIVE UPDATES | कमलनाथ सरकारचा फैसला उद्या, मध्यप्रदेशमध्ये विश्वासदर्शक ठराव उद्याच आणण्याचा सुप्रीम कोर्टाचा आदेश

Background

देश विदेशातील घडामोडींचा वेगवान आढावा... 

1. कोरोनाचा संसर्ग टाळण्यासाठी आजपासून मुंबईतली 50 टक्के दुकानं बंद, बसमध्ये उभ्यानं प्रवास करता येणार नाही, मुख्यमंत्र्यांचे अनेक महत्त्वाचे आदेश
2. दिवसभरात 4 नवे रुग्ण आढळल्यानं राज्यातल्या कोरोनाग्रस्तांचा आकडा 45 वर, मुंबई, पुणे आणि पिंपरीमध्ये नवे रुग्ण, तर परदेशात 276 भारतीयांना कोरोना
3. कोरोनामुळं राज्यभरातली लग्नकार्य पुढे ढकलली, पुण्यासह वेगवेगळ्या जिल्ह्यातील सलून बंद, ऑनलाईन वीज भरण्याचं महावितरणचं आवाहन
4. . खासगी कंपन्यांमध्ये 50 टक्क्यांपेक्षा अधिक कर्मचारी आढळल्यास कलम 188 अतंर्गत कारवाई, मुंबई महापालिकेचे आयुक्त प्रवीण परदेशींची तंबी
5. कोरोनाच्या पार्श्वभूमीवर नागपुरात दारुची दुकानं बंद, अनेक शहरात बार, पब्जचंही शटर डाऊन, तर रस्त्यांवर थुंकणाऱ्यांना 200 ऐवजी हजाराचा दंड
6. मुंबईत तब्बल 1 कोटीचं सॅनिटायझर जप्त, विनापरवाना ओमानला निर्यात करण्याचा डाव उधळला, नागपुरातही बनावट सॅनिटायझरच्या 1 हजार बाटल्या जप्त
7.कोरोगाव भीमाप्रकरणी शरद पवारांची 4 एप्रिलला साक्ष नोंदवणार, कोरोगाव भीमा चौकशी आयोगाकडून शरद पवारांना समन्स

एबीपी माझा वेब टीम 

15:00 PM (IST)  •  19 Mar 2020

गडचिरोली : जिल्ह्यात नक्षल्यांच्या मुकाबला करण्यासाठी तैनात असलेल्या सीआरपीएफच्या 70 जवानांनी रक्तदान केलं. दक्षिण गडचिरोलीमध्ये सीआरपीएफच्या 9 बटालियनने रक्तदान शिबिराचं आयोजन केलं होत. 81 व्या सीआरपीएफ स्थापना दिवसच्या पाश्वभूमीवर 9 बटालियनचे कमांडन्ट रवींद्र भगत यांनी या शिबिराच उद्घाटन केले.

18:17 PM (IST)  •  19 Mar 2020

कमलनाथ सरकारचा फैसला उद्या, मध्यप्रदेशमध्ये विश्वासदर्शक ठराव उद्याच आणण्याचा सुप्रीम कोर्टाचा आदेश, संध्याकाळी पाच वाजेपर्यंत प्रक्रिया पूर्ण करण्याचा कोर्टाचा आदेश

15:26 PM (IST)  •  19 Mar 2020

प्रीतीच झुळझुळ पाणी, कानाने बहिरा मुका परी नाही.. आदी गाणी लिहिणारे ज्येष्ठ गीतकार मुरलीधर गोडे यांचं ठण्यात निधन. ते 88 वर्षाचे होते.

13:39 PM (IST)  •  19 Mar 2020

सांगलीतील हनुमाननगर भागात घरफोडी करून पळून जात असताना दोन दरोडेखोरांना मिरज तालुक्यातील इनाम धामणी गावच्या ग्रामस्थांनी अंकली येथून नदी पार करून पळून जाताना पकडले. संतप्त ग्रामस्थांनी आणि नागरिकांनी चोरट्यांना झाडाला डांबून ठेवून मारहाण करत केले. पोलिसांनी चोरट्यांना ताब्यात घेतले आहे.

13:29 PM (IST)  •  19 Mar 2020

हिंगोलीत वसमत तालुक्यातील बागल पार्डी येथील राहुल धर्माजी खिराडे यांच्या घरातील फ्रिजच्या कॉम्प्रेसरचा स्फोट झाल्याची प्राथमीक माहिती आहे. या स्फोटात घराला आग लागल्याने घरातील संसारपयोगी साहित्य जळून खाक झाले आहे. तर घराचं मोठ्या प्रमाणात नुकसान झाले आहे. तरी घटनास्थळी कुरूंदा पोलीस स्टेशनचे कर्मचारी दाखल झाले आहेत. स्थानिक लोकांच्या मदतीने ही आग विझविण्यात आली. हा स्फोट कशामुळे झाला हे कारण मात्र स्पष्ट आहे.