एक्स्प्लोर

Election : कोल्हापूर उत्तर विधानसभा पोटनिवडणूक जाहीर; 12 एप्रिलला मतदान तर 16 एप्रिलला मतमोजणी

काँग्रेसचे आमदार चंद्रकांत जाधव यांच्या निधनानंतर ही जागा रिक्त झाली होती. आता त्या ठिकाणी निवडणूक जाहीर करण्यात आली आहे.

By : विजय केसरकर, एबीपी माझा | Edited By: अभिजीत जाधव | Updated at : 12 Mar 2022 10:35 PM (IST)

Kolhapur North Assembly by election announced Voting on April 12 and counting on April 16 Election : कोल्हापूर उत्तर विधानसभा पोटनिवडणूक जाहीर; 12 एप्रिलला मतदान तर 16 एप्रिलला मतमोजणी

प्रातिनिधीक छायाचित्र

Kolhapur Election : कोल्हापूर जिल्ह्याचे लक्ष लागून राहिलेल्या कोल्हापूर उत्तर विधानसभा मतदारसंघाची पोटनिवडणूक जाहीर झाली आहे. काँग्रेसचे आमदार चंद्रकांत जाधव यांच्या निधनानंतर कोल्हापूर उत्तरची ही जागा रिक्त झाली आहे. कोल्हापूर उत्तरची पोटनिवडणूक कधी जाहीर होणार याकडे सर्वच राजकीय पक्षांचे लक्ष लागले होते. अखेर या पोटनिवडणुकीचा कार्यक्रम जाहीर झाला आहे. यासाठी 12 एप्रिल रोजी मतदान होणार असून 16 एप्रिलला मतमोजणी होणार आहे.

कोल्हापूर उत्तर विधानसभा मतदारसंघाबरोबर देशातील पाच विधानसभा मतदार संघाच्या पोटनिवडणुकीचा कार्यक्रम निवडणूक आयोगाने जाहीर केला आहे. कोल्हापूर उत्तर विधानसभा मतदार संघातून निवडणूक लढवण्यासाठी अनेक उमेदवार इच्छुक आहेत. शिवसेनेच्या आमदाराचा पराभव करून चंद्रकांत जाधव हे काँग्रेसचे आमदार म्हणून निवडून आले होते. मात्र कोरोना काळात त्यांचा मृत्यू झाला. या रिक्त जागी सुरुवातीला बिनविरोध निवडणूक होईल असं वाटलं होतं...मात्र आता सर्वच पक्षांची तयारी पाहता ही पोटनिवडणूक बिनविरोध होईल याची शक्यता कमी आहे...

महाविकास आघाडीतील काँग्रेस पक्षाचा याठिकाणी विद्यमान आमदार होते. त्या ठिकाणी पुन्हा काँग्रेस पक्ष आपला उमेदवार देणार. पण शिवसेनेच्या उमेदवाराचा पराभव काँग्रेसने केला होता. त्यामुळे आता शिवसेना भूमिका काय घेणार हे पहावं लागणार आहे. कारण माजी आमदार राजेश क्षीरसागर यांनी देखील पक्ष आदेश देईल तशी भूमिका घेण्याचं बोलून दाखवलं आहे. भाजपने देखील आपल्या उमेदवाराची तयारी सुरू केली असून लवकरच ते उमेदवाराचे नाव घोषित करण्याची शक्यता आहे.

जयश्री जाधव यांनी भाजपकडून लढण्यास नकार दिला
चंद्रकांत जाधव यांच्या निधनानंतर सांत्वन करण्यासाठी गेलेल्या भाजप प्रदेशाध्यक्ष चंद्रकांतदादा पाटील यांनी जयश्री जाधव यांना भाजपकडून पोटनिवडणूक लढवण्याची विनंती केली होती. मात्र त्यांनी स्पष्टपणे नकार दिला होता. जयश्री जाधव या भाजपच्या नगरसेविका होत्या. त्यामुळे त्यांनी भाजपच्या तिकिटावर पोटनिवडणूक लढावी अशी इच्छा चंद्रकांतदादा यांनी व्यक्त केली होती. मात्र त्यांनी भाजपकडून निवडणूक लढण्यास नकार दिला. त्यामुळे शिवसेना जर रिंगणात उतरणार असेल तर महाविकास आघाडीतील दोन पक्ष आणि भाजप अशी तिरंगी लढत होऊ शकते.

पोटनिवडणुकीचा सविस्तर कार्यक्रम