अजित पवारांकडे हजारो कोटींची बेनामी संपत्ती, सोमय्यांचा आरोप

Kirit Somaiya Allegations  :  राज्याचे उपमुख्यमंत्री अजित पवार यांच्याकडे हजारो कोटी रुपयांची बेनामी संपत्ती असल्याचा आरोप भाजपचे माजी खासदार किरीट सोमय्या यांनी केलाय.

Ajit Pawar

Kirit Somaiya Allegations  :  राज्याचे उपमुख्यमंत्री अजित पवार यांच्याकडे हजारो कोटी रुपयांची बेनामी संपत्ती असल्याचा आरोप भाजपचे माजी खासदार किरीट सोमय्या यांनी केलाय. सोमवारी पत्रकार परिषद घेत सोमय्या यांनी अजित पवारांवर गंभीर आरोप केले आहेत. अजित पवार यांच्याकडे हजारो कोटी रुपयांची बेनामी संपत्ती आहे. त्याची उत्तरे त्यांनी द्यावीत. सहा फटाक्यापैकी पहिला फटाका आज फोडलाय, हिंमत असेल तर शरद पवार आणि उद्धव ठाकरे यांनी समोरासमोर उत्तर द्यावं, असे यावेळी सोमय्या म्हणाले. नवाब मलिकांचे सारे आरोप हे केवळ पवार कुटुंबियांवर सुरू असलेल्या आयटीच्या धाडी लपवण्यासाठीच, हे घाणेरडं राजकारण केवळ शरद पवारच करू शकतात, नवाब मलिकांची तेवढी कुवत नाही. पवार परिवारानं महाराष्ट्राला खूप लुटलंय, असेही सोमय्या म्हणाले. 

पवार कुटुंबाने महाराष्ट्राला लुटलं असल्याचा आरोप यावेळी सोमय्या यांनी केला. ते म्हणाले की,  अजित पवारांकडे एक हजार 50 कोटींची संपत्ती कुठून आली?, यासंदर्भात अजित पवारांनी माहिती द्यावी. पत्रकार परिषदेत यासंदर्भात ते कोणताही माहिती देत नाहीत, असेही सोमय्या म्हणाले. दिवाळीनंतर राज्यातील तीन मंत्री आणि तीन जावई यांचे घोटाळे बाहेर काढणार असं किरीट सोमय्या यांनी रविवारी ट्विट करत सांगितले होते. मात्र, अल्पसंख्याक मंत्री नवाब मलिक यांच्या पत्रकार परिषदेनंतर किरीट सोमय्या यांनीही पत्रकार परिषद घेत आरोपांची मालिका सुरु केली आहे. सोमवारी सकाळी पत्रकार परिषद घेत नवाब मलिक यांनी पवार कुटुंबावर निशाणा साधला. ते म्हणाले, पवार कुटुंबाचे जावई मोहन पाटील यांच्याकडे किती पैसे आले? कुठून पैसे आले? कसे आले? ते कुठे गेले? असा सवाल भाजप नेते किरीट सोमय्या यांनी केलाय. सहा फटाक्यापैकी पहिला फटाका आज फोडलाय, हिंमत असेल तर शरद पवार आणि उद्धव ठाकरे यांनी समोरासमोर उत्तर द्यावं, असे यावेळी सोमय्या म्हणाले.

'बिल्डर्सकडून अजित पवारांच्या खात्यात शेकडो कोटी रुपये आले आहेत. ते पैसे अजित पवार यांनी कुठे-कुठे ट्रान्सफर केले. जावई, बहिण, बायको, मुलगा आणि आईच्या खात्यात अजित पवार यांनी पैसे ट्रान्सफर केले. अजित पवार यांनी घोटाळ्याचे पैसे पूर्ण कुटुंबात ट्रान्सफर केलेत. 19 दिवसांपासून ईडीच्या धाडी सुरु आहेत. हजार कोटींपेक्षा जास्त बेनामी संपत्ती बाहेर आली आहे. यापासून लक्ष विचलीत व्हावं म्हणून नवाब मलिक यांना पुढे केलं जातेय. नवाब मलिकांची एवढी कपॅसिटी नाही, हे घाणेरडं राजकारण उद्धव ठाकरे आणि शरद पवारांचं आहे,' असा आरोप किरीट सोमय्या यांनी केलाय. 

आणखी वाचा :