तुम्ही IAS न निवडता IRS का निवडलं? विद्यार्थ्यांचे प्रश्न, समीर वानखेडेंची उत्तरं

तुम्हाला नोकरीत आल्याचा पश्चाताप होतोय का ? केंद्रीय तपास संस्थांवर होत असलेल्या आरोपां बाबत काय वाटत ? यासह अनेक प्रश्नांना आज समीर वानखेडे यांनी सडेतोड उत्तरे देत विद्यार्थ्यांशी संवाद साधला.

Sameer wankhede

Sameer wankhede : तुम्हाला नोकरीत आल्याचा पश्चाताप होतोय का ? केंद्रीय तपास संस्थांवर होत असलेल्या आरोपां बाबत काय वाटत ?  यासह अनेक प्रश्नांना आज समीर वानखेडे यांनी सडेतोड उत्तरे देत विद्यार्थ्यांशी संवाद साधला.. आर्यन खान प्रकरणानंतर चर्चेत आलेले आयआरएस अधिकारी समीर वानखेडे यांनी अहमदनगर जिल्ह्यातील श्रीरामपूर येथे युवक - युवतींना करिअर विषयक मार्गदर्शन केले. शिव प्रहार प्रतिष्ठाण या सामाजिक संघटनेच्या वतीने करिअर गाईडन्स सेमिनारचे आयोजन करण्यात आले होते. यावेळी विद्यार्थ्यांच्या अनेक प्रश्नांना समीर वानखेडे यांनी दिलखुलास उत्तरे दिली. 

अँटीला प्रकरणानंतर काही राजकीय लोक प्रसार माध्यमांमधून माझ्यावर तुटून पडले होते.. तेंव्हा नितीन चौगुले आणि सुरज आगे यांनी माझ्या ऑफिससमोर पुष्पवृष्टी केली.. त्यानंतर मला खूप प्रोत्साहन वाटले.आज त्यांच्या आग्रहाखातर श्रीरामपूरच्या युवकांना मार्गदर्शन करायला आलो, असे समीर वानखेडे म्हणाले.

Q. तुमच्यावर केल्या जात असलेल्या आरोपाबद्दल काय वाटते?

मी माझ्या आयुष्यात साडेतीन हजार केसेस केल्यात.. प्रसार माध्यमांमध्ये ज्यांना सेलिब्रिटी दाखवले जाते ते लोक माझ्यासाठी सेलिब्रिटी नाहीत... पेपर मध्ये नाव येण्यासाठी मी फक्त सेलिब्रिटी लोकांना पकडतो अशी टिका केली जाते.. माझ्या आयुष्यात बाबा आमटे, एपीजे अब्दुल कलाम, सिंधुताई सपकाळ हे लोक सेलिब्रिटी आहेत... दाऊदच्या भावावरती कारवाया केल्या, गॅंग संपवल्या हे कुणीच सांगत नाही... एक छोटीशी केस झाली आणि त्यानंतर टिका, चौकशी सुरू झाली... ठीक आहे.. चिखलात हात टाकले तर शिंतोडे उडणारच आहेत.

Q. यूपीएससीमध्ये तुम्हाला लॉ चा काही उपयोग झाला का?

मी दररोज कायद्याला तोंड देतो.. प्रत्येक दोन तासात माझ्यावर एक चौकशी लावली जाते..

Q. IRS जॉब निवडून तुम्हाला पच्छाताप वाटत नाही का?

मी जॉब राष्ट्रभक्तीसाठी करतो, सॅलरी साठी नाही... या अडचणी आणि चौकशा ज्यासाठी झाल्या ते काम पुन्हा पुन्हा करणार... मी हे सगळं एन्जॉय करतो.. आता फक्त दोन तीन राजकारणी माझ्या समोर आलेत, मी आणखी लोकांची वाट बघतोय.. ज्यादिवशी पेपरमध्ये माझ्याबद्दल वादग्रस्त लिखाण नसतं, एखादी समन्स आली नाही तर मला चुकचुकल्यासारख वाटतं.

Q. सरकारी अधिकारी आणि बिझनेस एकाच वेळी दोन्ही गोष्टी करता येत नाही का?

माझे वडील गरीब कुटुंबातले मात्र माझी आई पृथ्वीराज चव्हाण यांची वंशज आहे.. ती आर्थिक दृष्ट्या सधन आहे.. जेंव्हा मी अधिकारी झालो तेंव्हा माझ्या नावावर आगोदरच सहा मालमत्ता होत्या.. नोकरी जॉईन करताना मी माझी प्रॉपर्टी जाहीर केलेली आहे.. जेंव्हा मालमत्ता भाडोत्री दिल्या जातात तेंव्हा ते व्यवसायात मोडत नाही.. जेंव्हा तुम्ही स्वतः व्यवसाय करता तेंव्हा तो गुन्हा ठरतो..

Q. तुम्ही IAS न निवडता IRS का निवडलं?

मला ॲक्शन आवडते... चॅलेंज आणि हार्ड जॉब आवडतो... मी एसी ऑफिसमध्ये बसून आदेश देत नाही.. कुठल्याही कारवाईसाठी गेलो तर पहिली गोळी झेलण्याची माझी तयारी असते.. देशासाठी जीव गमावला तर मी खूप भाग्यशाली असेल.. मी संधी शोधतोय आणि त्यासाठी नेहमी पुढे असतो. आत्ता माझ्या खूप चौकशा सुरू आहेत.. मी महाराणा प्रताप, वीर सावरकर यांची पुस्तके वाचतो.. ते कधीच झुकले नाहीत..

Q. केंद्रीय संस्थांवर आरोप होत असताना अधिकाऱ्यांना काय वाटतं?

आम्ही फक्त कायद्याची माणसं आहोत.. आम्हाला फक्त संविधान आणि ज्या संस्थेत कार्य करतो त्यांचे कायदे महत्वाचे आहेत.. कितीही टिका झाली तरी मी त्याची चिंता करत नाही.. जर टिका आणि आरोप झाले नाही तर तुम्ही अकार्यक्षम आहात.. मी टिका एन्जॉय करतो आणि सुधारणा करण्याचा प्रयत्न करतो.. छत्रपती शिवाजी महाराजांवर देखील टिका झाली होती.. आम्ही तर खूप छोटी माणसं आहोत.. आरोप होत राहातात.