Ladki Bahin Yojana: लाडकी बहीण योजनेच्या ई-केवायसीबाबत महत्त्वाची अपडेट, अदिती तटकरेंनी काय सांगितलं?
Ladki Bahin Yojana: लाडक्या बहिणींच्या ई-केवायसीसाठी सर्व्हरमध्ये अनेक सुधारणा केल्या जात आहेत. दररोज जवळपास चार ते पाच लाख लाडक्या बहिणींची ई केवायसी प्रक्रिया होत आहे.
ठाणे : लाडकी बहीण योजनेतील (Ladki Bahin Yojana) सर्व पात्र महिलांना ई केवायसी (e-KYC) करताना काही तांत्रिक अडचणींचा सामना करावा लागत होते, मात्र आता, लाडक्या बहिणींच्या (Ladki Bahin Yojana) ई केवायसी सर्व्हरमध्ये सुधारणा केल्या जात आहेत. लाडक्या बहिणींना (Ladki Bahin Yojana) नोव्हेंबरपर्यंत ई-केवायसी करण्याची मुदत आहे. तसेच पूरग्रस्त भागासाठी आणखी पंधरा दिवस मुदत वाढवून देऊ, असे महिला व बालविकास विभागाच्या मंत्री आदिती तटकरे यांनी सांगितले आहे. काल (सोमवारी, ता १३) ठाणे येथे राष्ट्रवादी काँग्रेस (अजित पवार गट) पक्षाचा पदाधिकारी मेळावा आयोजित केला होता. या मेळाव्यावेळी आदिती तटकरेंनी उपस्थिती लावली. मेळाव्यानंतर त्यांनी माध्यमांशी संवाद साधला. (Ladki Bahin Yojana)
लाडक्या बहिणींच्या ई-केवायसीसाठी सर्व्हरमध्ये अनेक सुधारणा केल्या जात आहेत. दररोज जवळपास चार ते पाच लाख लाडक्या बहिणींची ई केवायसी प्रक्रिया होत आहे. आतापर्यंत अंदाजे एक कोटी दहा लाखांपेक्षा जास्त महिलांची ई-केवायसी प्रक्रिया पूर्ण झाली असून अडीच लाखांपेक्षा अधिक महिलांची ९० टक्के प्रक्रिया पूर्ण झाली आहे. पूरग्रस्त भागात महिलांसाठी पंधरा दिवसांचा कालावधी वाढवून घेणार आहोत, असे तटकरे यांनी स्पष्ट केले.
Ladki Bahin Yojana EKYC: लाडकी बहीण योजनेसाठी EKYC बंधनकारक
लाडकी बहीण योजनेसाठी EKYC बंधनकारक करण्यात आलीये. आता लाडक्या बहिणींना (Ladki Bahin Yojana) दरवर्षी केवायसी करावी लागणार आहे. त्यासाठी दोन महिन्यांची मुदत देण्यात आलीये. पण केवायसी करताना फक्त शासनाच्या अधिकृत वेबसाईट https://ladakibahin.maharashtra.gov.in/ekyc यावरच केवायसी पूर्ण करावी.
गुगलवर केवायसी करण्याच्या अनेक फेक वेबसाईट देखील समोर आल्या आहेत. त्यापैकी https://hubcomuat.in/ ही वेबसाईट गुगलवर सर्चमध्ये येत आहे. पण ही सरकारची वेबसाईट नसून फेक वेबसाईट आहे. त्याने तुमचा डेटा चोरीला जाऊ शकतो. त्यामुळे केवायसी करताना काळजीपूर्वक लक्ष द्या. लाडकी बहीण योजेनेसाठी केवायसी करताना अनेक अडचणी येत आहे. त्यात काही जणांना ओटीपी येत नसल्याने समस्या निर्माण होत आहे. आता सरकार यावर काय तोडगा काढते ही पाहणे गरजेचे आहे.
Ladki Bahin Yojana EKYC: केवायसी करताना अडचणी
लाडकी बहीण योजनेसाठी ईकेवायसी पूर्ण करावी लागणार आहे. परंतु लाडकी बहीण योजनेची वेबसाईट ठप्प झाल्याचं या ठिकाणी पाहायला मिळतेय. कारण केवायसी करताना एरर येत आहे. तर काही जणांना ओटीपी येत नाही. त्यामुळे लाडक्या बहिणींना केवायसी करताना मोठ्या प्रमाणात अडचणी येत आहे.
यासोबत केवायसी करताना पती किंवा वडिलांचे आधार नंबर बंधनकारक करण्यात आले आहे. पंरतु बऱ्याच लाभार्थ्यांना पती हयात नाहीत. किंवा वडील देखील नाही. त्यामुळे त्यांना आता प्रश्न पडलाय की, केवायसी करताना आधार नंबर कुणाचा टाकायचा.
Ladki Bahin Yojana EKYC: ओटीपी येण्यास अडचण
लाडकी बहीण योजेनेसाठी केवायसी (Ladki Bahin Yojana Ekyc Problem) करताना अनेक अडचणी येत आहे. त्यात काही जणांना ओटीपी येत नसल्याने समस्या निर्माण होत आहे. आता सरकार यावर काय तोडगा काढते ही पाहणे गरजेचे आहे.
Ladki Bahin Scheme E Kyc: ई-केवायसी प्रक्रिया कशी पूर्ण कराल?
मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in या संकेतस्थळाला भेट द्यावी.
मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.
या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.
यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.
* जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.
* जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.
जर आधार क्रमांक पात्र यादीत असेल, तर पुढील टप्प्याला जाता येईल.
यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.
त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:
1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
2. माझ्या कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे. वरील बाबींची नोंद करून चेक बॉक्सवर क्लिक करावे व Submit बटण दाबावे.
शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.
महत्त्वाच्या बातम्या
