एक्स्प्लोर
डॉ. पायल तडवी आत्महत्या प्रकरणातील आरोपींची न्यायालयीन कोठडी 21 जूनपर्यंत वाढवली
पुढच्या नियमित सुनावणीस या खटल्यातील एक वकील उपलब्ध नसल्यानं कोर्टानं आरोपींना 21 जूनपर्यंतची न्यायालयीन कोठडी सुनावली आहे.
फोटो : गेट्टी इमेज
मुंबई : डॉ. पायल तडवी आत्महत्या प्रकरणातील आरोपींची न्यायालयीन कोठडी 14 दिवसांनी वाढवण्याचा निर्णय सोमवारी जाहीर केला. तसेच आरोपींनी दाखल केलेल्या जामीन अर्जावरील सुनावणी 17 जूनपर्यंत तहकूब करण्यात आली. कोर्टाचे हे निर्देश ऐकताच या प्रकरणी अटकेत असलेल्या तिन्ही महिला डॉक्टरांचा संयम सुटला आणि, 'जेलसारख्या भयानक ठिकाणी आता राहू शकत नाही, आम्हाला इथून मुक्त करा. आम्ही काहीही केलेलं नाही', असा टाहो फोडण्यास त्यांनी सुरूवात केली. शेवटी वकिलांनी समजवल्यानंतर काहीवेळानं त्या शांत झाल्या. पुढच्या नियमित सुनावणीस या खटल्यातील एक वकील उपलब्ध नसल्यानं कोर्टानं आरोपींना 21 जूनपर्यंतची न्यायालयीन कोठडी सुनावली आहे.
दरम्यान तडवी कुटुंबियांच्यावतीनं हे प्रकरण अॅट्रॉसिटीचं असल्यानं या सुनावणीची व्हिडीओ रेकॉर्डिंग करण्याची मागणी केली. कोर्टानं ही विनंती मान्य करत पोलीस तसेच कोर्ट कर्मचा-यांना व्हिडिओ रेकॉर्डिंगची सुविधा उपलब्ध करून देण्याचे निर्देश दिले आहेत.
डॉ. पायलने नायर रुग्णालयाच्या वसतीगृहामध्ये गळफास लावून आत्महत्या केली होती. तिच्यावर सतत जातीवाचक शेरेबाजी करुन तिचा मानसिक छळ केल्यामुळे तिने आत्महत्या केली, असा आरोप कुटुंबियांनी केल्यामुळे पोलिसांनी तिच्या तीन सहकारी महिला डॉक्टरांना अटक केली आहे.
यामध्ये डॉ. भक्ती मेहरे, डॉ. हेमा अहुजा आणि डॉ. अंकिता खंडेलवाल यांचा समावेश आहे. आग्रीपाडा पोलिसांनी तिन्ही डॉक्टरांवर रॅगिंग आणि अॅट्रॉसिटीचा गुन्हा दाखल केला आहे. राज्य सरकारने या प्रकरणाचा तपास आता गुन्हे शाखेकडे वर्ग केला आहे.
संबंधित बातम्या
आणखी वाचा
महत्त्वाच्या बातम्या
महाराष्ट्र
हवामान विभागाचा जून आणि जुलैमध्ये उष्णतेच्या लाटेचा इशारा; श्रीलंकेत मान्सून अडकल्याने अजूनही आठवड्याचीव प्रतीक्षा; यंदा 10 टक्के कमी पावसाचा अंदाज
महाराष्ट्र
राज्यात आता 'लाईव्ह इव्हेंट्स'साठी धावपळ थांबणार; 'सिंगल विंडो' प्रणालीमुळे परवानगी प्रक्रिया होणार सुलभ
महाराष्ट्र
वातावरणात मोठा बदल! पुढील तीन ते चार दिवस महत्वाचे, राज्यातील 'या' भागात मुसळधार पावासाचा इशारा
महाराष्ट्र
ABP Majha Top Headlines : ABP माझा टॉप 10 हेडलाईन्स | 29 मे 2026 | शुक्रवार
