ठाकरेंचा शिलेदार एका मताने विजयी, मात्र राजकीय दबावातून फेर मतमोजणी, सकाळचा निकाल रात्रीपर्यंत लांबला
Dharashiv Z P Election Result News : धाराशिव जिल्ह्यातील ढोकी पंचायत समिती गणनातून ठाकरे गटाचे अमर समुद्रे हे अवघ्या एक मतांनी विजयी झाले आहेत.
Dharashiv Z P Election Result News : आज राज्यातील 12 जिल्हा परिषद निवडणुकीचे निकाल लागले आहेत. पुन्हा एकदा भाजपने बाजी मारली आहे. धाराशिव जिल्ह्यात देखील भाजप आणि शिवसेनेने जोरदार मुसंडी मारली आहे. अशातच धाराशिव जिल्ह्यातील ढोकी पंचायत समिती गणनातून ठाकरे गटाचे अमर समुद्रे हे अवघ्या एक मतांनी विजयी झाले आहेत. अमर समुद्रे यांना 3187 मते तर भाजपाचे निहाल काझी यांना 3186 मते मिळाली आहेत. मात्र, अमर समुद्रे विजयी झाल्यानंतर फेर मतमोजणी करण्यात आली, त्यातही अमर समुद्रे विजय असल्याचे स्पष्ट झाले. यामुळं सकाळी लागलेला निकाल राजकीय दबावातून रात्रीपर्यंत लांबवल्याचा आरोप समुद्रे यांनी केला आहे.
एका मताचे महत्त्व शब्दात सांगूच शकत नाही
मतमोजणी केंद्रावर वकिलांना बोलवावं लागलं, वकिलांनी युक्तिवादानंतर एक मताने विजय झाल्याचं जाहीर केलं आहे. राज्यातील एकमेव रात्री उशिरा पर्यंत लांबलेला निकाल अखेर अधिकृत जाहीर झाला आहे. रात्री आठ वाजता अमर समुद्रे यांच्या कार्यकर्त्यांचा मतमोजणी केंद्रासमोर जल्लोष केला. एका मताचे महत्त्व शब्दात सांगूच शकत नाही अशी प्रतिक्रिया विजयी उमेदवार समुद्रे यांनी दिली आहे.
धाराशिव जिल्हा परिषद, कोणत्या पक्षाला किती जागा?
एकूण जागा - 55
एकूण जागा- 55
भाजप : 19
शिवसेना शिंदे गट : 15
शिवसेना ठाकरे गट: 7
राष्ट्रवादी काँग्रेस : 6
राष्ट्रवादी काँग्रेस शरद पवार गट: 0
काँग्रेस : 3
समाजवादी : 1
एमआयएम: 00
अपक्ष : 4
राज्यातील 12 जिल्हा परिषदेचा निकाल जाहीर झाला आहे. (Maharashtra 12 Zilla Parishad Result 2026) एकूण 7 हजार 438 इतके उमेदवार निवडणूक रिंगणात होते. 12 जिल्हा परिषदेच्या 731 तर आणि पंचायत समित्यांच्या 1 हजार 462 जागांसाठी शनिवारी मतदान झालं होतं. रायगड, रत्नागिरी, सिंधुदुर्ग, पुणे, सातारा, सांगली, कोल्हापूर, सोलापूर, छत्रपती संभाजीनगर, परभणी, धाराशिव आणि लातूर या 12 जिल्ह्यांचा समावेश आहे. या 12 जिल्हा परिषदेत कुठे कुणाची सत्ता आली, जाणून घ्या... (12 Zilla Parishad Result 2026)
महत्त्वाच्या बातम्या
