एक्स्प्लोर

आंदोलनामुळे नाही तर शिस्त मोडल्याने 19 आमदारांचं निलंबन: मुख्यमंत्री

By : एबीपी माझा वेब टीम | Updated at : 24 Mar 2017 04:05 PM (IST)

मुंबई : आंदोलनामुळे नाही तर सभागृहाची शिस्त मोडल्याने आमदारांचं निलंबन केलं, असं म्हणत मुख्यमंत्री देवेंद्र फडणवीस यांनी 19 आमदारांच्या निलंबनाचं समर्थन केलं. विरोधी पक्षातील आमदारांचं निलंबन करण्यात आम्हाला कुठल्याही आनंद झाला नाही. मात्र कर्जमाफीसाठी विरोधक जे आंदोलन करत होते, त्यामुळे शेतकऱ्यांची थट्टाच झाली, असंही मुख्यमंत्री म्हणाले. 19 आमदारांचं निलंबन अर्थसंकल्पादरम्यान शेतकरी कर्जमाफीसाठी विधीमंडळात गदारोळ घालणाऱ्या विरोधी पक्षाच्या 19 आमदारांचं 9 महिन्यांसाठी निलंबन करण्यात आलं आहे. यामध्ये काँग्रेसच्या 9 आणि राष्ट्रवादीच्या 10 आमदारांचा समावेश आहे. त्यामुळे आता या आमदारांना पावसाळी आणि हिवाळी अधिवेशनाला हजर राहता येणार नाही. अर्थमंत्री सुधीर मुनगंटीवार हे 18 मार्चला अर्थसंकल्प मांडत असताना, विरोधी पक्षांनी सुरुवातीपासून शेवटपर्यंत गदारोळ घातला होता. टाळ वाजवत विरोधकांनी कर्जमाफीसाठी आग्रह धरला होता. सभागृहात गोंधळ घालणे, बॅनर फडकावणे, घोषणाबाजी करणे, अवमान करणे, अर्थसंकल्पाच्या प्रती जाळणे, सभागृहाची प्रतिमा मलिन करणे, सभागृहाचे अवमान करणे असे आरोप ठेवून या आमदारांचं निलंबन करण्यात आलं आहे. हे आमदार निलंबित काँग्रेसचे निलंबित आमदार