Breaking News LIVE : कोरोनाशी संबंधित अनेक औषधं वस्तूंवर जीएसटी दरात कपात
Breaking News LIVE Updates, 12 June 2021: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये..
LIVE
Background
सलग दुसऱ्या दिवशी बरे होणाऱ्या रुग्णांपेक्षा नवीन कोरोनाबाधित जास्त
राज्यात हळूहळू कोरोनाची दुसरी लाट ओसरताना दिसत आहे. मात्र कालपासून डिस्चार्ज होणाऱ्या रुग्णसंख्येपेक्षा नवीन कोरोनाबाधित रुग्णांची संख्या जास्त असल्याचं दिसून येत आहे. शुक्रवारी मृत्यूच्या आकड्यातही कालच्या तुलनेत वाढ झाल्याचं दिसत आहे. राज्यात शुक्रवारी 11,766 नवीन कोरोनाबाधित रुग्णांची नोंद झाली आहे. तर 8,104 कोरोना बाधित रुग्णांना डिस्चार्ज देण्यात आला आहे. 406 कोरोनाबाधित रुग्णांच्या मृत्यूची नोंद झाली आहे.
मुंबई तिसर्‍या टप्प्यातून दुसर्‍या टप्प्यात, अनलॉकच्या नियमांमध्ये कोणताही बदल नाही
मुंबई आणि मुंबई उपनगर (Mumbai Corona Update) तिसर्‍या टप्प्यातून दुसर्‍या टप्प्यात आले आहेत. लॉकडाऊनच्या निकषानुसार एका आठवड्यातच मुंबई दुसर्‍या टप्प्यात आली आहे. मुंबईतील ऑक्सिजन बेडची उपलब्धता जास्त असल्याने आणि रुग्णवाढीची टक्केवारी घसरल्याने मुंबईचा समावेश दुसर्‍या टप्प्यात (Mumbai Unlock) करण्यात आला आहे. मुंबई आणि मुंबई उपनगरातील शासकीय कार्यालयांमधील उपस्थिती 100 टक्के ठेवण्याचा निर्णय घेण्यात आला आहे. उपस्थिती 100 टक्के ठेवण्याबाबत कौशल्य विकास आणि उद्योजकता विभागानं आदेश काढले आहेत.
मुंबईत 13 आणि 14 जूनला मुसळधार पावसाचा इशारा, नागरिकांना सतर्क राहण्याचं आवाहन
13 आणि 14 जूनला मुंबईत जोरदार पावसाची शक्यता भारतीय हवामान खात्याकडून वर्तवण्यात आली आहे. या दोन दिवसांच्या कालावधी दरम्यान मुंबई शहर व उपनगरातील काही ठिकाणी अतिवृष्टी होण्याची शक्यता असल्याचा इशारा देण्यात आला आहे. पुढील 4-5 दिवस कोकणात अती तीव्र पावसाची शक्यता वर्तवण्यात आली आहे. पश्चिम किनारपट्टी भागात जोरदार वारे वाहतील. त्यामुळे मुंबईसह सिंधुदुर्ग, रत्नागिरी, रायगड, ठाणे आणि पालघरमध्ये अतीमुसळधार पावसाचा इशारा देण्यात आला आहे.
मुंबई-पुणे महामार्गावर अमृतांजन पुलाजवळ वाहनांची गर्दी, अमृतांजन ब्रीज जवळ पुण्याकडे जाणाऱ्या मार्गावर वाहनांची रांग, पुण्याकडे जाणाऱ्या मार्गावर 2 ते 3 किलोमीटर वाहनांची रांग
मुंबई-पुणे महामार्गावर अमृतांजन पुलाजवळ वाहनांची गर्दी, अमृतांजन ब्रीज जवळ पुण्याकडे जाणाऱ्या मार्गावर वाहनांची रांग, पुण्याकडे जाणाऱ्या मार्गावर 2 ते 3 किलोमीटर वाहनांची रांग
कोरोनाशी संबंधित अनेक औषधं वस्तूंवर जीएसटी दरात कपात
जीएसटी कौन्सिलच्या आजच्या बैठकीमध्ये महत्त्वपूर्ण निर्णय, कोरोनाशी संबंधित अनेक औषधं वस्तूंवर जीएसटी दरात कपात. Tociluzumab, amphotericin औषधांवर शून्य टक्के जीएसटी, इतर काही उपकरणांवर औषधांवर करकपात, मात्र लसींवरचा पाच टक्के जीएसटी कायम राहणार, हे अर्थमंत्र्यांनी स्पष्ट केलं. या पाच टक्के जीएसटी उत्पन्नातला 70 ते 75 टक्के वाटा राज्यांना दिला जाईल , 30 सप्टेंबर पर्यंत ही दरकपात लागू राहणार आहे
सोलापुरात नरेंद्र पाटील यांच्या नेतृ्त्त्वात मराठा समाजाची बैठक, भाजपचे आमदार सुभाष देशमुख उपस्थित
मराठा समाजाच्या आरक्षणासाठी आंदोलनाची दिशा ठरवण्यासाठी अण्णासाहेब पाटील महामंडळाचे माजी अध्यक्ष नरेंद्र पाटील यांच्या नेतृत्त्वाखाली सोलापुरात बैठक सुरु झाली आहे. या बैठकीला माजी सहकार मंत्री सुभाष देशमुख देखील उपस्थित आहे. कोल्हापूरनंतर सोलापुरात मोर्चा घेण्यासाठी बैठक सुरु असल्याचं कळतं. मराठा समाजाच्या मागणीसाठी राज्यपाल, मुख्यमंत्री, पंतप्रधान, राष्ट्रपती यांना पत्र लिहा, असं आवाहन आमदार सुभाष देशमुख यांनी मराठा समाजातील तरुणांना केलं. मोर्चासाठी कोणतेही राजकारण करू नये, सर्वांनी मराठा समाजाच्या पाठीमागे उभे राहावे. 58 मोर्चे निघाले त्यावेळी जी भूमिका सर्वांची होती तीच भूमिका आता देखील असावी, असंही भाजपचे आमदार सुभाष देशमुख यांनी म्हटलं.
ज्ञानोबाच्या आणि तुकोबाच्या किमान दोन पालख्याला तरी सरकारने परवानगी द्यावी, अमरावतीच्या विश्व वारकरी सेनेची मागणी
सरकारने जर वारी संदर्भात जर फेर विचार केला नाही तर सरकारने जे सांगितले होते की, "माझं कुटुंब,माझी जबाबदारी" तसंच आम्ही नारा लावू "माझी वारी, माझी जबाबदारी". सरकारच्या निर्णयाची 24 तारखेपर्यंत वाट पाहू नाहीतर आम्ही वारीला निघू असा इशारा अमरावतीच्या विश्व वारकरी सेनेचे गणेश महाराज शेटे यांनी इशारा दिला. ज्ञानोबाच्या आणि तुकोबाच्या किमान दोन पालख्याला तरी सरकारने परवानगी द्यावी अशी मागणी विश्व वारकरी सेनेने केली आहे.
राज्य सरकारने सर्व चर्चा करुन पालखी सोहळ्याचा निर्णय : उपमुख्यमंत्री अजित पवार
राज्य सरकारने सर्व चर्चा करुन पालखी सोहळ्याबाबत निर्णय घेतला आहे. वर्षानुवर्षे चाललेली परंपरा टिकली पाहिजे परंतु सध्याच्या कोरोना सावटाचाही विचार केला पाहिजे असं उपमुख्यमंत्री अजित पवार यांनी सांगितलं. सर्व अधिकारी, पोलीस अधिकारी यांनी सर्वांशी समन्वय साधत पालखी सोहळ्याबाबत निर्णय घेतलाय असंही ते म्हणाले.
महत्त्वाच्या बातम्या
ट्रेंडिंग न्यूज
