Maharashtra Covid 19 LIVE Updates : भिवंडीत धोकादायक यंत्रमाग कारखान्याची भिंत कोसळली; तीन मजुरांचा मृत्यू तर तीन जण जखमी

Maharashtra Corona cases Updates: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

मुंबईतील हाफकिन संस्थेस कोवॅक्सीन लस उत्पादित करण्यास मान्यताहाफकिन संस्थेस भारत बायोटेककडून तंत्रज्ञान हस्तांतरण पद्धतीने कोवॅक्सीन बनविण्यास केंद्र शासनाच्या विज्ञान व तंत्रज्ञान विभागाने मान्यता दिली आहे.  ...

22:28 PM (IST)  •  16 Apr 2021

भिवंडीत धोकादायक यंत्रमाग कारखान्याची भिंत कोसळली; तीन मजुरांचा मृत्यू तर तीन जण जखमी 

भिवंडीत धोकादायक यंत्रमाग कारखान्याची भिंत कोसळल्याची घटना घडली आहे . या दुर्घटनेत तीन मजुरांचा मृत्यू तर तीन मजूर जखमी झाले असून त्यांच्यावर उपचार सुरु आहेत . राजू उर्फ रणछोड प्रजापती ( वय ५० वर्ष ), भगवान मामा ( वय ५५ वर्ष ), मनसुख भाई ( वय ४५ वर्ष ) अशी दुर्घटनेत मृत्यू झालेल्या मजुरांची नवे आहेत .   भिवंडी तालुक्यात काटई ग्राम पंचायत हद्दीत देवानंद कंपाउंड येथे हा धोकादायक यंत्रमाग कारखाना होता . कारखान्याच्या भिंती जीर्ण झाल्याने हा यंत्रमाग कारखाना मागील चार दिवसांपासून बंद होता व कारखान्याच्या जीर्ण झालेल्या भिंतींच्या दुरुस्तीचे काम सुरु होते. गवंडी कामगार व मजुरांच्यामार्फत हे काम सुरु होते . यावेळी भिंतीचे काम करण्यासाठी मजुरांनी परांची देखील बांधली होती. त्यावर काम सुरु होते . मात्र हे काम सुरु असतांनाच लोखंडी अँगल व पत्राचा भार जीर्ण भिंतींवर पडल्याने भिंत कोसळली व त्यासोबतच छताचे लोखंडी अँगल व पत्रा देखील खाली कोसळला . या दुर्घटनेत तीन बांधकाम मजुरांचा दुर्दैवी मृत्यू झाला आहे तर तीन जण या दुर्घटनेत जखमी झाले असून त्यांच्यावर खासगी रुग्णालयामध्ये उपचार सुरु आहेत . या घटनेची नोंद निजामपूरा पोलीस ठाण्यात करण्यात आली आहे. 

21:39 PM (IST)  •  16 Apr 2021

वाढदिवस साजरा करण्यासाठी गेलेल्या 6 जणांचा धरणात बुडून मृत्यू

- वाढदिवस साजरा करण्यासाठी गेलेल्या 6 जणांचा धरणात बुडून मृत्यू,
 
मृतांमध्ये तरुण तरुणीचा समावेश,

वालदेवी धरणावर 9 जण गेले होते वाढदिवस साजरा करायला,

5 मुली आणि 1 मुलगा बुडाल्याची प्राथमिक माहिती,

धरणाजवळ सेल्फी काढण्याच्या नादात तोल गेल्याची चर्चा ,

वाडीवरहे पोलीस घटनास्थळी दाखल,

ग्रामस्थ आणि पोलिसांच्या मदतीने शोधकार्य सुरू,

20:36 PM (IST)  •  16 Apr 2021

दिल्लीत कोरोनाचा कहर सुरुच,

दिल्लीत कोरोनाचा कहर सुरुच, एका दिवसात सर्वाधिक 19486 कोरोना रुग्णांचे निदान, तर 141 जणांचा मृत्यू 

19:57 PM (IST)  •  16 Apr 2021

पोहण्यासाठी गेलेल्या खदाणीत बुडून तिघांचा मृत्यू

बीड शहरपासून जवळच असलेल्या पांगरबावडी शिवारात सायंकाळच्या सुमारास खदाणीत बुडून तिघांचा मृत्यू झाला आहे.  सदरील तरुण हे बीड शहरातील गांधी नगर येथील आहेत.  पोहण्यासाठी खदाणीत गेले असल्याची प्राथमिक माहिती आहे. दोघांचे मृतदेह सापडले असून एकाचा मृतदेहाचा शोध सुरु आहे.

19:32 PM (IST)  •  16 Apr 2021

सोलापूर जिल्ह्यात कोरोनाचा हाहाकार

सोलापूर जिल्ह्यात कोरोनाचा हाहाकार, आज जिल्ह्यात तब्बल दीड हजार लोकांचे अहवाल पॉझिटिव्ह

एका दिवसात तब्बल 1500 जणांचे अहवाल पॉझिटिव्ह तर 24 जणांचा मृत्यू,

शहरातील 371 जणांचे अहवाल पॉझिटिव्ह तर 7 जणांचा मृत्यू,

ग्रामीण भागात 1129 जणांचे अहवाल पॉझिटिव्ह आणि 17 जणांचा मृत्यू