PhD वर परवा विधानसभेच वादग्रस्त वक्तव्य; आज दिलगिरी,नेमकं काय म्हणाले अजित पवार?
पीएचडी करण्याबाबत विषय निवडीबाबत समिती नेमायला हवी, असे अजित पवार (Ajit Pawar) म्हणाले.
नागपूर : पीएचडीबद्दल राज्याचे उपमुख्यमंत्री अजित पवारांनी (Ajit Pawar On PHD) अधिवेशनकाळात वादग्रस्त वक्तव्य केले. अजित पवारांनी केलेल्या वक्तव्यानंतर विरोधकांनी त्यांच्यावर टीका केली. त्यानंतर आज पवारांनी त्या वक्तव्याबद्दल दिलगिरी व्यक्त केली. पीएचडीबाबत माझा तोंडातून शब्द गेला काय दिवा लावला जाणार. त्याचा गाजावाजा करण्यात आला. त्याबाबत मी दिलगिरी व्यक्त केली आहे, असे स्पष्टीकरण अजित पवारांनी दिले आहे. पीएचडी करण्याबाबत विषय निवडीबाबत समिती नेमायला हवी. असेही अजित पवार (Ajit Pawar) म्हणाले.
अजित पवार म्हणाले, पीएचडीबाबत माझा तोंडतून शब्द गेला काय दिवा लावला जाणार आहे. त्याचा गाजावाजा करण्यात आला, त्याबाबत मी दिलगिरी व्यक्त केली आहे. अनेकांनी राजकिय नेत्यांवर पीएचडी केली. पीएचडी करण्यावर दुमत नाही. पीएचडी करण्याबाबत विषय निवडीबाबत समिती नेमायला हवी. अनेक जण विविध विषयात पीएचडी करतात. जर्मन भाषेत पीएचडी केली तर अधिक फायदा होईल
टोकाची भूमिका घेऊ नये, अजित पवारांचे आवाहन
जुन्या पेन्शन संदर्भात काल बैठक झाली. बैठकीला विविध संघटनेचे नेते होते. जुन्या पेन्शनबाबत अहवाल समोर ठेऊन त्यांना समजावलं अशी माहिती उपमुख्यमंत्री अजित पवार यांनी दिली आहे. टोकाची भूमिका घेऊ नये, असे आवाहन अजित पवारांनी संपकऱ्यांना केले आहे. अर्थसंकल्पीय अधिवेशनापर्यंत पेन्शनसंदर्भात योग्य निर्णय घेऊ, असेही अजित पवार म्हणाले.
अजित पवार आज अमित शाहांची भेट घेणार
कांदा उत्पादक शेतकऱ्यांसह ऊस आणि दूध उत्पादक शेतकऱ्यांची ठिकठिकाणी आंदोलने सुरु आहेत. या सर्व प्रश्नावर तोडगा काढण्यासाठी राज्याचे उपमुख्यमंत्री अजित पवार हे केंद्रीय गृहमंत्री अमित शाह यांची भेट घेणार आहेत. येत्या 15 डिसेंबरला अजित पवार हे अमित शाह यांची भेट घेणार आहे. रात्री 10 वाजता ही भेट होणार असल्याची माहिती खुद्द अजित पवार यांनी दिली.
राज्यात निर्माण झालेला कांदा प्रश्न, इथेनॉल प्रश्न तसेच दूध दराचा प्रश्न याबाबत अमित शाह यांच्याशी चर्चा करण्यात येणार आहे. काल अमित शाह यांची आम्ही वेळ मागितल्याचे अजित पवार म्हणाले. त्यानुसार अमित शाह यांनी आम्हाला वेळ दिली आहे. शुक्रवारी म्हणजे 15 डिसेंबरला आम्ही विधीमंडळाचे कामकाज संपल्यावर दिल्लीला जाणार आहोत.
हे ही वाचा :
महत्त्वाच्या बातम्या
ट्रेंडिंग न्यूज
