महापालिकांच्या खजिन्यात कोट्यवधींचा कर, 3 दिवसात 464 कोटी जमा

Written By : एबीपी माझा वेब टीम | Updated at : 14 Nov 2016 12:12 PM (IST)

मुंबई: 1000 आणि 500 रुपयांच्या नोटा चलनातून बाद झाल्यापासून तीन दिवसांत नागरिकांनी विविध करांपोटी कोट्यवधी रुपये जमा केले आहेत. गेल्या तीन दिवसांत 465 कोटी रुपये जमा झाले आहेत. त्यातच आता राज्य सरकारच्यावतीने यामुदतीत आणखी दहा दिवसांची वाढ करण्यात आल्याने, महापालिकेच्या खजिन्यात अजून कर जमा होणार आहे. मालमत्ताधारकांना त्यांचेकडील कराचा भरणा आणि थकबाकी जुन्या चलनाने भरता यावी यासाठी सर्व महानगरपालिका, नगरपालिकांनी त्यांची कार्यालये रविवार शासकीय सुट्टीच्या दिवशीही सकाळी 8.00 ते रात्री 8.00 वाजेपर्यंत सुरु ठेवली होती. यावेळी जुन्या चलनाने विविध करांचा भरणा स्वीकारण्यात येत असल्याने गेल्या तीन दिवसांपासून दिवसभर राज्यातील सर्व महानगरपालिका, नगरपालिकांच्या कार्यालयात विविध करांचा भरणा करण्यासाठी मालमत्ताधारकांनी मोठया प्रमाणात गर्दी केली आहे. राज्यातील जवळपास सर्वच महानगरपालिकांकडे 13 नोव्हेंबरच्या दुपारी 5.00 वाजेपर्यंत 465 कोटी 68 लाख 83 हजार रुपये जमा झाले आहेत. यातील पुणे महापालिकेने सर्वाधिक, तर सर्वात कमी परभणी महापालिकेत जमा झाली आहे. कोकण विभागात सर्वाधिक कर हा मुंबई महापालिकेत जमा झाला असला, तरी ठाणे आणि नवी मुंबई सारख्या मोठ्या महापालिकांना मागे टाकत कल्याण-डोंबिवली महानगरपालिकेकडे सर्वाधिक कर जमा झाला आहे. मुंबईसह कोकण विभाग (महानगरपालिकानिहाय जमा झालेली रक्कम रुपये लाखात)

बृहन्मुंबई महानगरपालिका	4726
ठाणे महानगरपालिका	1655
नवी मुंबई महानगरपालिका	1708
कल्याण-डोबिंवली महानगरपालिका	2893.03
मीरा-भाईंदर महानगरपालिका	1838
वसई- विरार महानगरपालिका	844.03
उल्हासनगर महानगरपालिका	2233
पनवेल महानगरपालिका	179.16
भिवंडी-निजामपूर महानगरपालिका	892

पश्चिम महाराष्ट्र विभाग पश्चिम महाराष्ट्र विभागात सर्वाधिक कर हा एकट्या पुणे महापालिकेत जमा झाला असून, हा आकडा राज्यातील सर्वच महापालिकांच्या तुलनेत जास्त असल्याचे दिसून आहे. विशेष म्हणजे, पुणे आणि पिंपरी-चिंचवड महानगरपालिकांमध्ये जमा झालेल्या कराची आकडेवारी पाहिली तर तब्बल 10 कोटीच्या आसापास असल्याचे दिसून येत आहे.

पुणे महानगरपालिका	7265
पिंपरी-चिंचवड महानगरपालिका	5449.51
सांगली-मिरज-कुपवाड महानगरपालिका	1023.66
कोल्हापूर महानगरपालिका	405
सोलापूर महानगरपालिका	990

उत्तर महाराष्ट्र

नाशिक महानगरपालिका	1432
मालेगांव महानगरपालिका	433
जळगांव महानगरपालिका	532
धुळे महानगरपालिका	744.64
अहमदनगर महानगरपालिका	491

विदर्भ

अकोला महानगरपालिका	203
अमरावती महानगरपालिका	496
नागपूर महानगरपालिका	990
चंद्रपूर महानगरपालिका	270.15

मराठवाडा

औरंगाबाद महानगरपालिका	494
नांदेड-वाघाळा महानगरपालिका	598
लातूर महानगरपालिका	349
परभणी महानगरपालिका	34..06

नगरपालिका प्रशासन संचालनालय 7300.59 एकूण जमा रक्कम (लाखात) 46468.83 याप्रमाणे एकूण 464 कोटी 68 लाख 83 हजार रुपयांचा भरणा झाला आहे. दरम्यान, आता या मुदतीत अजून 24 नोव्हेंबरपर्यंत 10 दिवसांनी वाढ करण्यात आल्याने, महापालिकेच्या खजिन्यात आणखी भर पडणार आहे. त्यामुळे नागरीकांनी याचा फायदा घेऊन आपल्याकडील करांचा भरणा, थकबाकी जमा करावी असे आवाहन नगरविकास विभागातर्फे करण्यात आले आहे.