Ajit Pawar Dengue : अजित पवारांना डेंग्यूची लागण, खासदार प्रफुल्ल पटेल यांची ट्विटद्वारे माहिती

दोन दिवसांपासून सामाजिक कार्यक्रमांत उपस्थित नसल्याने पुन्हा एखदा अजित पवार नाराज असल्याची चर्चा सुरू झाली होती. मात्र या चर्चांना उत्तर देताना प्रफुल्ल पटेलांनी हे ट्वीट केलं आहे. 

Ajit Pawar Dengue

मुंबई :  अजित पवारांना डेंग्यूची (Ajit Pawar Infected Dengue) लागण झाली आहे. खासदार प्रफुल्ल पटेल (Praful Patel)  यांची ट्विटद्वारे माहिती दिली आहे. गेल्या दोन दिवसांपासून सामाजिक कार्यक्रमांत उपस्थित नसल्याने पुन्हा एखदा अजित पवार नाराज असल्याची चर्चा सुरू झाली होती. मात्र या चर्चांना उत्तर देताना प्रफुल्ल पटेलांनी हे ट्वीट केलं आहे. 

Contrary to speculative media reports suggesting that Shri Ajit Pawar is not attending public events, I would like to clarify that he has been diagnosed with dengue since yesterday and has been advised medical guidance and rest for the next few days. Shri Ajit Pawar remains…

— Praful Patel (@praful_patel) October 29, 2023

डेंग्यूचा प्रकोप दिवसेंदिवस वाढत आहे. राज्यातील रुग्णांची वाढती संख्या पाहता डेंग्यू हा चिंतेचा विषय बनला आहे. तसेच डेंग्यू या आजाराने थैमान घातले आहे. अजित पवारांची तब्येत अचानक बिघडल्याने चाचणी केली अजित पवारांना डेंग्यूची लागण झाल्याचे स्पष्ट झाले.

प्रफुल्ल पटेल आपल्या ट्वीटमध्ये म्हणाले, अजित पवारांना शनिवारी डेंग्यूचे निदान झाले आहे. डेंग्यूची लागण झाल्याने त्यांना पुढील काही दिवस विश्रांतीचा सल्ला दिला आहे. अजित पवार नागरिकांच्या सेवेसाठी कटिबद्ध आहेत. अजित पवार पूर्ण  बरे झाले की ते पुन्हा जनतेच्या सेवेसाठी परततील  

Maharashtra Deputy CM Ajit Pawar has been diagnosed with dengue since yesterday and has been advised medical guidance and rest for the next few days, tweets NCP-Ajit Pawar faction leader Praful Patel pic.twitter.com/XoJGwOBVqg

— ANI (@ANI) October 29, 2023

अजित पवारांवर सध्या घरातच उपचार सुरू आहेत. राज्यात अजित पवार यांच्या नाराजीच्या बातम्या सुरु झाल्या.मराठा आरक्षणवरून काल त्यांचा  बारामतीचा दौरा रद्द झाला. सकल मराठा समाजाच्यावतीने पुढाऱ्यांना गावबंदी करण्यात आल्याने त्यांच्या दौऱ्यासाठी देखील मराठा मोर्चाच्या कार्यकर्त्यांनी विरोध केला होता. दुपारी एक वाजता अजित पवार माळेगाव साखर कारखान्यातील मोळी पुजनासाठी जाणार होते. मात्र त्यांना गावबंदीचा फटका बसल्याचं दिसत आहे. मराठ्यांचा आक्रोश पाहून अजित पवारांनी बारामती बारामती दौरा रद्द केला असावा किंवा टाळलं असावं अशा चर्चा रंगू लागल्या आहेत. बारामतीला जाण्याऐवजी अजित पवार पुण्यात दाखल झाले आहेत.

हे ही  वाचा :