Solapur : सोलापूरमध्ये वारकऱ्यांच्या दिंडीच्या ट्रॅक्टरचा भीषण अपघात, 35 ते 40 जण जखमी

 Solapur : सोलापूरमध्ये वारकऱ्यांच्या दिंडीच्या ट्रॅक्टरचा भीषण अपघात झाला आहे. या अघातात 35 ते 40 जण जखमी झाले आहेत.

Solapur News Update

Solapur News Update : सोलापूरमध्ये वारकऱ्यांच्या दिंडीच्या ट्रॅक्टरचा भीषण अपघात झाला आहे. मालट्रकने वारकऱ्यांच्या ट्रॅक्टरला मागून धडक दिल्यामुळे हा अपघात झाला आहे. या अपघातात जवळपास 35 ते 40 जण जखमी झाले असून काही जणांचा मृत्यू झाल्याची प्राथमिक माहिती मिळत आहेत. अपघातातील सर्व वारकरी तुळजापूर तालुक्यातील कदमवाडी गावचे रहिवासी आहेत. सोलापूर-पुणे राष्ट्रीय महामार्गावरील कोंडी जवळ हा अपघात झाला आहे. 

 अपघाताची माहिती मिळताच स्थानिक नागरिकांनी घटनास्थळी धाव घेत. अपघातग्रस्तांना मदत केली. अपघात स्थळावरून मृतदेह आणि जखमींना सोलापूर येथील शासकीय रुग्णालयात हलविण्यात आले आहे. जखमींवर अपचार सुरू आहे. अपघातातील दोन्ही वाहने रस्त्यावरून बाजूला काढून वाहतूक सुरळीत करण्यात आली आहे. दरम्यान, या अघातात किती जणांचा मृत्यू झाला आहे, याबाबतची माहिती अद्याप मिळालेली नाही.