Rajaram Sakhar Karkhana : राजाराम कारखान्याच्या बाॅयलरला भीषण आग, आगीवर नियंत्रण मिळवण्यासाठी शर्थीचे प्रयत्न

Rajaram Sakhar Karkhana : टर्बाईन पेटल्याने आग मोठ्या प्रमाणात पसरली आहे. ऊस गळीत हंगाम सुरु असतानाच आग लागल्याने एकच खळबळ उडाली आहे. 

Rajaram Sakhar Karkhana

Source : ABP Majha

Rajaram Sakhar Karkhana : कोल्हापूर शहरातील कसबा बावडा येथील श्री छत्रपती राजाराम सहकारी साखर कारखान्याच्या बॉयलरमध्ये भीषण आग लागली आहे. कोल्हापूर शहरातील सर्व अग्निशमन दलाच्या गाड्या घटनास्थळी रवाना झाल्या आहेत. टर्बाईन पेटल्याने आग मोठ्या प्रमाणात पसरली आहे. ऊस गळीत हंगाम सुरु असतानाच आग लागल्याने एकच खळबळ उडाली आहे. दरम्यान, आज सकाळी राजाराम कारखान्यात आग लागल्याचे समजताच मोठी गर्दी कारखान्याच्या दिशेने धावली. आग नेमकी कोणत्या कारणामुळे लागली याबाबत अधिकृत माहिती समोर आलेली नाही. आग विझवण्यासाठी कोल्हापूर शहरातील सर्व अग्नीशमन दलाच्या गाड्यांना पाचारण करण्यात आलं आहे. आगीचे धूर लांबून सुद्धा दिसून येत आहेत. 

राजाराम कारखान्यावर महाडिक गटाची सत्ता असून कोल्हापूर दक्षिणचे भाजप आमदार अमल महाडिक अध्यक्ष आहेत. राजकीय संघर्षामुळे हा कारखाना नेहमीच चर्चेत राहिला आहे. महाडिक आणि सतेज पाटील यांच्या राजकीय संघर्ष नेहमीच राजाराम कारखान्यावरून दिसून आला आहे. सभासद अपात्रतेच्या मुद्यावरून दोन्ही गटात मोठा संघर्ष झाला होता. अजूनही हे प्रकरण न्यायप्रविष्ठ आहे. 

इतर महत्वाच्या बातम्या