Gokul : गोकुळ निवडणुकीचे पडघम आतापासूनच, दूध संस्थेच्या ठरावावरुन राडा, सत्ताधारी-विरोधक एकमेकांच्या अंगावर
Gokul Election : गोकुळच्या निवडणुकीत दूध संस्थेच्या ठराव धारकाला मतदानाचा अधिकार असतो. त्यावेळी त्या मतदाराचा भाव चांगलाच वाढतो. त्यामुळे ठराव आपल्याच नावावर जावा यासाठी प्रयत्न केला जातो.
कोल्हापूर : गोकुळ दूध संघाची निवडणूक जरी पुढच्या वर्षी होणार असली तरी कोल्हापुरात त्याचे पडघम मात्र आतापासूनच वाजू लागले आहेत. या निवडणुकीत दूध संस्थेसाठी ठराव कोणाच्या नावावरून द्यायचं यासाठी आता दूध संस्थांमध्ये चक्क हाणामारी होऊ लागल्याचे चित्र आहे. पन्हाळ्यातील कळेमध्येही असाच प्रकार घडला असून दूध संस्थेतील ठरावावरुन सत्ताधारी आणि विरोधक एकमेकांच्या अंगावर धावून गेल्याचं दिसून आलं.
पन्हाळा तालुक्यातील कळे इथल्या धर्मराज दूध संस्थेतील ठराव लिलाव पद्धतीने देण्याची मागणी करत सत्ताधारी आणि विरोधकांमध्ये जोरदार वादावादी झाली. सत्ताधारी आणि विरोधक यांचे समर्थक एकमेकांवर धावून गेल्यामुळे संस्थेची वार्षिक सर्वसाधारण सभा चांगलीच वादग्रस्त ठरली आहे.
दरम्यान, गोकुळ दूध संघाच्या निवडणुकीमध्ये मतदान करण्याचा अधिकार ठराव धारकाला असतो. या ठराव धारकाला मतदानावेळी चांगलाच भाव असतो. त्यामुळे संस्थेचा ठराव नेमकं कोणाच्या नावावर करायचा यावरून दूध संस्थेमध्ये राडा झाला.
पन्हाळ्यात झालेल्या या राड्याची चांगलीच चर्चा जिल्ह्यात रंगली आहे. शिवाय गोकुळ दूध संघाच्या पुढील वर्षी होणाऱ्या निवडणुकीची एक झलकच या निमित्ताने बघायला मिळाली.
गोकुळ दुधाच्या दरात वाढ
गोकुळ दूध संघाने गेल्या महिन्यात शेतकऱ्यांना मोठा दिलासा देणारा निर्णय घेतला. म्हैस आणि गाईच्या दूध खरेदी दरामध्ये प्रतिलीटर 1 रुपयाने गोकुळने वाढ केली आहे. म्हैस दूध खरेदी दर प्रतिलीटर 50 रुपये 50 पैसे वरुन 51 रुपये 50 पैसे असा केला आहे. तर गाईच्या दूध खरेदी दरामध्ये प्रतिलिटर 32 रुपयांवरून 33 रुपये केला आहे. गोकुळ दूध संघाने केलेल्या खरेदी दराच्या वाढीमुळं शेतकऱ्यांना मोठा दिलासा मिळाला आहे.
ही बातमी वाचा:
Before You Go
Vande Mataram Special Report : वंदे मातारमबाबत काँग्रेसचा ठराव, अमित शाहांचा हल्लाबोल
महत्त्वाच्या बातम्या
