Kolhapur BJP: भाजप जिल्हाध्यक्षांच्या निवडी जाहीर; कोल्हापुरात युवा चेहऱ्यांना संधी, ग्रामीणसाठी आणखी एक अध्यक्ष

Kolhapur BJP: भाजपकडून कोल्हापूर महानगर अध्यक्षांसह दोन लोकसभा मतदारसंघनिहाय अध्यक्ष नेमण्यात आले आहेत. कोल्हापूर शहर महानगर अध्यक्षपदी विजय जाधव यांची नियुक्ती करण्यात आली आहे.

kolhapur bjp

Kolhapur BJP: भाजपकडून राज्यातील जिल्हाध्यक्षांच्या निवडी जाहीर करण्यात आल्या आहेत. भाजपकडून कोल्हापूर (Kolhapur News) महानगर अध्यक्षांसह दोन लोकसभा मतदारसंघनिहाय अध्यक्ष नेमण्यात आले आहेत. कोल्हापूर शहर महानगर अध्यक्षपदी विजय जाधव यांची नियुक्ती करण्यात आली आहे. कोल्हापूर लोकसभा ग्रामीण जिल्हाध्यक्षपदी राहुल देसाई, तर हातकणंगले लोकसभा मतदारसंघ जिल्हाध्यक्षपदी राजवर्धन निंबाळकर यांना संधी देण्यात आली आहे. 

भाजप प्रदेशाध्यक्ष चंद्रशेखर बावनकुळे यांनी राज्यातील जिल्हाध्यक्षांच्या निवडी जाहीर केल्या आहेत. यामध्ये तीन नवीन चेहरे देताना युवा नेतृत्वाला संधी दिली आहे. कोल्हापूर महानगर अध्यक्षपदी राहुल चिकोडे यांच्या जागी सरचिटणीस विजय जाधव यांना संधी देण्यात आली आहे. युवा मोर्चामध्येही त्यांनी आपली जबाबदारी पार पाडली आहे.

भारतीय जनता पार्टीच्या संघटनात्मक रचनेतील महत्वपूर्ण दुवा असलेल्या जिल्हाध्यक्षांची नवी टीम जाहीर करत आहे.
सर्व नवनियुक्त जिल्हाध्यक्षांचे अभिनंदन ! pic.twitter.com/eFcY3hHo9i

— भाजपा महाराष्ट्र (@BJP4Maharashtra) July 19, 2023

सध्या भाजप ग्रामीण जिल्हाध्यक्ष म्हणून समरजितसिंह घाटगे जबाबदारी पार पाडत आहे. आत्या त्यांच्यासोबत आणखी एका जिल्हाध्यक्षाची नेमणूक करण्यात आली आहे. राहुल देसाई यांना ग्रामीण जिल्हाध्यक्षपदी नेमण्यात आले आहे. राहुल देसाई काँग्रेसचे माजी आमदार बजरंग देसाई यांचे चिरंजीव आहेत. हातकणंगले लोकसभा मतदारसंघाच्या अध्यक्षपदी राजवर्धन नाईक निंबाळकर यांची निवड करण्यात आली आहे. जिल्हा बँकेचे माजी अध्यक्ष विठ्ठलराव नाईक निंबाळकर यांचे ते चिरंजीव आहेत.

इतर महत्वाच्या बातम्या