Kolhapur Ganesh 2022 : कोल्हापूर जिल्ह्यात मूर्तिदान चळवळीला शंभर हत्तींचे बळ! गेल्यावर्षीच्या तुलनेत 14 हजारांहून अधिक मूर्तिदान
Kolhapur Ganesh 2022 : दरवर्षी प्रमाणे यंदाही जिल्हा परिषद, कोल्हापूर अंतर्गत पर्यावरणपूरक गणेशोत्सव उपक्रमाचे आयोजन करण्यात आले होते. या उपक्रमामध्ये ग्रामस्थांकडून उत्स्फूर्त प्रतिसाद मिळाला.
Kolhapur Ganesh 2022 : दरवर्षी प्रमाणे यंदाही जिल्हा परिषद, कोल्हापूर अंतर्गत पर्यावरणपूरक गणेशोत्सव उपक्रमाचे आयोजन करण्यात आले होते. या उपक्रमामध्ये ग्रामस्थांकडून उत्स्फूर्त प्रतिसाद मिळाला. या उपक्रमांतर्गत एकूण 2 लाख 58 हजार 932 मूर्ती संकलन, तर सुमारे 516 टन इतके निर्माल्य संकलन करण्यात जिल्हा परिषदेला यश मिळाले. विशेषत: या उपक्रमांतर्गत 1986 गणेशमुर्तींचे विजर्सन हे घरच्या घरीचं करण्यात आले. गेल्यावर्षीच्या तुलनेत तब्बल 14 हजार अधिक मुर्तिदान झाल्या आहेत.
पंचगंगा प्रदूषणमुक्ती तसेच जिल्ह्यातील जलस्त्रोत प्रदूषणमुक्त ठेवण्याच्या हेतूने 2015 पासून हा उपक्रम सुरू करण्यात आला असून या वर्षी ही जिल्ह्यातील सर्व गावांनी यामध्ये सहभाग घेवून उपक्रम यशस्वी केला. या उपक्रमामध्ये जिल्ह्यातील सर्व ग्राम पंचायतींनी सहभागी होवून जलस्त्रोत प्रदूषण मुक्त ठेवणेबाबतचे आवाहन प्रशासक तथा मुख्य कार्यकारी अधिकारी संजयसिंह चव्हाण यांनी केले होते.
या उपक्रमाबाबतच्या अंमलबजावणीसाठी जिल्हा तसेच तालुकास्तरावर अधिकारी आणि कर्मचारी यांच्या बैठकांच्या माध्यमातून उपक्रमाचे नियोजन करण्यात आले होते. उपक्रम यशस्वी करणेसाठी तसेच जास्तीत जास्त लोकसहभाग मिळविणेसाठी व ग्राम पंचायत स्तरावर पर्यायी व्यवस्थांची निर्मिती करणेसाठी अधिकारी आणि कर्मचारी यांना समन्वयासाठी ग्रामपंचायती देण्यात आलेल्या होत्या.
उपक्रम यशस्वी करणेसाठी जिल्हाधिकारी राहूल रेखावार, झेडपी प्रशासक संजयसिंह चव्हाण तसेच उदय गायकवाड, पर्यावरण तज्ज्ञ यांनी मार्गदर्शन केले. या उपक्रमासाठी स्थानिक लोकप्रतिनीधी, स्वयंसेवी संस्था, तरूण मंडळे यांचे मोलाचे सहकार्य लाभले. तसेच उपक्रमाच्या यशस्वीतेसाठी जिल्हा परिषद तसेच पंचायत समिती आणि ग्राम पंचायत स्तरावरील अधिकारी आणि कर्मचारी यांनी परिश्रम घेतले. उपक्रमाचे आयोजन पाणी व स्वच्छता विभाग जिल्हा परिषद कोल्हापूर यांनी केले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
