उबर इट्स भारतात बंद, झोमॅटोने खरेदी केला व्यवसाय

उबर इट्स आणि झोमॅटो या दोन्ही कंपन्यांमध्ये झालेल्या व्यवहारानुसार उबर इट्सचे स्वतंत्र अस्तित्त्व संपुष्टात येणार आहे. त्याचबरोबर उबर इट्सला आपल्या सर्व ग्राहकांचा डेटा झोमॅटोला हस्तांतरित करावा लागणार आहे.

मुंबई : ऑनलाइन खाद्य पदार्थ डिलिव्हर करणाऱ्या झोमॅटोने उबर इट्स इंडिया या कंपनीला विकत घेतले आहे. झोमॅटोने उबर इट्सला 35 करोड डॉलर म्हणजे 2500 करोड रूपयांना खरेदी केली आहे. सूत्रांच्या माहितीनुसार, उबरकडे सध्या फक्त 9.9 टक्के शेअर आहे. कॅब सर्व्हिस देणारी उबर कंपनी ऑनलाईन खाद्यपदार्थ सर्व्हिसमध्ये चांगला व्यवसाय होत नव्हता, त्यामुळेच कंपनीकडून हा निर्णय घेण्यात आला आहे. बऱ्याच काळापासून याची चर्चाही सुरु होती.

We entered food delivery in India in 2017 and today is when our journey takes a different route. Zomato has acquired Uber Eats in India and we'll no longer be available here with immediate effect. We wish all our users more good times with great food on the road ahead pic.twitter.com/WEbJNaJY8M

— Uber Eats India (@UberEats_IND) January 21, 2020

उबर इट्स आणि झोमॅटो या दोन्ही कंपन्यांमध्ये झालेल्या व्यवहारानुसार उबर इट्सचे स्वतंत्र अस्तित्त्व संपुष्टात येणार आहे. त्याचबरोबर उबर इट्सला आपल्या सर्व ग्राहकांचा डेटा झोमॅटोला हस्तांतरित करावा लागणार आहे. उबर इट्सवरील ग्राहक झोमॅटोकडे वळवण्यात येणार आहे. उबर इट्सकडे सध्या जे कर्मचारी आहेत, ते मात्र झोमॅटोकडे जाणार नाहीत. सध्या उबर इट्सकडे 100 कर्मचारी आहेत. यापैकी काही जणांना कामावरून काढून टाकले जाईल तर काही जणांना उबरच्या इतर सेवांमध्ये सामावून घेतले जाईल. याविषयी झोमॅटोने प्रतिक्रिया देण्यास नकार दिला आहे. VIDEO | मुस्लीम डिलीव्हरी बॉय प्रकरणी झोमॅटोचं नेटकऱ्यांकडून कौतुक | ABP Majha झोमॅटोचे संस्थापक दीपिंदर गोयल म्हणाले, उत्कृष्ट हॉटेलची माहिती ग्राहकांना पुरवण्याचे आणि पाचशेहून अधिक शहरांमध्ये फूड डिलिव्हरीचे काम आम्ही करतो आहोत. आता उबर इट्स आमच्याकडे आल्यामुळे या क्षेत्रातील आमचं स्थान अधिक बळकट करण्यास मदत होणार आहे. संबंधित बातम्या :  तान्हाजीच्या दृश्यांवर मॉर्फिंग, शिवराय मोदी तर तान्हाजी अमित शहा; दिल्ली निवडणुकीपूर्वी व्हिडीओ व्हायरल पहिली ते सातवीसाठी सर्व विषयांचं एकच पुस्तक, दप्तराचं ओझं कमी करण्यासाठी नवा प्रयोग