(Source: ECI/ABP News/ABP Majha)
पश्चिम बंगालचे माजी मुख्यमंत्री बुद्धदेव भट्टाचार्य यांचे निधन; वयाच्या 80 व्या वर्षी अखेरचा श्वास
Budhadev Bhattacharya: पश्चिम बंगालचे माजी मुख्यमंत्री बुद्धदेव भट्टाचार्य यांचं निधन झालंय. कोलकाता येथील राहत्या घरी त्यांनी अखेरचा श्वास घेतला.
Budhadev Bhattacharya: पश्चिम बंगालचे माजी मुख्यमंत्री बुद्धदेव भट्टाचार्य (Budhadev Bhattacharya) यांचे निधन झालं आहे. कोलकाता येथील राहत्या घरी त्यांनी अखेरचा श्वास घेतला. ते 80 वर्षांचे होते. बंगालच्या माजी मुख्यमंत्र्यांनी गुरुवारी सकाळी 8.20 वाजता अखेरचा श्वास घेतला. ते बरेच दिवस आजारी होते. त्यांना श्वास घेण्यास त्रास होत होता, त्यामुळे त्यांना जुलैमध्ये रुग्णालयातही दाखल करण्यात आले होते. ते दीर्घकाळापासून सीओपीडी (क्रोनिक ऑब्स्ट्रक्टिव्ह पल्मोनरी डिसीज) आणि वृद्धापकाळाशी संबंधित इतर आजारांनी त्रस्त होते. त्याच्यावर कोलकाता येथील घरी उपचार सुरू होते. त्यांच्या पश्चात पत्नी आणि एक मुलगी असा परिवार आहे.
भट्टाचार्य प्रकृती अस्वास्थ्यामुळे गेल्या काही वर्षांपासून सार्वजनिक जीवनापासून दूर होते. त्यांनी 2015 मध्ये सीपीआय(एम) च्या पॉलिटब्युरो आणि केंद्रीय समितीचा राजीनामा दिला आणि 2018 मध्ये राज्य सचिवालयाचे सदस्यत्व सोडलं.
बुद्धदेव भट्टाचार्य यांच्या कोलकाता येथील घरी त्यांच्यावर उपचार सुरू होते. भट्टाचार्य यांच्या पश्चात त्यांची पत्नी आणि एक मुलगी आहे. माकपचे राज्य सचिव मोहम्मद सलीम यांनी त्यांच्या निधनावर शोक व्यक्त केला आहे. 2015 मध्ये भट्टाचार्य यांनी CPI(M) च्या पॉलिट ब्युरो तसेच त्यांच्या पक्षाच्या केंद्रीय समितीचा राजीनामा दिला होता. जुलैमध्ये अचानक श्वास घेण्यास त्रास होत असल्यानं त्यांच्या शारीरिक त्रासात वाढ झाली. त्यानंतर त्यांना कोलकाता येथील वुडलँड हॉस्पिटलच्या आयसीयूमध्ये दाखल करण्यात आले. बुद्धदेव भट्टाचार्य यांच्या प्रकृतीची माहिती मिळताच वुडलँड्समधून माजी मुख्यमंत्र्यांच्या पाम अव्हेन्यू येथील घराकडे रुग्णवाहिका पाठवण्यात आली. वैद्यकीय अधिकारी आणि पॅरामेडिक्स रुग्णवाहिकेतून पाम अव्हेन्यू येथे आले आणि त्याला रुग्णालयात आणण्यात आलं.
बुद्धदेव भट्टाचार्य कोण होते?
भट्टाचार्य 2000 ते 2011 पर्यंत पश्चिम बंगालचे मुख्यमंत्री होते. ते भारतीय कम्युनिस्ट पार्टी (मार्क्सवादी) च्या पॉलिटब्युरोचे सदस्यही होते. बुद्धदेव भट्टाचार्य यांचा जन्म 1 मार्च 1944 रोजी उत्तर कोलकाता येथे झाला. नंतर त्यांनी माकपमध्ये प्रवेश केला. त्यांना डेमोक्रॅटिक युथ फेडरेशनशी जोडले गेले. त्यांना सीपीआयच्या युवा शाखेचं राज्य सचिव बनवण्यात आलं, जी नंतर डेमोक्रॅटिक युथ फेडरेशन ऑफ इंडियामध्ये विलीन झाली होती.
महत्त्वाच्या बातम्या
ट्रेंडिंग न्यूज
