Viral video: फरीदाबादमध्ये 12व्या मजल्याच्या बाल्कनीतून लटकून व्यायाम करताना दिसला माणूस, इंटरनेटवर उडाली खळबळ

Viral video : व्हिडिओमध्ये हा माणूस सोसायटीच्या 12व्या मजल्याच्या बाल्कनीच्या रेलिंगला धरून व्यायाम करताना दिसत आहे. समोरच्या इमारतीत राहणाऱ्या एका व्यक्तीने हा धोकादायक स्टंट टिपल्याचे दिसते.

Viral video

Viral video : फरिदाबाद (Faridabad) इमारतीच्या एका बाल्कनीतून एका आईने आपल्या मुलाला लटकवल्याचा व्हिडिओ इंटरनेटवर खळबळ माजवल्यानंतर, सोशल मीडियावर अशीच एक धक्कादायक घटना समोर आली आहे. या व्हिडिओमध्ये एक व्यक्ती 12व्या मजल्यावरच्या बाल्कनीला लटकून व्यायाम करताना दिसत आहे. ही घटना ग्रेटर फरिदाबाद येथील सेक्टर-82 येथील ग्रॅंड्युरा सोसायटीच्या ई-ब्लॉकमध्ये घडली आहे. 

या व्हिडिओमध्ये हा माणूस सोसायटीच्या 12व्या मजल्याच्या बाल्कनीच्या रेलिंगला धरून व्यायाम करताना दिसत आहे. त्या व्यक्तीचा हा सगळा प्रकार समोरच्या इमारतीत राहणाऱ्या एका व्यक्तीने हा धोकादायक स्टंट टिपला आहे. 

सोसायटीचे अध्यक्ष दीपक मलिक यांनी सांगितले की, ही 56 वर्षीय व्यक्ती मानसिकदृष्ट्या अस्वस्थ आहे. त्यांना 28 वर्षांचा मुलगाही आहे. या घटनेनंतर आरडब्ल्यूएच्या अधिकाऱ्यांनी त्यांच्या कुटुंबियांना त्यांच्यावर लक्ष ठेवण्याच्या सूचना दिल्या आहेत.

यापूर्वीही घटला होता 'हा' प्रकार :

काही दिवासांपूरर्वी फरिदाबादमध्ये अशीच एक घटना घडली होती. या घटनेत एका उंच इमारतीत नवव्या मजल्यावरील बंद घराच्या बाल्कनीत पडलेली साडी आणण्यासाठी एका महिलेने तिच्या मुलाला बेडशीटने बांधल्यानंतर हा व्हिडीओ सोशल मिडीयावर प्रचंड व्हायरल झाला होता. ही घटनादेखील फरीदाबादच्या सेक्टर 82 मधील एका सोसायटीत घडल्याचे अहवालात म्हटले आहे. व्हिडिओमध्ये लहान मूल बेडशीटवर चढताना दिसत आहे तर त्याची आई आणि इतर कुटुंबियांनी नंतर त्याला वर काढले. या व्हिडिओने नेटिझन्समध्ये प्रचंड संतापाचे वातावरण निर्माण झाले होते. 

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha