एक्स्प्लोर
उद्धव ठाकरे दिल्लीत, राष्ट्रपती निवडणुकीबाबत खलबतं
मुंबई/नवी दिल्ली: राजधानी दिल्लीमध्ये आज होणाऱ्या एनडीएच्या घटक पक्षांच्या बैठकीसाठी शिवसेना पक्षप्रमुख उद्धव ठाकरे दिल्लीला रवाना झाले आहेत. दिल्लीतल्या प्रवासी भारतीय भवनमध्ये संध्याकाळी साडेसहा वाजता एनडीएची बैठक होत आहे. त्याआधी उद्धव ठाकरे हे शिवसेना खासदार संजय राऊत यांच्या निवासस्थानी सेना खासदारांची भेट घेणार आहे. दरम्यान यूपीत भाजपल्या मिळालेल्या विजयाच्या निमित्तानं एनडीएची ही बैठक आयोजित करण्यात आल्याचं बोललं जातंय. मात्र प्रत्यक्षात या बैठकीत राष्ट्रपती निवडणुकीवर खलबतं होणार असल्याचं समजतंय.
तीन वर्षांनंतर मोदी-शाह आणि उद्धव ठाकरे आमने-सामने येणार
मोदींच्या शपथविधी सोहळ्यानंतर पहिल्यांदाच उद्धव ठाकरे मोदी आणि शहा या जोडीला भेटणार आहेत. पंतप्रधान नरेंद्र मोदींच्या शपथविधीनंतर म्हणजे जवळपास मे 2014 नंतर तीन वर्षांनी उद्धव ठाकरे मोदी-शाहांना दिल्लीत भेटतील. याआधी दोनवेळा उद्धव ठाकरे दिल्लीत येऊन गेले, मात्र तेव्हा ते केंद्रीय गृहमंत्री राजनाथ सिंह आणि अर्थमंत्री अरुण जेटली यांनाच भेटले होते. दिल्लीतल्या प्रवासी भारतीय भवन इथे संध्याकाळी साडे सहा वाजता ही बैठक होणार आहे. निमित्त यूपीच्या विजयाचं असलं तरी राष्ट्रपती निवडणुकीची चर्चा होणार आहे. दिल्लीत येऊनही उद्धव ठाकरेंनी मोदी-शाहांना न भेटणं हे शिवसेना-भाजपमधल्या वाढत्या तणावाचंच लक्षण होतं. याआधी एनडीएचं सरकार असताना माजी पंतप्रधान अटलबिहारी वाजपेयी, लालकृष्ण अडवाणी कधी मुंबईत आले तर ते आवर्जून मातोश्रीवर बाळासाहेबांची भेट घ्यायचे. पण मोदी-शाहांच्या युगात चित्र बदलत गेलं. मुंबईत मोदी आल्यावरही कधी मातोश्रीकडे फिरकले नाहीत. या दोघांची शेवटची मुंबईतली भेट ही शिवस्मारकाच्या कार्यक्रमाच्या निमित्तानेच व्यासपीठावर झाली होती. त्यामुळे आता उद्धव ठाकरेंच्या या दिल्ली भेटीला जास्त महत्व प्राप्त झालं आहे. मोदी आणि उद्धव ठाकरेंची किमान काही सरकारी कार्यक्रमाच्या निमित्ताने तरी भेट झाली. पण उद्धव ठाकरे आणि अमित शाह हे तर तब्बल तीन वर्षांनी आमने-सामने असतील. महाराष्ट्रात एकत्रित सत्तेत असूनही मुंबई महापालिका निवडणुकीच्या दरम्यान भाजप आणि शिवसेनेतले मतभेद शिगेला पोहोचले होते. अगदी अफझलखानाच्या टोळ्या वगैरे शेलकी विशेषणंही अमित शाहांसाठी वापरण्यात आली होती. त्या पार्श्वभूमीवर आता या भेटीनंतर शिवसेना-भाजपमधलं वातावरण कितपत निवळतं हे पाहणं औत्सुक्याचं असेल. संबंधित बातम्यातीन वर्षांनंतर मोदी-शाह आणि उद्धव ठाकरे आमने-सामने येणार
महत्त्वाच्या बातम्या
भारत
लश्कर-ए-तोयबाचा म्होरक्या हाफिज सईदने पहलगाम हल्ल्याचा कट रचला; एनआयएच्या आरोपपत्रात आतापर्यंत झालेले पाच खुलासे
भारत
मृत्यूच्या ३ तास आधी फोन केला, ऑफिस पार्टीला सुद्धा हजेरी; अवघ्या अडीच महिन्यांपूर्वी विवाह अन् तिसऱ्या मजल्यावरून पडून नवविवाहित तरुणीचा मृत्यू, कुटुंबीयांचा हत्येचा आरोप
भारत
सुन रहे हो न विनोद! आपलं लक्ष्य साधंसुधं नसतं, पुतळा बनवला तो पण जगातील सर्वात मोठा; नरेंद्र मोदींचे भाषण व्हायरल
भारत
राम मंदिरातील राजरोस लूट समोर आली, 'श्री राम जन्मभूमी तीर्थ क्षेत्र ट्रस्ट'ला RTI अंतर्गत आणा, खासदाराचे थेट अमित शाहांना पत्र
