Twitter Down : एका आठवड्यात दुसऱ्यांदा ट्विटर डाऊन, काही युजर्सना आली समस्या
Twitter Latest News : एका आठवड्यात दुसऱ्यांदा ट्विटर डाऊन झाल्याने नेटकऱ्यांचा हिरमोड झाला आहे.
Twitter Down : एका आठवड्यात दुसऱ्यांदा ट्विटर डाऊन झाल्याने नेटकरी हैराण झाले. गुरूवारी रात्री ट्विटर डाऊन झाल्याने अनेक युजर्सना याचा फटका बसला असून, ट्विटर अकाऊंटवरील अपडेट दिसत नसल्याच्या तक्रारी केल्या आहे. रिपोर्टच्या माहितीनुसार काही युजर्सचे ट्विटर पूर्णपणे ठप्प झाले होते. यूजर्सना स्वत:टे ट्विट पाहण्यात देखील अनेक अडचणींचा सामना करावा लागला आहे.
मॉनिटरिंग साईट डाउनडिटेक्टर डॉट कॉमने दिलेल्या माहितीनुसार ट्विटर यूजर्सनी सांगितले की, ट्विटरवर गुरूवारी रात्री काही तांत्रिकी अडचणी येत होत्या. ज्या 10.51 नंतर वाढायला लागल्या. गेल्या आठवड्यात 11 फेब्रुवारीला रात्री 11 च्या सुमारास ट्विटर डाऊन झाले होते. त्यावेळी कंपनीने म्हटले होते की, आम्ही एक बग ठिक केला आहे. ज्यामुळे टाईमलाईन अपलोड करण्यात अडचण येत होती.
त्यावेळी भारतातील अनेक शहरातील यूजर्सना ट्वीटर वापरण्यास अडचणी येत होत्या. यामध्ये मुंबई, दिल्ली, जयपूर, हैदराबाद आणि चेन्नईसह इतर शहरांचा देखील समावेश होता. त्यावेळी यूजर्सनी ट्वीट दिसत नसल्याच्या तक्रारी केल्या होत्या. तसेच ट्वीटवर आलेले रिप्लाय देखील लोड करण्यास अडचणी येत होत्या. जे रिप्ला अगोदर कॅच मेमेरीमध्ये होते.
ट्विटरची सेवा ठप्प होण्यामागे नेमकी कारणे कोणती होती हे मात्र स्पष्ट होऊ शकले नाही. ट्विटर डाऊन झाल्याने भारतातील लोक सतत हे ट्विटर अकाउंट सुरू झाले का याची तपासणी करत होते. भारतात ट्विटर युजची संख्या मोठी असल्याने भारतातील युजरवर ट्विटर ठप्प झाल्याचा मोठा परिणाम होत असतो. ट्विटर ठप्प होण्याची ही पहिली वेळ नसून यापूर्वी देखील ट्विटर डाऊन झाले होते. ट्विटरची सुरुवात 21 मार्च 2006 ला झाली आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
