Bihar Road Accident : बिहारमध्ये भीषण अपघात, सुशांत सिंग राजपूतच्या पाच नातेवाईकांचा मृत्यू
Road Accident : मृतांमध्ये बॉलीवूड दिवंगत अभिनेता सुशांत सिंग राजपूत (Sushant Singh Rajput) यांच्या पाच नातेवाईंकचा समावेश आहे. अंत्यसंस्कारावरुन परत येताना हा अपघात झाल्याचं समजतेय.
Bihar Road Accident : बिहारमधील लखीसराय जिल्ह्यात (Lakhisarai Road Accident) मंगळवारी सकाळी मोठा अपघात झालाय. यामध्ये सहा जणांचा मृत्यू झाल्याचं वृत्त आहे. तर चार जण गंभीर जखमी झाले आहेत. स्थानिक प्रसारमाध्यमांच्या वृत्तानुसार, मृतांमध्ये बॉलीवूड दिवंगत अभिनेता सुशांत सिंग राजपूत (Sushant Singh Rajput) यांच्या पाच नातेवाईंकचा समावेश आहे. अंत्यसंस्कारावरुन परत येताना हा अपघात झाल्याचं समजतेय. जखमी असलेल्या दोन जणांची प्रकृती अतिशय चिंताजनक आहे.
लखीसराय जिल्ह्यात खैरा पोलीस स्टेशनअंतर्गत असलेल्या भंडरा गावात मंगळवारी सकाळी अपघात (Lakhisarai Road Accident) झालाय. एसयूव्ही गाडी आणि ट्रक यांच्यामध्ये भीषण अपघात झालाय. एसयूव्ही गाडीमधील सहा जणांचा मृत्यू झालाय. मृतामधील पाच जण दिवंगत अभिनेता सुशांत सिंग राजपूत यांचे नाताईक आहेत. तर एसयूव्ही चालकाचाही या अपघातात मृत्यू झालाय. सुशांत सिंग राजपूत यांचा पाहुणा आणि ए़डीजी अधिकारी लालजीत सिंग यांचाही या अपघातात मृत्यू झालाय. नेमानी सिंग, रामचंद्र सिंग, बेबी सिंग, अनीता सिंग आणि प्रीतम सिंग (चालक) या नातेवाईकांचा मृत्यू झालाय. यांच्याशिवाय जखमींमध्ये बालमुकुंद सिंग, दिलखुश सिंग, बाल्मीकि सिंग आणि टोनू सिंग यांचा समावेश आहे. यामधील दोन जणांची प्रकृती चिंतानक आहे.
मंगळवारी सकाळी सहा वाजता हा भीषण अपघात झालाय. या गाडीमध्ये दहा जण प्रवास करत होते. यामधील सहा जणांचा मृत्यू झालाय. चार जण गंभीर जखमी झाले आहेत. जखमींना जवळील रुग्णालयात उपचारासाठी दाखल करण्यात आलं आहे. दोन जणांची प्रकृती चिंताजनक असल्याचं सांगितलं जातेय. त्यामुळे मृताची संख्या वाढण्याची शक्यता वर्तवण्यात येत आहे. मॉर्निंग वॉकला जाणाऱ्या स्थानिकांनी या अपघाताची माहिती पोलिसांनी दिली. त्यांनतर स्थानिक पोलिसांचं पथक तात्काळ घटनास्थळावर दाखल झालं, अन् मदतकार्य सुरु करण्यात आलं.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
