भारताच्या हद्दीतून चीनला कधी हाकलणार ते सांगा, राहुल गांधींचा मोदींना प्रश्न

आज पंतप्रधान मोदी देशाला संबोधन करणार आहेतत्या आधी चीनच्या प्रश्नावर देशाला उत्तर द्या अशी राहुल गांधींची मागणी

संग्रहित छायाचित्र

नवी दिल्ली: आज संध्याकाळी सहा वाजता पंतप्रधान नरेंद्र मोदी देशाला संबोधन करणार आहेत. त्या आधी राहुल गांधींनी भारताच्या हद्दीतून चीनला कधी हाकलणार असा मोदींना प्रश्न विचारला आहे आणि त्यांच उत्तर देशवासियांना मिळावे ही अपेक्षा केली आहे. राहुल गांधींनी त्यांच्या ट्विटमधुन असा प्रश्न विचारला आहे की; "माननीय पंतप्रधान आज आपण संध्याकाळी सहा वाजता देशाला संबोधन करणार आहे. त्यावेळी देशवासियांना हे सांगा की भारताच्या हद्दीतून चीनला कधी हाकलणार".

Dear PM, In your 6pm address, please tell the nation the date by which you will throw the Chinese out of Indian territory. Thank you.

— Rahul Gandhi (@RahulGandhi) October 20, 2020

भारत आणि चीनच्या सीमेवर गेली सहा महिने तणाव आहे. यावर राजकीय आणि लष्करी पातळीवर अनेक बैठका झाल्या आहेत पण अजूनही तोडगा निघाला नाही. दोन्ही देशांनी या सीमेवर मोठं सैन्य तैनात केलं आहे. पंतप्रधान नरेंद्र मोदी आज राष्ट्राला संबोधित करणार आहेत. बिहारची निवडणूक आणि आणखी काही राज्यांतील पोट निवडणूका लक्षात घेता त्यांच्या या भाषणाला विशेष महत्व आले आहे. भारतात कोरोनाचे संक्रमण सुरू झाल्यापासून मोदींनी आतापर्यंत सहा वेळा देशाला संबोधन केलं आहे. आजचे संबोधन हे सातवे संबोधने असेल.