National Unity Day: 'सरदार पटेल राष्ट्रीय एकता, अखंडतेचे अग्रदूत', पंतप्रधान मोदींकडून अभिवादन

देशाचे पहिले उपपंतप्रधान आणि गृहमंत्री सरदार वल्लभ भाई पटेल यांची आज 145 वी जयंती आहे. या निमित्ताने पंतप्रधान नरेंद्र मोदी, गृहमंत्री अमित शाह आणि संरक्षण मंत्री राजनाथ सिंह यांच्यासह अनेकांनी श्रध्दांजली वाहिली.

नवी दिल्ली: सरदार पटेल यांच्या 145 व्या जयंतीनिमित्त देशातील अनेक मान्यवरांनी त्यांना श्रध्दांजली वाहिली आहे. त्यांच्या जयंतीच्या स्मरणार्थ आजचा दिवस हा देशात राष्ट्रीय एकता दिवस म्हणून साजरा केला जातो. याप्रसंगी पंतप्रधान आणि इतरांनी सरदार पटेल यांचे भारतीय एकीकरणातील योगदानाचे स्मरण केले

पंतप्रधान नरेंद्र मोदी यांनी त्यांच्या संदेशात असे म्हटले आहे की, "राष्ट्रीय एकता आणि अखंडता यांचे अग्रदूत लोह पुरुष सरदार वल्लभ भाई पटेल यांना विनम्र श्रध्दांजली.'' राष्ट्रीय एकता दिनानिमित्त पतप्रधानांनी गुजरातमधील केवडिया येथे आयोजित एकता दिवस समारंभात भाग घेतला.

राष्ट्रीय एकता और अखंडता के अग्रदूत लौह पुरुष सरदार वल्लभभाई पटेल को उनकी जन्म-जयंती पर विनम्र श्रद्धांजलि।

Tributes to the great Sardar Patel on his Jayanti. — Narendra Modi (@narendramodi) October 31, 2020

सरदार पटेल यांच्या जयंती निमित्त केंद्रीय गृहमंत्री अमित शाह यांनीही श्रध्दांजली वाहिली. त्यांच्या संदेशात त्यांनी म्हटले आहे की, "राष्ट्रीय एकतेचे प्रतिक आणि प्रत्येकाच्या हृदयात आपल्या कार्याने स्थान निर्माण करणाऱ्या सरदार पटेल यांना नमन. स्वातंत्र्यानंतर देशातील अनेक संस्थांने विखुरलेल्या स्वरुपात होती. त्यांचे एकीकरण करुन आजच्या मजबुत भारताचा पाया त्यांनी रचला. त्यांचे दृढ नेतृत्व, राष्ट्रासाठी समर्पण आणि विराट योगदानाचे देश कायम स्मरण ठेवेल."

राष्ट्रीय एकता और अखंडता के अग्रदूत लौह पुरुष सरदार वल्लभभाई पटेल को उनकी जन्म-जयंती पर विनम्र श्रद्धांजलि।

Tributes to the great Sardar Patel on his Jayanti. — Narendra Modi (@narendramodi) October 31, 2020

गृहमंत्री अमित शाह यांनी असेही म्हटले आहे की, "संविधान आणि सनातन यांच्यात समतोल ठेवणारे अद्वितीय प्रतिक सरदार पटेल यांनी देशाच्या एकीकरणापासून सोमनाथ मंदिराचे पुनर्निर्माण करण्यापर्यंत आपल्या जीवनाचा प्रत्येक क्षण हा देशात एकता निर्माण करण्यात अर्पण केला. अशा महान राष्ट्रभक्त लोहपुरुषाला राष्ट्राकडून वंदन.''

संविधान एवं सनातन के संतुलन के अद्वितीय प्रतीक सरदार पटेल ने देश के एकीकरण से लेकर सोमनाथ मंदिर के पुनर्निर्माण तक अपने जीवन का क्षण-क्षण भारत में एक राष्ट्र का भाव जागृत करने के लिए अर्पित किया। कृतज्ञ राष्ट्र की ओर से ऐसे महान राष्ट्रभक्त लौह पुरुष सरदार पटेल के चरणों में वंदन।

— Amit Shah (@AmitShah) October 31, 2020

संरक्षण मंत्री राजनाथ सिंह यांनीही सरदार पटेल यांना श्रध्दांजली वाहिली. त्यांच्या संदेशात म्हटले आहे की, "देशाचे प्रथम गृहमंत्री आणि देशाला एकतेच्या सूत्रात बांधणाऱ्या सरदार वल्लभ भाई पटेल यांना जयंती निमित्त नमन. आजच्या दिवशी आपल्याला पुन्हा हा संकल्प करावा लागेल की राष्ट्राची एकता, अखंडता आणि सुरक्षा टिकवण्यासाठी स्वत:ला सदैव समर्पित करणे आवश्यक आहे."

भारत के प्रथम गृहमंत्री एवं देश को एकता के सूत्र में पिरोने वाले सरदार वल्लभभाई पटेल को उनकी जयंती के अवसर पर स्मरण एवं नमन करता हूँ।

आज के दिन हम सभी को यह संकल्प पुनः दुहराने की ज़रूरत है कि राष्ट्र की एकता, अखंडता और सुरक्षा को बनाए रखने के लिए स्वयं को सदैव समर्पित करेंगे। — Rajnath Singh (@rajnathsingh) October 31, 2020