PM Modi's Security Breach: पंतप्रधानांच्या सुरक्षेमध्ये हलगर्जीपणा, 150 अज्ञात लोकांविरुध्द गुन्हा दाखल

PM Modi Security Breach: पंतप्रधान नरेंद्र मोदी यांच्या पंजाब दौऱ्यादरम्यान सुरक्षेतील त्रुटी प्रकरणी 150 अज्ञात व्यक्तींविरुद्ध गुन्हा दाखल करण्यात आला आहे.

Punjab Police

 नवी दिल्ली : पंतप्रधानांच्या पंजाब दौऱ्यादरम्यान सुरक्षेत त्रुटी आढळून आल्यानं देशभर खळबळ उडाली आहे. आता पोलिसांनी IPC कलमानुसार 150 अज्ञात लोकांविरुद्ध गुन्हा दाखल केला आहे. कुलगढी पोलिस स्थानकात गुन्हा दाखल करण्यात आला आहे.

राज्य सरकारने  केंद्र सरकारला पाठवलेल्या एका रिपोर्टनुसार, या प्रकरणी फिरोजपूर पोलिस स्थानकात गुन्हा दाखल करण्यात आला आहे. पंजाब सरकारने मोदींच्या सुरक्षेत कोणतीही चूक नसल्याचे म्हणाले आहे. या प्रकरणाची तपासासाठी बुधवारी दोन सदस्यांची समिती स्थापन करण्यात आली आहे.

दरम्यान आज (शुक्रवारी) एक समिती फिरोजपूर येथे पोहचली आणि तेथील वरिष्ठ अधिकाऱ्यांशी चर्चा केली. तर राज्य सरकारने केंद्राला एक रिपोर्ट दिली आहे, यामध्ये या प्रकरणी गुन्हा दाखल केल्याची माहिती दिली आहे. आज केंद्राच्या एका टीमने फिरजपूर येथील प्याराना फ्लायओव्हरचा दौरा केला. या दौऱ्यादरम्यान वरिष्ठ अधिकाऱ्यांशी चर्चा केली. सूत्रांनी दिलेल्या माहितीनुसाक केंद्रीय गृहमंत्रालयाद्वारे गठित केलेल्या तीन सदस्यांच्या समितीने पंतप्रधानांच्या पाच जानेवारीच्या संपूर्ण दौऱ्याची माहिती मागितली आहे.

या समितीचे नेतृत्त्व सचिव, कॅबिनेच सचिवालयाचे सुधीर कुमार सक्सेना करत आहे आणि दोन सदस्यांच्या समितीत गुप्तचर  ब्युरोचे जॉईंट डायरेक्टर बलबीर सिंह आणि एसपीजीचे आयजी एस. सुरेश यांचा समावेश आहे.

उड्डाणपूलावर मोदींना 20 मिनिटं करावी लागली  प्रतीक्षा

कृषी कायदा रद्द केल्यानंतर पंतप्रधान नरेंद्र मोदींचा काल (बुधवारी)पंजाबमध्ये पहिलाच दौरा होता. पंतप्रधान मोदी पंजाबमधील जनतेला संबोधित करणार होते. या दरम्यान मोदींच्या सुरक्षेत गंभीर चूक झाल्याची घटना घडली. जिथे मोदींचा फिरोजपूर येथे दौरा होता तिथे काही आंदोलकांनी नाकेबंदी केली. त्यामुळे मोदींना एका उड्डाणपूलावर 20 मिनिटं प्रतिक्षा करावी लागली त्यानंतर मोदी दिल्लीला परतले. घडलेल्या घटनेनंतर मोदींना कोणत्याच कार्यक्रमात सहभागी होता आले नाही.   

इतर महत्त्वाच्या बातम्या: