Petrol Price Today : क्रूड ऑइलच्या दरात वाढ, पण पेट्रोल-डिझेलचे दर स्थिर; आजचे नवे दर काय?
Petrol Diesel Rate Today 24 December 2021 : देशात सलग 50व्या दिवशी पेट्रोल-डिझेलचे दर स्थिर आहेत. जाणून घ्या तुमच्या शहरातील दर काय?
Petrol Diesel Rate Today 24 December 2021 : भारतीय तेल कंपन्यांनी पेट्रोल (Petrol)-डिझेलचे (Diesel) नवे दर जारी केले आहेत. देशात आज सलग 50व्या दिवशी पेट्रोल-डिझेलच्या किमतींमध्ये कोणताही बदल करण्यात आलेला नाही. देशातील सर्वच शहरांतील पेट्रोल-डिझेलचे दर स्थिर आहेत. दरम्यान, आतंरराष्ट्रीय कच्च्या तेलाच्या (Crude Oil) किमतींमध्ये सातत्यानं वाढ होत आहे. यामुळे येत्या काळात पेट्रोल-डिझेलच्या किमती (Fuel Price) पुन्हा कडाडण्याची शक्यता वर्तवण्यात येत आहेत.
भारतीय तेल कंपन्यांनी 04 डिसेंबरपासून पेट्रोल-डिझेलच्या किमतींमध्ये कोणताही बदल केलेला नाही. इंधन दरवाढ कायम असल्यामुळे सर्वसामान्यांच्या खिशाला काहीसा दिलासा मिळणार आहे. गेल्या महिन्याभरात तेल कंपन्यांनी पेट्रोल-डिझेलच्या (Petrol-Diesel Price) किमतींमध्ये कोणताही बदल केलेला नाही. केंद्र सरकारनं दिवाळीपूर्वी पेट्रोल-डिझेलच्या उत्पादन शुल्कात कपात केली होती. त्यामुळे देशभरातील पेट्रोल-डिझेलच्या दरांमध्ये घट झाल्याचं पाहायला मिळालं होतं. नंतर अनेक राज्यांनी पेट्रोल-डिझेलवरील व्हॅट कमी करत सर्वसामान्यांना दिलासा दिला होता.
देशातील प्रमुख शहरांतील दर :
| देशातील प्रमुख शहरं | पेट्रोलची किंमत प्रति लिटर | डिझेलची किंमत प्रति लिटर |
| मुंबई | 109.98 | 94.14 |
| दिल्ली | 95.41 | 86.67 |
| चेन्नई | 101.40 | 91.43 |
| कोलकाता | 104.67 | 89.79 |
| पाटणा | 105.92 | 91.09 |
IOCL च्या अधिकृत वेबसाईटवरुन देण्यात आलेल्या माहितीनुसार, आजही देशातील सर्वात मोठ्या महानगरांतील पेट्रोल-डिझेलचे दर स्थिर आहेत. आज देशाची आर्थिक राजधानी असलेल्या मुंबई शहरांत (Petrol-Diesel Price In Mumbai) पेट्रोलची किंमत 109.98 रुपये प्रति लिटर आहे. तर डिझेलची किंमत 94.14 रुपये प्रति लिटर इतकी आहे. महाराष्ट्रातही पेट्रोल-डिझेलच्या किमतींनी सर्वोच्च पातळी गाठली आहे. राज्याची सांस्कृतिक राजधानी म्हणून ओळखल्या जाणाऱ्या पुण्यात (Petrol-Diesel Price In Pune) पेट्रोलची किंमत 109.45 रुपये प्रति लिटर आहे. तर डिझेलची किंमत 92.25 रुपये प्रति लिटर इतकी आहे.
महत्त्वाच्या बातम्या
