Petrol Diesel Rate : दिलासा की खिशाला कात्री? जाणून घ्या, एक लिटरसाठी किती द्यावे लागतील?

Petrol Diesel Rate Today 10th April : आज देशातील पेट्रोल-डिझेलचे दर स्थिर आहेत. आज भारतीय तेल कंपन्यांनी पेट्रोल-डिझेलच्या दरांत कोणताही बदल केलेला नाही.

Petrol Diesel Rate Today 10th April 2022

Petrol Diesel Rate Today 10th April : वाढत्या महागाईनं सर्वसामान्यांच्या खिशाला चाप बसला आहे. पेट्रोल-डिझेलचे दर (Petrol Diesel Price Today) गगनाला भिडले आहेत. पेट्रोल-डिझेलच्या वाढत्या किमतींमुळे सातत्यानं देशात महागाई वाढत आहे. सातत्यानं वाढणाऱ्या पेट्रोल (Petrol) - डिझेल (Diesel) च्या किमतींमुळे जीवनावश्यक वस्तूंच्या किमतींमध्येही वाढ झाली आहे. त्यासोबतच लोकांना एक लिटर पेट्रोलसाठी आपला खिसा रिकामा करावा लागत आहे. यामुळे सर्वसामान्यांचं बजेटही कोलमडलं आहे. दरम्यान, गेल्या 16 दिवसांत पेट्रोल-डिझेलच्या दरांत तब्बल 10 रुपयांची वाढ झाली आहे. आठवड्याच्या सुट्टीच्या दिवशी देशात पेट्रोल-डिझेलच्या दरांची परिस्थिती काय? 

देशातील महानगरांत दर काय? 

शहरं	पेट्रोलच्या किमती (प्रति लिटर)	डिझेलच्या किमती (प्रति लिटर)
मुंबई	120.51	104.77
दिल्ली	105.41	96.67
चेन्नई	110.85	100.94
कोलकाता	115.12	99.83
हैद्राबाद	119.49	105.49
कोलकाता	115.12	96.83
बंगळुरू	111.09	94.79

भारत 85 टक्के आयातीवर अवलंबून 

देशभरात पेट्रोल आणि डिझेलच्या किमती वाढल्या आहेत, परंतु स्थानिक करांनुसार, त्यांच्या किमती वेगवेगळ्या राज्यांमध्ये बदलतात. क्रिसिल रिसर्चनुसार, आंतरराष्ट्रीय तेलाच्या किमतीत झालेल्या वाढीवर पूर्णपणे मात करण्यासाठी प्रति लिटर 9-12 रुपयांची वाढ आवश्यक आहे. तेलाची गरज भागवण्यासाठी भारत 85 टक्के आयातीवर अवलंबून आहे.

दररोज बदलतात पेट्रोल-डिझेलच्या किमती 

आंतरराष्ट्रीय बाजारातील कच्च्या तेलाच्या किमतीच्या आधारे पेट्रोल आणि डिझेलची किंमत दररोज बदलली जाते. तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमतींची माहिती अपडेट करतात. 

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).