Petrol-Diesel Price : जुलै महिन्यात आतापर्यंत पेट्रोलच्या किमती 9 वेळा वाढ, जाणून घ्या, आजचे दर काय?

Petrol-Diesel Price, 27 July : सलग दहाव्या दिवशी पेट्रोल-डिझेलचे दर स्थिर. अशातच आंतरराष्ट्रीय बाजारात पेट्रोल-डिझेलच्या किमतींमध्ये घट होत आहे. त्यामुळे लवकरच इंधनाच्या किमतीही घटण्याची शक्यता आहे.

पेट्रोल-डिझेलचे दर (File Photo)

Petrol Diesel Prices : आंतरराष्ट्रीय बाजारात कच्च्या तेलांच्या किमतींमध्ये घट झाली आहे. अशातच पेट्रोल-डिझेलच्या दरांत काही दिवसांत घट पाहायला मिळू शकते अशा शक्यता वर्तवण्यात येत आहेत. आज सलग दहाव्या दिवशी देशात पेट्रोल-डिझेलच्या किमती स्थिर आहेत. इंधनाच्या किमतींमध्ये सर्वात शेवटी 17 जुलै रोजी वाढ झाल्याचं पाहायला मिळालं होतं. त्यानंतर सलग दहाव्या दिवशी पेट्रोल-डिझेलच्या किमतींमध्ये कोणताही बदल पाहायला मिळाला नाही. इंडियन ऑइलच्या वेबसाईटवर देण्यात आलेल्या अधिकृत माहितीनुसार, राजधानी दिल्लीमध्ये आज एक लिटर पेट्रोलचे दर 101.84 रुपये प्रति लिटर आणि डिझेलचे दर 89.87 रुपये प्रति लिटर आहे. 

जुलै महिन्यात आतापर्यंत पेट्रोलच्या किमती 9 वेळा आणि डिझेलच्या किमतींमध्ये 5 वेळा वाढ झाली आहे. तसेच जुलै महिन्यात एका दिवशी डिझेलच्या किमतीत काही प्रमाणात घट झाल्याचं पाहायला मिळालं होतं. यापूर्वी मे आणि जून महिन्यात इंधनाच्या किमतींमध्ये 16-16 वेळा वाढ झाली होती. 4 मेनंतर आतापर्यंत राजधानी दिल्लीमध्ये पेट्रोलचे दर 11.44 रुपये प्रति लिटर आणि डिझेलचे दर 09.14 रुपये प्रति लिटर महाग झालं आहे. 

देशातील कोणती राज्य आणि केंद्र शासित प्रदेशांमध्ये पेट्रोलनं शंभरी ओलांडली?

4 मेनंतर सलग झालेल्या पेट्रोल-डिझेल यांच्या किमतीतील वाढीमुळे 19 राज्य आणि केंद्र शासित प्रदेशांमध्ये पेट्रोलचे दर शंभरीपार पोहोचले आहेत. यापैकी राजस्थान, मध्यप्रदेश, महाराष्‍ट्र, आंध्र प्रदेश, तेलंगाणा, लदाख, कर्नाटक, जम्मू आणि काश्मिर, ओदिशा, तमिळनाडू, बिहार, केरळ, पंजाब, सिक्किम, पद्दुचेरी, दिल्ली, पश्चिम बंगाल, उत्तर प्रदेश आणि हरियाणा या नावांचाही समावेश आहे. 

देशातील प्रमुख शहरांतील पेट्रोल-डिझेलचे दर : 

शहरं	पेट्रोलची किंमत	डिझेलची किंमत
दिल्ली	101.84	89.87
मुंबई	107.83	97.45
चेन्नई	102.49	94.39
कोलकाता	102.08	93.02
बंगळुरु	105.25	95.26
भोपाळ	110.20	98.67
चंदीगड	97.93	89.50
रांची	96.68	94.84
लखनौ	104.25	95.57

लवकरच पेट्रोल-डिझेलच्या किमती कमी होणार? 

देशात इंधनदरवाढीच्या सत्राला ब्रेक लागून पेट्रोल-डिझेलच्या किमती कमी होण्याची शक्यता आहे. कारण तेल कंपन्यांनी जागतिक स्तरांवर तेलाच्या किमती कमी करण्यास सुरुवात केली आहे. बेंचमार्क ब्रेंट क्रूड ज्यामध्ये काही दिवसांपूर्वी वाढ 77 डॉलर प्रति बॅरल झालं होतं, या किमती मागच्या पंधरवड्यात 10 टक्क्यांहून कमी होत 68.85 डॉलर प्रति बॅरलवर पोहोचल्या आहेत. जर या किमती आणखी काही दिवसांसाठी 70 डॉलर प्रति बॅरलहून कमी राहिल्या, तर येणाऱ्या दिवसांत पेट्रोल आणि डिझेलच्या किमतींमध्ये घट होऊ शकते. 

पेट्रोलच्या दरांमध्ये मे महिन्यापासून 41 वेळा वाढ झाली 

पेट्रोलच्या दरांत चार मेनंतर 41 वेळा वाढ झाली. तर डिझेलच्या दरांमध्ये 37 वेळा वाढ झाली, तर एकदा दरांमध्ये घट करण्यात आली. सलग तेलांच्या किमतींमध्ये होणाऱ्या वाढीमुळे मध्यप्रदेश, राजस्थान, महाराष्ट्र, आंध्रप्रदेश, तेलंगाणा, कर्नाटक, ओदिशा, तामिळनाडू, केरळ, बिहार आणि पंजाब यांच्यासह 15 राज्यांमध्ये पेट्रोलच्या किमती शंभरी पार पोहोचल्या आहेत. उत्तर प्रदेश आणि हरियाणातील काही जिल्ह्यांमध्ये पेट्रोल 100 रुपये प्रति लिटरनं महाग झालं आहे. डिझेल राजस्थान, ओदिशा आणि मध्यप्रदेशातील काही शहरांमध्ये 100 रुपये प्रति लिटरवर पोहोचलं आहे. 

देशात 15 जून 2017 पासून इंधनाचे दर रोज बदलण्यास सुरुवात झाली. पेट्रोल आणि डिझेलच्या किंमती आता भारतातील तेल कंपन्या ठरवतात. आंतरराष्ट्रीय स्तरावर प्रत्येक क्षणाला तेलाच्या किंमती बदलत असतात. त्यामुळे देशात आता पेट्रोल आणि डिझेलच्या किंमती दर दिवशी सकाळी सहा वाजता बदलतात.

पेट्रोल आणि डिझेलचे दर कुठे आणि कसे पाहाल?

इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.

पेट्रोल आणि डिझेलच्या किंमती एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).