Petrol Diesel Price : वाढता वाढता वाढे... पेट्रोल-डिझेलची दरवाढ थांबेनाच; 10 दिवसांत नवव्यांदा वाढ, डिझेलही शंभरीपार
Petrol Diesel Price Today 31th March : पेट्रोल-डिझेलच्या दरांत वाढ झाली असून गुरुवारी पेट्रोलियम कंपन्यांनी इंधनाचे नवे दर जारी केले आहेत.
Petrol Diesel Price Today 31th March : देशात सध्या पेट्रोल आणि डिझेलचे दरवाढीचं सत्र सरु आहे. आजही देशात पेट्रोल-डिझेलमध्ये प्रत्येकी 80-80 पैशांची वाढ झाली आहे. गुरुवारी पेट्रोलियम कंपन्यांनी इंधनाचे नवे दर जारी केले आहेत. आजच्या दरवाढीनुसार, देशाची आर्थिक राजधानी मुंबईत पेट्रोलच्या दरांत प्रति लिटर 85 पैशांची तर डिझेलच्या दरांत 85 पैशांची वाढ झाली आहे. तर दरवाढीनंतर देशाच्या राजधानीत पेट्रोल 116.67 रुपये आणि डिझेल 100.89 रुपयांवर पोहोचलं आहे. मुंबईसह अनेक शहरांमध्ये डिझेलनंही शंभरी ओलांडली आहे.
गेल्या 10 दिवसांत देशाच्या राजधानीचं शहर असलेल्या दिल्लीमध्ये पेट्रोल 6.40 रुपयांनी महागलं आहे. तर डिझेल 6 रुपये 40 पैशांपर्यंत महागलं आहे. सध्या दिल्लीत एक लिटर पेट्रोलसाठी 101.81 रुपये आणि डिझेलसाठी 93.07 रुपये खर्च करावे लागत आहेत. यापूर्वी 21 मार्च रोजी राजधानीमध्ये पेट्रोलचे दर 95.41 आणि डिझेलचे दर 86.67 रुपयांवर होते.
आता 22 मार्च 2022 पासून पेट्रोल आणि डिझेलच्या किमती वाढत आहेत. 22 मार्च ते 23 मार्चपर्यंत पेट्रोल आणि डिझेल प्रतिदिन 80 ते 80 पैशांनी महागलं होतं. 24 मार्चला त्यात कोणताही बदल झाला नाही, मात्र 25 मार्चपासून पुन्हा एकदा पेट्रोल-डिझेल 26 पर्यंत 80-80 पैशांनी वाढलं. यानंतर 27 मार्च रोजी पेट्रोल 50 पैसे तर डिझेल 55 पैसे महागलं. 28 मार्च रोजी पेट्रोल 30 पैशांनी तर डिझेल 35 पैशांनी वाढलं. 29 मार्च रोजी पेट्रोल 80 पैशांनी आणि डिझेल 70 पैशांनी वाढलं, 30 मार्चला पुन्हा एकदा पेट्रोल आणि डिझेलच्या दरात 80-80 पैशांनी वाढ झाली आणि आजही दिलासा नाही, पेट्रोल आणि डिझेलचे दर 80 पैशांनी वाढले.
देशातील महानगरांतील दर जाणून घ्या
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 116.72 | 100.94 |
| दिल्ली | 101.81 | 93.07 |
| चेन्नई | 107.45 | 97.52 |
| कोलकाता | 111.35 | 96.22 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
