Petrol Diesel Price : कच्च्या तेलाच्या दरांत सातत्यानं चढ-उतार; पेट्रोल-डिझेलचे आजचे नवे दर काय?
Petrol Diesel Price Today : देशांतर्गत बाजारात पेट्रोल-डिझेलचे दर जैसे थेच. मात्र कच्च्या तेलाच्या दरांत सातत्यानं चढ-उतार, आजचे लेटेस्ट दर काय?
Petrol Diesel Price Today 21 November 2022: आंतरराष्ट्रीय बाजारात कच्च्या तेलाच्या किमतींत सातत्यानं चढ-उतार होत असल्याचं पाहायला मिळत आहे. असं असलं तरीही भारतीय बाजारपेठेत तेलाच्या किमतीत फारसा बदल झालेला नाही. गेल्या काही दिवसांत कच्च्या तेलाची किंमत प्रति बॅरल 100 डॉलरपर्यंत वाढली होती. मात्र कच्च्या तेलाच्या किमतींत पुन्हा घसरण पाहायला मिळत आहे. मात्र, देशांतर्गत बाजारपेठेतील इंधनाच्या दरांवर याचा कोणताही परिणाम दिसून येत नाही.
देशांतर्गत बाजारात पेट्रोलच्या दरांत कोणताही मोठा बदल झालेला नाही. पेट्रोल आणि डिझेलच्या दरांत यापूर्वी 22 मे रोजी देशातील चार महानगरांमध्ये झाला होता. जवळपास सहा महिन्यांपासून पेट्रोल आणि डिझेलचे दर स्थिर राहण्याची ही पहिलीच वेळ आहे. विशेष म्हणजे, 22 मे 2022 रोजी सरकारनं उत्पादन शुल्क कमी केलं होतं, त्यानंतर देशभरात पेट्रोल आणि डिझेल स्वस्त झालं होतं.
यानंतर अनेक राज्य सरकारांनी पेट्रोल आणि डिझेलवरील व्हॅटही कमी केला. महाराष्ट्रात तेलावरील व्हॅटमध्ये कपात केल्यानं किमतीत घसरण झाली होती. तेल कंपन्या रोज सकाळी 6 वाजता पेट्रोल आणि डिझेलच्या किमतींचा आढावा घेतात आणि त्यानंतर कंपन्यांकडून नवीन दर जारी केले जातात. सरकारी तेल कंपनी IOCL नं आजचे नवीन दर जारी केले आहेत.
देशांतील मोठ्या शहरांतील पेट्रोल-डिझेलचे दर?
आज दिल्लीत एक लिटर पेट्रोल 96.72 रुपये प्रति लीटर तर डिझेल 89.62 रुपये प्रति लिटरनं विकलं जात आहे. मुंबईत पेट्रोलचा दर 106.31 रुपये आणि डिझेलचा दर 94.27 रुपये प्रतिलिटर आहे. त्यापाठोपाठ कोलकात्यात पेट्रोलचा दर 106.03 रुपये तर डिझेलचा दर 92.76 रुपये प्रति लिटर आहे. तर चेन्नईमध्येही पेट्रोल 102.63 रुपये प्रति लिटर आणि डिझेल 94.24 रुपये प्रति लिटर आहे.
भारत पेट्रोलियम कॉर्पोरेशन लिमिटेड (BPCL), इंडियन ऑइल कॉर्पोरेशन लिमिटेड (IOCL) आणि हिंदुस्तान पेट्रोलियम कॉर्पोरेशन लिमिटेड (HPCL) यांच्यासह सार्वजनिक क्षेत्रातील OMC आंतरराष्ट्रीय बेंचमार्क किमती आणि परकीय चलन दरांच्या अनुषंगानं दररोज पेट्रोल-डिझेलच्या किमती बदलतात. त्यानुसार, पेट्रोल आणि डिझेलच्या दरांत करण्यात आलेला कोणताही बदल दररोज सकाळी 6 वाजल्यापासून लागू होतो. दरम्यान, किरकोळ पेट्रोल आणि डिझेलच्या किमती VAT किंवा मालवाहतुकीच्‍या शुल्क यांसारख्या स्‍थानिक करांमुळे राज्‍यानुसार बदलतात.
तुमच्या शहरांतील पेट्रोल-डिझेलच्या किमती जाणून घ्या, एका क्लिकवर
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
