Petrol Diesel Price : कुठे महाग, कुठे स्वस्त? झटपट चेक करा तुमच्या शहरांतील पेट्रोल-डिझेलचे दर
Petrol Diesel Price : आज आंतरराष्ट्रीय बाजारात कच्च्या तेलाच्या किमती स्थिर. जाणून घ्या देशीतील परिस्थिती...
Petrol Diesel Price in 16 October 2022 : जागतिक बाजारात कच्च्या तेलाच्या किमतींमध्ये (Crude Oil Price) आज कोणताही बदल झालेला नाही. यापूर्वी शनिवारी कच्च्या तेलाच्या किमतीत घसरण झाली होती. ब्रेंट क्रूड 91.63 डॉलर प्रति बॅरल आणि डब्ल्यूटीआय 85.61 डॉलर प्रति बॅरल दरानं विकलं जात आहे. अशात भारतीय तेल कंपन्यांनी देशात पेट्रोल आणि डिझेलचे नवे दर जाहीर केले आहेत. आजही देशातील पेट्रोल-डिझेलच्या दरांमध्ये (Petrol Diesel Price) कोणताही बदल झालेला नाही.
आजचे कच्च्या तेलाचे दर
जागतिक बाजारात आज कच्च्या तेलाचे दर स्थिर आहेत. आंतरराष्ट्रीय बाजारात कच्च्या तेलाच्या किमतींत मोठी घसरण झाली आहे. जागतिक तेल बेंचमार्क ब्रेंट क्रूडच्या किंमतीत घसरण झाल्यानंतर, ते प्रति बॅरल 91.63 डॉलरवर कायम आहे. तसेच, डब्ल्यूटीआय क्रूडच्या घसरणीनंतर, ते प्रति बॅरल 85.61 डॉलर्सच्या किमतीवर कायम आहे. कच्च्या तेलाच्या किमती घसरल्यानं आगामी काळात लोकांना पेट्रोल आणि डिझेलच्या दरांत दिलासा मिळण्याची शक्यता वर्तवली जात आहे.
केंद्र सरकारनं यापूर्वी 21 मे रोजी पेट्रोल आणि डिझेलवरील उत्पादन शुल्क कमी केलं होतं. यानंतर देशभरात पेट्रोल 9.50 रुपयांनी तर डिझेल 7 रुपयांनी स्वस्त झालं आहे. तेव्हापासून देशातील मेघालय आणि महाराष्ट्र ही दोन राज्य वगळता इतर राज्यांमध्ये दर स्थिर आहेत.
राज्यात सत्तापालट झाल्यानंतर नवनिर्वाचित शिंदे-फडणवीस सरकारनं 14 जुलै रोजी पेट्रोल आणि डिझेलच्या दरांमध्ये अनुक्रमे 5 रुपये आणि 3 रुपयांची कपात केली होती. तेव्हापासून राज्यातही पेट्रोल डिझेलचे दर स्थिर आहेत.
देशातील महानगरांतील किमती काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 106.31 रुपये | 94.27 रुपये |
| दिल्ली | 96.72 रुपये | 89.62 रुपये |
| चेन्नई | 102.74 रुपये | 94.33 रुपये |
| कोलकाता | 106.03 रुपये |
92.76 रुपये |
राज्यातील प्रमुख शहरांत दर काय?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 प्रति लिटर
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
