![metaverse](https://cdn.abplive.com/imagebank/metaverse-top.png)
Petrol-Diesel Price Today : देशात पेट्रोल-डिझेलच्या किमतींचा उच्चांक, मुंबईत सर्वाधिक दर; इतर शहरांतील परिस्थिती काय?
Petrol and Diesel Rate Today Updates : सरकारी तेल कंपन्यांनी आज पेट्रोल-डिझेलच्या किमतींमध्ये कोणतीही वाढ केलेली नसून आज देशभरातील पेट्रोल-डिझेलच्या किमती स्थिर आहेत.
![Petrol-Diesel Price Today : देशात पेट्रोल-डिझेलच्या किमतींचा उच्चांक, मुंबईत सर्वाधिक दर; इतर शहरांतील परिस्थिती काय? petrol and diesel price in india stable today 29 september crude oil rate high record fuel price iocl updates Petrol-Diesel Price Today : देशात पेट्रोल-डिझेलच्या किमतींचा उच्चांक, मुंबईत सर्वाधिक दर; इतर शहरांतील परिस्थिती काय?](https://static.abplive.com/wp-content/uploads/sites/7/2017/10/05113522/4-petrol-diesel-prices-in-indias-neighbourhood.jpg?impolicy=abp_cdn&imwidth=1200&height=675)
Petrol and Diesel Rate Today Updates : आंतरराष्ट्रीय स्तरावर तेल्याच्या किमतींनी दररोज नवनवे उच्चांक गाठत आहेत. कच्चं तेल तीन वर्षांत पहिल्यांदाच 80 डॉलर प्रति बॅरलवर पोहोचलं आहे. याचा परिणाम भारतीय बाजारातही दिसून आला. सरकारी तेल कंपन्यांनी काल (मंगळवारी) म्हणजेच, 28 सप्टेंबर रोजी पेट्रोल (Petrol) च्या दरांत 20 पैसे प्रति लिटरनं आणि डिझेल (Diesel) च्या दरांत 25 पैसे प्रति लिटरची वाढ केली होती. त्यानंतर देशाची राजधानी दिल्लीमध्ये पेट्रोलची किंमत 101.19 रुपयांवरुन वाढून 101.39 रुपये प्रति लिटरवर पोहोचली. तर मुंबईत 107.47 रुपये प्रति लिटर इतकी झाली.
दरम्यान, भारतीय बाजारात आज (बुधवारी) पेट्रोल-डिझेलचे दर स्थिर आहेत. सरकारी तेल कंपन्यांनी 29 सप्टेंबर रोजी पेट्रोल (Petrol) आणि डिझेल (Diesel) च्या किमतींमध्ये कोणताही बदल केलेला नाही. राष्ट्रीय राजधानी दिल्लीमध्ये आज (बुधवारी) इंडियन ऑईल (IOC)च्या पंपावर पेट्रोल 101.39 रुपये प्रति लिटर आणि डिझेल 89.57 रुपये प्रति लिटरनं विकण्यात येत आहे.
देशातील महत्त्वाची शहरं | पेट्रोल रुपये/लिटर | डिझेल रुपये/लिटर |
दिल्ली | 101.39 | 89.57 |
मुंबई | 107.47 | 97.21 |
कोलकाता | 101.87 | 92.67 |
चेन्नई | 99.15 | 94.17 |
इंडियन ऑईलनं जारी केलेल्या तेलाच्या किमतींनुसार, देशातील चार महानगरांची तुलना केली तर इतर शहरांच्या तुलनेत मुंबईत पेट्रोल-डिझेल सर्वाधिक किमतीत विकलं जात आहे. दरम्यान, राज्यांमध्ये पेट्रोल आणि डिझेलच्या दरांवर केंद्र आणि राज्य सरकार यांनी आकारलेला कर आणि वाहतूक खर्च यांमुळे पेट्रोल-डिझेलच्या किमती वेगवेगळ्या असतात.
पेट्रोल-डिझेल GSTमध्ये घेण्यासाठी का तयार नाही केंद्र आणि राज्य सरकार?
केंद्र सरकारनं कर प्रणालीमध्ये सुधारणांची गरज असल्याचं कारण देत जीएसटी (GST) लागू केला होता. पण जीएसटीमध्ये पेट्रोल आणि डिझेलचा समावेश करण्यात आलेला नाही. तसेच देशातील बहुतांश राज्य सरकारचंही हेच मत आहे की, पेट्रोल-डिझेलचा जीएसटीच्या कक्षेत समावेश केला जाऊ नये. पण का? यामुळे काय फायदा होणार? यांसारखे अनेक प्रश्न आपल्या सर्वांच्या मनात निर्माण झाले आहेत. जाणून घेऊया यामागील कारणं...
पेट्रोल-डिझेलच्या किमती जीएसटीच्या कक्षेत आणण्याची केंद्र सरकारसोबत राज्य सरकारचीही इच्छा नाही. कारण सरकारला चिंता आहे ती, देशाच्या तिजोरीची. सामान्य माणसाला दिलासा देता-देतो, देशाच्याच तिजोरीत खडखडाट होण्याची भिती सरकारला वाटतेय. जर पेट्रोल-डिझेलचा समावेश जीएसटीच्या कक्षेत केला, तर पेट्रोल-डिझेलच्या किमती अर्ध्या होणार. आजच्या किमतीनुसार जर अंदाज लावला तर, पेट्रोल 56 रुपये प्रति लिटर आणि डिझेल 55 रुपये प्रति लिटर विकलं जाईल.
पेट्रोल आणि डिझेलचे दर कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)