Operation Sindoor: नवीकोरी राफेल विमानं बाहेर काढली, Hammer बॉम्ब अन् क्रुझ क्षेपणास्त्रं डागली, भारतीय वायूदलाने दहशतवाद्यांचे अड्डे बेचिराख करुन टाकले

Operation Sindoor: लष्कर आणि जैश-ए-मोहम्मदने प्रशिक्षण आणि रसद केंद्र म्हणून वापरल्या जाणाऱ्या मजबूत बंकर आणि बहुमजली इमारतींवर हल्ला करण्यासाठी हॅमर (HAMMER) बॉम्बचा वापर करण्यात आला.

Operation Sindoor

Source : ANI

Terror Camps In Pakistan:  भारताने पाकिस्तानवर आज (बुधवारी) 6-7 मे च्या रात्री एअरस्ट्राईक केला. या हवाई हल्ल्यांमध्ये, भारताने पाकिस्तान आणि पाक व्याप्त काश्मीर (पीओके) मध्ये कार्यरत असलेले नऊ दहशतवादी तळ उद्ध्वस्त केले. भारतीय लष्कराने केलेल्या या मोठ्या कारवाईला सर्व राजकीय पक्षांनी जोरदार पाठिंबा दिला आहे. पाकिस्तान आणि पीओकेमध्ये झालेला हवाई हल्ला भारतीय लष्कराच्या तिन्ही दलांनी संयुक्तपणे केला. 2019 मध्ये बालाकोट एअरस्ट्राईकनंतर भारताचा हा सर्वात मोठा हल्ला आहे. जम्मू आणि काश्मीरमधील पहलगाम येथे 22 एप्रिल रोजी झालेल्या दहशतवादी हल्ल्याला प्रत्युत्तर म्हणून भारताने ही कारवाई केली. पहलगाममध्ये दहशतवादी हल्ल्यात 26 जणांचा मृत्यू झाला होता.

भारताने पाकिस्तानमधील लष्कर, जैश-ए-मोहम्मद आणि हिजबुल मुजाहिदीनच्या दहशतवादी अड्ड्यांवर हल्ला करण्यासाठी हॅमर बॉम्बचा वापर केला. या हल्ल्यात भारताने हॅमर (HAMMER) व्यतिरिक्त, लोइटरिंग म्युनिशन, स्कॅल्प क्रूझ क्षेपणास्त्र आणि इतर शस्त्रे वापरली. लष्कर आणि जैश-ए-मोहम्मदने प्रशिक्षण आणि रसद केंद्र म्हणून वापरल्या जाणाऱ्या मजबूत बंकर आणि बहुमजली इमारतींवर हल्ला करण्यासाठी वापरलेला काय आहे हॅमर बॉम्ब? हे जाणून घेण्याची उत्सुकता सर्वांमध्ये आहे. हॅमर हा एक स्टँडऑफ दारूगोळा आहे, जो प्रक्षेपणाच्या उंचीनुसार 50-70 किलोमीटर अंतरावरील लक्ष्यांवर मारा करण्यास सक्षम आहे. हॅमर (हायली अ‍ॅजाइल मॉड्यूलर म्युनिशन एक्सटेंडेड रेंज) हा एक स्मार्ट बॉम्ब आहे, जो राफेल विमानातून डागण्यात आला. हा बॉम्ब कठीण प्रदेशात असलेल्या लक्ष्यांना अचूकतेने नष्ट करण्यास सक्षम आहे. हे बॉम्ब दहशतवाद्यांच्या अड्ड्यांवर टाकण्यात आले. याव्यतिरिक्त, हल्ल्यात वापरल्या जाणाऱ्या लपलेल्या दारूगोळ्यांना "कामिकाझे ड्रोन" असेही म्हणतात. ही ड्रोन प्रणाली टारगेट ओळखते आणि त्यांच्यावर निशाना लावते. 

या दहशतवादी अड्ड्यांना लक्ष्य करण्यात आलं

भारतीय लष्कराने म्हटले आहे की, ऑपरेशन सिंदूर दरम्यान नऊ ठिकाणी हल्ले करण्यात आले, त्यापैकी चार पाकिस्तानमध्ये आणि पाच पाकव्याप्त काश्मीरमध्ये (पीओके) होते. लष्कराने म्हटले आहे की पाकिस्तान आणि पीओकेमध्ये ज्या ठिकाणांना लक्ष्य केले गेले, त्यात समाविष्ट आहेत- मरकज सुभान अल्लाह- बहावलपूर, मरकज तैयबा- मुरीदके, सरजल/तेहरा कलान, मेहमूना झोया सुविधा- सियालकोट, मरकझ अहले हदीस बर्नाला- भिंबर, मरकझ अब्बास- कोटली, मस्कर राहिल शाहिद- कोटली, मुजफ्फर सैय्यदनालाबादमधील शवाई नाला कीम आणि मरकझ बवालाबाद.

ऑपरेशन सिंदूरमध्ये वापरलेली प्रमुख शस्त्रे

राफेल लढाऊ विमान
फ्रान्सकडून खरेदी केलेल्या राफेल विमानांचे हे पहिले प्रत्यक्ष ऑपरेशन होते. या विमानांच्या उच्च गती, लांब पल्ल्याच्या आणि प्रगत एव्हियोनिक्समुळे दहशतवादी लक्ष्यांवर अचूक हल्ला करणे शक्य झाले.

स्कॅल्प क्रूझ क्षेपणास्त्र
राफेल विमानातून डागण्यात येणारे स्कॅल्प क्षेपणास्त्र 250 किमी अंतरावरील लक्ष्यांवर अचूकपणे मारा करू शकते. पाकिस्तानमधील दहशतवादी तळांना लक्ष्य करण्यासाठी याचा वापर करण्यात आला.

हॅमर बॉम्ब
हॅमर (हायली अ‍ॅजाइल मॉड्यूलर म्युनिशन एक्सटेंडेड रेंज) हा एक स्मार्ट बॉम्ब आहे, जो राफेल विमानातून डागण्यात आला. हा बॉम्ब कठीण प्रदेशात असलेल्या लक्ष्यांना अचूकतेने नष्ट करण्यास सक्षम आहे. हे बॉम्ब दहशतवाद्यांच्या अड्ड्यांवर टाकण्यात आले.

लोइटरिंग म्युनिशन
भारतीय सैन्याने प्रथमच "लोइटरिंग म्युनिशन्स" चा वापर केला, हे ड्रोन लक्ष्यावर घिरट्या घालतात आणि योग्य वेळी हल्ला करतात, ज्यामुळे अचूकता वाढते.

स्टँड-ऑफ शस्त्रे
भारतीय हवाई दलाने स्टँड-ऑफ शस्त्रे वापरली, ज्यामुळे विमानांना शत्रूच्या हद्दीत प्रवेश न करता दूरवरून हल्ले करण्याची क्षमता मिळाली.