टास्क फोर्सचा मोठा दिलासा, Omicron BA.2 मुळे कोरोनाची पुढची लाट येणार नाही!
Omicron BA.2 Virus : ओमायक्रॉन व्हेरियंटने जगभरात हाहा:कार माजवला होता. ओमायक्रॉन व्हेरियंटमुळे जगभरात भीतीचे वातारण निर्माण झाले होते.
Omicron BA.2 Virus : ओमायक्रॉन व्हेरियंटने जगभरात हाहा:कार माजवला होता. ओमायक्रॉन व्हेरियंटमुळे जगभरात भीतीचे वातारण निर्माण झाले होते. कारण, इतर व्हेरियंटच्या तुलनेत ओमायक्रॉनचा संसर्गदर जास्त होता. ओमायक्रॉन व्हेरियंटमुळे अनेक देशात कोरोनाची पुन्हा एकदा लाट आली होती. ओमायक्रॉन व्हेरियंटच्या BA.1 आणि BA.2 या दोन व्हेरियंटबाबत जागतिक आरोग्य संघटनेकडून अनेकदा सावधानतेचना इशारा देण्यात आला आहे. पण भारताच्या कोविड टास्कफोर्सने ओमायक्रॉनच्या BA.2 या व्हेरियंटमुळे कोरोनाची लाट येण्याची शक्यता नसल्याचे सांगितले आहे. कोविड टास्क फोर्सच्या या वक्तव्यानंतर एकप्रकारे सर्वसामान्यांना दिलासा मिळाला आहे.
कोरोनाच्या Omicron BA.2 व्हेरियंटने जगाची चिंता वाढवली आहे. त्यामध्ये नॅशनल आयएमए कोविड टास्क फोर्सचे (covid task force) डॉ. राजीव जयदेवन (Dr. Rajeev Jayadevan) यांनी महत्वाचे वक्तव्य केले आहे. ओमायक्रॉन BA.2 व्हेरियंट इतर व्हेरियंटच्या तुलनेत वेगाने पसरतोय. पण हा व्हेरियंट ओमायक्रॉनच्या लाटेत कोरोनाबाधित झालेल्यांना बाधित करण्यात अपयशी ठरत आहे. काही तज्ज्ञ Omicron BA.2 व्हेरियंटला डेल्टापेक्षाही धोकादायक सांगत असताना, जयदेवन यांनी महत्वाचे वक्तव्य केले आहे.
डॉ. राजीव जयदेवन म्हणाले की, ‘ओमायक्रॉन बीए.2 हा नवीन व्हायरस किंवा व्हेरियंट नाही. बीए.1 या व्हेरियंटचा हा उपप्रकार आहे. बीए.2 पेक्षा याचा संसर्गदर जास्त आहे. पण या व्हेरियंटमुळे कोरोनाची लाट येण्याची शक्यता कमी आहे. आतापर्यंत ओमायक्रॉनमुळे बाधित झालेल्यांना बीए.2 याचा कोणताही धोका होणार नाही.’ डॉ. राजीव जयदेवन यांनी जापानमध्ये हॅमस्टर्सवर झालेल्या एका रिसर्चचा हवाला देत सांगितले की, Omicron BA.2 फुफुसांवर थेट हल्ला करतो. विमानतळावरील कोरोना तपासणीचा अहवालाचा हवाला देत ते म्हणाले की, अमेरिका, यूरोप आणि अफ्रिकेच्या तुलनेत आशियामध्ये ओमायक्रॉन बीए.2 अधिक वेगाने पसरला आहे. ओमायक्रॉनचा बीए.2 जवळपास 74 देशात पसरला आहे. प्रत्येक पाच कोरोना रुग्णांमध्ये बीए.2 चा एक रुग्ण आढळत आहे.
दरम्यान, याआधी अनेक संशोधक, तज्ज्ञांनी ओमायक्रॉन व्हेरियंटला धोकादायक म्हटले आहे. तसेच अमेरिकाचे महामारी विशेषज्ञ एरिक फेंग (Eric Fang) यांनी बीए.2 ला अतिशय चिंताजनक सांगितले. तसेच जागतिक आरोग्य संघटनेला यावरील संशोधन वाढवण्याची विनंती केली होती.
महत्त्वाच्या बातम्या
