Haryana Violence : 'या' प्राचीन मंदिरातून नूहमधील हिंसाचाराला सुरुवात; संपूर्ण प्रकरण जाणून घ्या

Haryana Violence : हरियाणातील नूह येथे दोन समुदायांमध्ये झालेल्या हिंसाचारामुळे परिसरात तणावाचे वातावरण निर्माण झाले आहे.

Haryana Nuh Violence

Haryana Nuh Violence : हरियाणाच्या नूह (Haryana Nuh Violence) जिल्ह्यात विश्व हिंदू परिषदेचा (विहिप) दौरा रोखण्याचा प्रयत्न केल्यानंतर झालेल्या हिंसाचार आणि गोंधळानंतर तणाव निर्माण झाला. मंगळवारी (01 ऑगस्ट) विहिंपच्या ब्रिज मंडळाची जलाभिषेक यात्रा काढण्यात आली, त्यावर दगडफेकीनंतर दोन समुदायांमध्ये हिंसाचार झाला. या घटनेत अनेकांचा मृत्यू झाला असून मोठी सुरक्षा व्यवस्था तैनात करण्यात आली आहे.

सोहना नंतर नूह हिंसाचाराची आग आता गुरुग्रामपर्यंत पोहोचली आहे. गुरुग्राममध्ये जमावाने इमामची हत्या केली. त्यानंतर 5 जणांना अटक करण्यात आली आहे. या हिंसाचारात आतापर्यंत 5 जणांचा मृत्यू झाला असून त्यात दोन होमगार्डचाही समावेश आहे. अरवली डोंगरात बांधलेल्या जुन्या मंदिराच्या उंबरठ्यापासून नूह हिंसाचार सुरू झाला.

या मंदिरापासून विहिपच्या मिरवणुकीला सुरुवात झाली असून अडीच ते तीन हजारांच्या संख्येने भाविक उपस्थित होते. ही यात्रा नूह मार्गे या मंदिरापासून सुमारे 45 किमी दूर असलेल्या गावात जाणार होती, परंतु मंदिरापासून मिरवणूक सुमारे एक ते दीड किलोमीटर पुढे गेल्यावर हिंसाचार सुरू झाला.

दोन समाजाचे लोक समोरासमोर

एका बाजूने मिरवणूक पुढे सरकत होती तर दुसऱ्या बाजूने इतर समाजाचे लोक समोरून येऊन दगडफेक करू लागले. या दरम्यान रस्त्यावर हल्ला आणि वाहनांची जाळपोळ सुरू झाली. हिंसाचारापासून वाचण्यासाठी अनेकांनी मंदिराच्या दिशेने धाव घेतली आणि गेटमधून आत प्रवेश केला. या दरम्यान दोन होमगार्डसह अनेकांना जीव गमवावा लागला.

या घटनेनंतर परिसरात तणावाचे वातावरण असून संचारबंदी लागू करण्यात आली असून इंटरनेटही बंद करण्यात आले आहे. सुरक्षेच्या दृष्टीने शाळाही बंद ठेवण्यात आल्या असून अनेक परीक्षाही रद्द करण्यात आल्या आहेत. हिंसाचाराच्या ठिकाणी अनेक वाहने जाळण्यात आल्याने तेथील रस्ते लाल आणि काळे आहेत यावरून परिस्थितीचा अंदाज लावता येतो.

हिंसाचार का झाला?

हरियाणा नूह हिंसाचारामागे मोनू मानेसर या मिरवणुकीत सहभागी झाल्याची बातमी सोशल मीडियावरून पसरली होती. मोनू मानेसर हा तोच व्यक्ती आहे ज्यावर काही महिन्यांपूर्वी राजस्थानमध्ये गोरक्षणाच्या नावाखाली दोन लोकांची हत्या केल्याचा आरोप आहे. अशा स्थितीत इतर समाजाच्या लोकांनी ही यात्रा रोखण्याचा प्रयत्न करत दगडफेक केली. आणि तिथूनच हा हिंसाचार सुरु झाला.

महत्त्वाच्या बातम्या :