Kailasa | भारतातून 'कैलासा'मध्ये येणाऱ्या प्रवाशांवर बंदी; कोरोनामुळे स्वामी नित्यानंदचा निर्णय

स्वत:च्या मालकीचा देश मानणाऱ्या 'कैलासा' वर कोरोनाच्या वाढत्या प्रादुर्भावामुळे भारतातून येणाऱ्या भक्तांनी येऊ नये असा आदेश कथित स्वामी नित्यानंद यांने दिला आहे. भारतात लैंगिक शोषणाचे आरोप असलेला नित्यानंद 2019 साली फरार होऊन इक्वेडोरच्या एका बेटावर गेला होता. 

Nithyananda

नवी दिल्ली : भारतात कोरोनाचा वाढता प्रादुर्भाव लक्षात घेता कथित स्वामी नित्यानंदने स्वत:च्या मालकीचा देश जाहीर केलेल्या 'कैलासा'वर भारतातून येणाऱ्या प्रवाशांवर बंदी घातली आहे. कोरोनाच्या वाढत्या रुग्णसंख्येमुळे भारत, ब्राझिल, मलेशिया आणि युरोपियन युनियनमधील प्रवाशांनी कैलासावर येऊ नये असं त्याने सांगितलं आहे.

कैलासाच्या अध्यक्षांनी घेतलेला हा निर्णय कैलासाच्या सेवेत असलेल्या जगातील सर्व राजदूतांसाठी असल्याचंही त्याने सांगितलं आहे. या संबंधी 19 एप्रिलला एक निवेदन प्रसिध्द करण्यात आलं आहे. त्यामध्ये सांगण्यात आलं आहे की कैलासातील सर्व स्वयंसेवक, कर्मचारी आणि संबंधित सर्वजण हे क्वॉरन्टाईन आहेत आणि सावधगीरीचा उपाय म्हणून त्यांना कैलासातील सर्व नियम पाळणे अत्यावश्यक आहे. 

 

KAILASA's #PresidentialMandate
Executive order directly from the #SPH for all the embassies of #KAILASA across the globe. #COVID19 #COVIDSecondWaveInIndia #CoronaSecondWave #Nithyananda #Kailaasa #ExecutiveOrder pic.twitter.com/I2D0ZvffnO

— KAILASA'S SPH JGM HDH Nithyananda Paramashivam (@SriNithyananda) April 20, 2021

भारतात लैंगिक शोषणाचा आरोप
भारतात लैंगिक शोषणाचा आरोप असलेला नित्यानंद हा 2019 साली देशातून फरार होऊन इक्वेडोरच्या एका बेटावर जाऊन लपला आहे. त्या बेटावर त्याने आपलं बस्तान मांडलं असून कैलासा या नव्या देशाला मान्यता मिळावी म्हणून संयुक्त राष्ट्राकडे अनेक वेळा मागणी केली आहे. ऑगस्ट 2020 मध्ये नित्यानंदने आपल्या स्वत:च्या मालकीच्या रिझर्व्ह बँक ऑफ कैलासा ची स्थापना केली आणि कैलाशियन डॉलर चलनाचीही घोषणा केली. 

नित्यानंद हा 'कैलासा' ला एक स्वतंत्र्य देश मानतो आणि आपण त्याचे सर्वेसर्वा असल्याचा दावा करतो. या देशाच्या माध्यमातून आपण हिंदू धर्माचा प्रसार करत असल्याचा दावाही तो करतो. 

महत्वाच्या बातम्या :