National Herald Case : ED चे काँग्रेस अध्यक्षा सोनिया गांधी यांना पुन्हा समन्स, 23 जूनला हजर राहण्याचे आदेश

National Herald Case : सोनिया गांधी यांना कोरोनाची लागण झाली आहे. या कारणास्तव त्यांनी ईडीकडे वेळ मागितला होता.

soniya_gandhi_rahul_gandhi

National Herald Case : 'नॅशनल हेराल्ड'शी संबंधित कथित मनी लाँड्रिंग प्रकरणी संचालनालयाने (ED) काँग्रेस अध्यक्षा सोनिया गांधी (Soniya Gandhi) यांना नव्याने समन्स बजावले आहे. त्याला 23 जून रोजी ED समोर हजर राहण्यास सांगण्यात आले आहे. सोनिया गांधी यांना कोरोनाची लागण झाली आहे. या कारणास्तव त्यांनी ईडीकडे वेळ मागितला होता.

राहुल गांधींना 13 जून रोजी हजर राहण्याचे आदेश

काँग्रेसचे माजी अध्यक्ष राहुल गांधी (Rahul Gandhi) यांना कथित मनी लाँड्रिंग प्रकरणी 13 जून रोजी ईडीने चौकशीसाठी समन्स बजावले आहे. ईडीने यापूर्वी राहुल गांधींना 2 जून रोजी हजर राहण्यास सांगितले होते, परंतु त्यांनी देशाबाहेर असल्याचे सांगत हजर राहण्यासाठी आणखी काही दिवसांची मुदत मागितली होती. हा खटला कॉंग्रेस पक्षाशी संबंधित 'यंग इंडियन'मधील कथित आर्थिक अनियमिततेच्या चौकशीशी संबंधित आहे. नॅशनल हेराल्ड असोसिएटेड जर्नल्स लिमिटेड (AJL) द्वारे प्रकाशित केले जाते. याचा मालकी हक्क यंग इंडियन प्रायव्हेट लिमिटेडकडे आहे. ईडीच्या अधिकाऱ्यांनी सांगितले की, एजन्सीला मनी लाँडरिंग प्रतिबंधक कायद्याच्या (पीएमएलए) फौजदारी कलमांतर्गत सोनिया गांधी आणि राहुल गांधी यांचे जबाब नोंदवायचे आहेत.

सुडबुद्धीने हे कृत्य, काँग्रेसचा आरोप

सुडबुद्धीने हे कृत्य केल्याचा आरोप काँग्रेसने केला आहे. पक्षाचे मुख्य प्रवक्ते रणदीप सुरजेवाला यांनी नुकतेच म्हटले होते की, काँग्रेस आणि त्यांचे नेतृत्व घाबरून झुकणार नाही. राहुल गांधी यांच्या समर्थनासाठी काँग्रेस देशभरातील ईडी कार्यालयाबाहेर आंदोलन करणार आहे. यासोबतच पक्षाचे खासदार आणि काँग्रेस वर्किंग कमिटी (CWC) चे सदस्य दिल्लीतील तपास यंत्रणेच्या मुख्यालयावर मोर्चा काढणार आहेत. वरिष्ठ नेत्यांना 13 जून रोजी दिल्लीत उपस्थित राहण्यास सांगण्यात आले आहे.

महत्वाच्या इतर बातम्या