Covid 19 : दिलासादायक! कोरोनाबाधितांचा आलेख घसरला, गेल्या 13 हजार 734 नवीन रुग्णांची नोंद, सक्रिय रुग्णही घटले
Coronavirus Cases Today : देशात 13 हजार 734 नवीन कोरोनाबाधित आढळले असून 34 रुग्णांचा मृत्यू झाला आहे
Coronavirus Cases Today in India : कोरोनाच्या वाढत्या संसर्गामध्ये मोठी दिलासादायक बातमी आहे. देशात कोरोनाबाधितांच्या संख्येत मोठी घट झाली आहे. सलग चौथ्या दिवशी कोरोना रुग्णांच्या संख्येत घट झाली आहे. इतकच नाही तर नवीन रुग्णांपेक्षा कोरोनातून बरे झालेल्या रुग्णांची संख्या जास्त आहे. देशात सोमवारी दिवस 13 हजार 734 नवीन कोरोनाबाधित आढळले असून गेल्या 24 तासांत 34 रुग्णांचा मृत्यू झाला आहे. रविवारी दिवसभरात देशात 13 हजार 734 नवीन कोरोनाबाधित आढळले असून तर 39 रुग्णांचा मृत्यू झाला आहे. त्यामुळे कोरोनाचा घटता आलेख ही एक दिलासादायक बाब आहे.
सक्रिय रुग्णांची संख्या घटली
देशात गेल्या 24 तासांत 17 हजार 897 रुग्ण कोरोनातून बरे झाले आहेत. भारतात आतापर्यंत एकूण 4 कोटी 33 लाख 83 हजार 787 रुग्ण कोरोनामुक्त झाले आहेत. सध्या भारतात 1 लाख 39 हजार 792 सक्रिय कोरोना रुग्ण आहेत. सक्रिय रुग्णांचे प्रमाण 0.32 टक्के असून रुग्ण बरे होण्याचे प्रमाण 98.49 टक्के आहे.
महाराष्ट्रात कोरोना रुग्णांमध्ये 55 टक्क्यांनी घट
राज्यात सोमवारी 830 कोरोनाच्या नव्या रुग्णांची भर पडली आहे. तर गेल्या 24 तासांत एकूण 1024 रुग्ण कोरोनामुक्त होऊन घरी परतले आहेत. सोमवारी नोंद झालेल्या रुग्णांपैकी सर्वाधिक रुग्ण हे मुंबई जिल्ह्यातील आहे. राज्यात सोमवारी एका कोरोनाबाधित रुग्णाच्या मृत्यूची नोंद झाली आहे. महाराष्ट्रात कोरोना रुग्णांमध्ये 55 टक्क्यांनी घट झाली आहे. राज्यातील मृत्यूदर हा 1.84 टक्के इतका झाला. तर आतापर्यंत राज्यामध्ये 78 लाख 87 हजार 372 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98 टक्के इतकं झालं आहे.
#AmritMahotsav#Unite2FightCorona#LargestVaccineDrive
— Ministry of Health (@MoHFW_INDIA) August 2, 2022
𝗖𝗢𝗩𝗜𝗗 𝗙𝗟𝗔𝗦𝗛https://t.co/4DELz5KFc9 pic.twitter.com/yVvyFXmnTF
मुंबईत सोमवारी 164 रुग्णांची नोंद, 176 कोरोनामुक्त
मुंबईत सोमवारी 164 कोरोना रुग्णांची नोंद झाली आहे. मुंबई महानगरपालिकेने दिलेल्या आकडेवारीनुसार, मुंबईत सोमवारी 176 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 11,03,437 वर पोहोचली आहे. त्यामुळे मुंबईचा रिकव्हरी रेट 98 टक्के इतका झाला आहे. तर मागील 24 तासांत कोरोनामुळे मृत्यूचं प्रमाण शून्य आहे.
महत्त्वाच्या बातम्या
