Income Tax Return : शेवटची तारीख जवळ आल्याने ITR भरायला वेग, एकाच दिवसात नऊ लाख लोकांनी भरला रिटर्न
Income Tax Return (ITR): गेल्या सात दिवसात 46.77 लाख लोकांनी आयकर रिटर्न भरला आहे. तर आतापर्यंत 4 कोटीहून जास्त लोकांनी आयकर रिटर्न भरला आहे.
मुंबई : आयकर रिटर्न भरायची शेवटची तारीख जशी जवळ येऊ लागली आहे तशी रिटर्न भरणाऱ्यांची संख्या वाढू लागल्याचं दिसून येत आहे. आयकर विभागाने दिलेल्या माहितीनुसार, 21 डिसेंबरपर्यंत तब्बल 4 कोटीहून जास्त लोकांनी आयकर रिटर्न भरला आहे तर मंगळवारी एकाच दिवसात 8.7 कोटी नागरिकांनी आयकर रिटर्न भरला आहे.
आयकर विभागाने दिलेल्या माहितीनुसार, गेल्या सात दिवसात एकूण 46.77 लाख लोकांनी आयकर रिटर्न भरला आहे. या वर्षीचा आयकर रिटर्न फाईल करण्यासाठी 31 डिसेंबर ही शेवटची तारीख असून त्या आधी सर्वांनी आयकर रिटर्न फाईल करण्याचं आवाहन आयकर विभागाकडून करण्यात आलं आहे. त्यानंतर आयकर रिटर्न भरणाऱ्यांना दंड लागू शकतो.
Over 4 crore Income Tax Returns filed!
— Income Tax India (@IncomeTaxIndia) December 22, 2021
46.77 lakh #ITRs filed in last 7 days & over 8.7 lakh #ITRs filed on 21st December, 2021.
Don't wait, File TODAY!#FileNow pic.twitter.com/mON5Nj4wWl
असा भरा आयकर रिटर्न
- आयकर ई-पोर्टलला भेट द्या
- होमपेजवर ‘login here’पर्यायावर क्लिक करा.
- तुमचा PAN Card क्रमांक ‘enter your user ID’ या पर्यायामध्ये नमूद करा आणि continue वर क्लिक करा
- ‘secure access message’ वर continue करा
- आता तुम्हाला सहा अंकी वन-टाइम पासवर्ड (OTP) हा एसएमएस किंवा व्हॉइस कॉलद्वारे प्राप्त करायचा आहे, याची निवड करा
- पर्याय निवडल्यानंतर Enter पर्यायावर क्लिक करा
- आयकर ई-फायलिंग पोर्टलवर लॉग इन करण्यासाठी व्यक्ती त्यांचा नोंदणीकृत आधार क्रमांक किंवा नेट बँकिंग देखील वापरू शकतात.
- आधार पर्याय वापरताना, आधार क्रमांक तसेच प्राप्त झालेला ओटीपी नमूद करावा लागेल.
- नेट बँकिंगद्वारे युजर आयडी आणि पासवर्डचा वापर करावा लागेल.
- लॉगिन प्रक्रिया पूर्ण झाल्यानंतर, 2021-22 या आर्थिक वर्षासाठीच्या आयटी रिटर्नवर स्क्रीनवर दिलेल्या सूचनांचा वापर करा.
महत्त्वाच्या बातम्या :
महत्त्वाच्या बातम्या
