Rahul Gandhi : यूपीमध्ये इंडिया आघाडी किती जागा जिंकणार? राहुल गांधींनी आकडा सांगताच अखिलेश यादवांची कळी खुलली!
राहुल गांधी यांनी कानपूरमधील भाषणादरम्यान इंडिया आघाडीला राज्यात किती जागा जिंकता येतील हे सांगितले. आमच्या युतीला उत्तर प्रदेशात 50 पेक्षा कमी जागा मिळणार नाहीत, असे राहुल गांधी म्हणाले.
UP Lok Sabha Election 2024 : काँग्रेस आणि समाजवादी पक्ष समाजवादी पक्ष उत्तर प्रदेशमध्ये आघाडी करून लढत आहेत. काँग्रेस नेते राहुल गांधी आणि सपाचे अखिलेश यादव यांनी आज (10 मे) शुक्रवारी राज्यातील दोन जिल्ह्यांमध्ये रॅली काढली. युतीचा पहिला मेळावा कन्नौजमध्ये झाला. सपा प्रमुख अखिलेश यादव स्वत: कन्नौजमधून निवडणूक लढवत आहेत. दुसरी बैठक कानपूरमध्ये झाली. या जागेवरून काँग्रेसचे आलोक मिश्रा उमेदवार आहेत.
उत्तर प्रदेश और देश, स्पष्ट है दोनों का जनादेश - INDIA की आंधी आने वाली है। pic.twitter.com/Yz52jSQw3g
— Rahul Gandhi (@RahulGandhi) May 10, 2024
दोन्ही सभांमध्ये काँग्रेसचे माजी अध्यक्ष आणि रायबरेलीचे उमेदवार राहुल गांधी आणि यूपीचे माजी मुख्यमंत्री अखिलेश यादव यांची भाषणे झाली. राहुल गांधी यांनी कानपूरमधील भाषणादरम्यान इंडिया आघाडीला राज्यात किती जागा जिंकता येतील हे सांगितले. आमच्या युतीला उत्तर प्रदेशात 50 पेक्षा कमी जागा मिळणार नाहीत, असे राहुल गांधी म्हणाले.
कन्नौज में ‘इंडिया गठबंधन’ की जीत के लिए ऐतिहासिक एकजुटता देखकर भाजपा के कैम्प में खलबली मच गयी है। सपा, कांग्रेस, आम आदमीं पार्टी और अन्य सहयोगी दलों के एक साथ आने और भाजपा के अंदर ही घमासान मच जाने से भाजपा का सारा नकारात्मक गणित गड़बड़ा गया है।
— Akhilesh Yadav (@yadavakhilesh) May 10, 2024
भाजपाई अपने परिवार पर ही आरोप… pic.twitter.com/cOp0H4NzB8
अखिलेश यांनी हा दावा केला होता
मात्र, राहुल गांधींची ही घोषणा अखिलेश यांच्या दाव्यापेक्षा पूर्णपणे वेगळी आहे ज्यात ते म्हणत होते की सपा आणि काँग्रेस 79 जागा जिंकतील आणि 1 जागेवर लढाई होईल. अखिलेश वाराणसीच्या जागेवर लढण्याचा दावा करत असल्याचे मानले जात आहे. निवडणुकीच्या सुरुवातीपासूनच अखिलेश प्रत्येक प्रसंगी सांगत आहेत की, सपा, काँग्रेस आणि पीडीएचे लोक आघाडीला राज्यात 79 जागा जिंकून देतील.
भारतीय जनता पक्षाच्या देशभरात 180 जागा कमी होतील, असा दावा राहुल गांधी यांनी अनेक प्रसंगी केला. उत्तर प्रदेशात लोकसभा निवडणुकीसाठी सात टप्प्यात मतदान होणार आहे. यातील मतदानाचे तीन टप्पे पूर्ण झाले आहेत. उर्वरित चार जागांसाठी 13 मे, 20 मे, 25 मे आणि 1 जून रोजी मतदान होणार आहे. 4 जूनला निकाल लागणार आहे. 2019 च्या निवडणुकीत यूपीमध्ये काँग्रेसला फक्त 1 जागा मिळाली होती, तर सपाला पाच जागा मिळाल्या होत्या.
इतर महत्वाच्या बातम्या
महत्त्वाच्या बातम्या
